နဲဂွံသုၚ်စောဲ Windows Application ပ္ဍဲ Mac OS

ညးမသုၚ်စောဲမံၚ် Mac တအ် ဗွဲမဂၠိုၚ်တှေ် ပ္တိုန်လဝ်သီု Windows တုဲ သုၚ်စောဲတဴ မံၚ်အိုတ်ရ။ မုဟိုတ်ရောတှေ် သုၚ်စောဲ Mac ဂှ်ဟွံခံၚ်မတ်ဏီကီု ဟွံသေၚ်မ္ဂး အတိုၚ် Software ဇကုမသုၚ်စောဲမံၚ် ပ္ဍဲ Windows တေံဂှ် ဟိုတ်နူဟွံမွဲဂၠာဲဟွံဆဵုဏီကီုတုဲ ပ္တိုန်လဝ်သီု OS ၜါတုဲ သ္ဒးသုၚ်စောဲတဴမံၚ်အိုတ်ရ။ သီုဟွံဒးပ္တိုန် Windows မွဲသာ် ညံၚ်ဂွံသုၚ်စောဲကေတ် Windown Application ပ္ဍဲ Mac မာန်ဂှ် Software နွံမံၚ်ညိညကီုရ။ Software Free လေဝ်နွံတုဲ Software သ္ဒးရာန်ကေတ်လေဝ်နွံရ။ WineBottler ဂှ် ၜိုန်ရဟွံဒးကဵုၚုဟ်မွဲသာ်ကီုလေဝ် သုၚ်စောဲစမ်ရံၚ်ဂှ် Software ဇၞော်ဇၞော်တံ ဟွံကၠောန်ကမၠောန်ရ။ ဟိုတ်ဂှ်ရတှေ် လၟုဟ်ဂှ် သုၚ်စောဲ CrossOver တုဲ ဟီုလဴအာရောၚ်။ CrossOver ဂှ် ဍေံကဵုလဝ် Free သွက်ဂွံစမ်ၜတ်ပွိုၚ် ၁၄ တ္ၚဲရ၊ တ္ၚဲၜက်အာတုဲ ယဝ်ရဒးစိုတ်သုၚ်စောဲဏီမ္ဂး ကဵုၚုဟ်တုဲ ရာန်ကေတ်မာန်ရ။ ၚုဟ်မးဍေံလေဝ် $59.95 USD ရနွံတုဲ ၚုဟ်ထေက်တန်မံၚ်ဟီုစဂွံရ။ နဲဂွံဂွံမးမးဂှ် ယဝ်ဝါသနာနွံတှေ် ဗီုဇကုကဵုဇကုဂၠာဲစကေတ်ညိ။

နွံပၟိက်စမ်ၜတ်မ္ဂး Download ကေတ် CrossOver ဒၞာဲဏံ ညိ။

ဗီုဂွံသုၚ်စောဲဍေံဂှ်-

[၁] ဂြဲဖျေံဂွံနၚ် CrossOver ဂှ်တုဲ အာစွံပ္ဍဲကဠာ Applications တေံတုဲ သုၚ်စောဲမာန်ရ။

[၂] ကာလပံက်တိုန်ဍေံစဂှ် စုတ် Software ဟာ Run Software ဟာ ဒၞာဲရုဲဍေံနွံမံၚ်ၜါတုဲ ရုဲကေတ်ဇကုမိက်ဂွံကၠောန်ဂှ်ညိ။



[၃] ယဝ်ရုဲလဝ်စုတ် Software မ္ဂး ဍေံမံက်တိုန်ကၠုၚ်ဒၞာဲသွက်ဂွံဂၠာဲကဵုဍေံ .exe file ဇကုဂှ်တုဲ ဆက် install အာအတိုၚ်ဇကုမ install မံၚ်ပ္ဍဲ Windows တေံကီုရ။ ယဝ်ရ Software ဇကုစုတ်ဂှ် ဒှ်မံၚ်ကဵု CD (ညံၚ်ရဴ Microsoft Office) မ္ဂး စုတ်ပ္ဍဲစက် Mac ဂှ်ဂံၚ်ၚ်ညိ၊ ဟိုတ်နူ CrossOver နွံမံၚ်တုဲ ဍေံညာတ်ကေတ် Autorun ညံၚ်ရဴပိုဲစုတ်မံၚ်ပ္ဍဲစက် Windows တေံကီုရ။

သုၚ်စောဲ ISO RECORDER တုဲ နဲဂွံကၠောန် ISO file

နဲဂွံကၠောန် ISO file ဂှ် မိက်ဂွံချူမံၚ်လအ်ရ၊ ဆဂးဟိုတ်နူ Software တံဂှ် ဒှ်မံၚ် Free ဟွံသေၚ်သၟးဂၠိုၚ်တုဲ ဟွံဒှ်ချူကၠုၚ်ရ။ ဂၠာဲအာဂၠာဲကၠုၚ်တုဲ သွက်ဂွံကၠောန် ISO ဂှ် Software ဟွံဒးကဵုၚုဟ်တံလေဝ် နွံမံၚ်ညိညကီု ဂွံဆဵုကေတ်တုဲ ပ္ဍဲတံဂှ် ရုဲစှ်ကေတ် ISO Recorder ဏံတုဲ ချူထ္ၜးဏာရ။ ISO Recorder ဏံဂှ် သုၚ်စောဲလေဝ်လောဲတုဲ ပ္ဍဲ Windows 7 / 8 တံလေဝ်သုၚ်စောဲမာန်မံၚ်ကီုရ။ ISO file ဂှ် ဒှ်ဂကူ Image file မွဲကီုတုဲ သုၚ်စောဲဒၞာဲလဵုရောဟီုတှေ် ညံၚ်ရဴကဝး Windows တံ ကာလပိုဲ မိက်ဂွံဂိုၚ်စွံပ္ဍဲစက်ကောန်ပျူတာမ္ဂး ပိုဲသ္ဒးကၠောန်ထောံ Image file မွဲမွဲဂကူတုဲဟေၚ် ပိုဲဂိုၚ်စွံမံၚ် အိုတ်ရဟွံသေၚ်ဟာ၊ မုဟိုတ်ရောတှေ် ကာလပိုဲကလေၚ်ချူပ္တိတ် CD မ္ဂး ဍေံဂွံဒှ်မံၚ်အတိုၚ်တြေံ Bootable CD တေံဂှ်ရ။ ဟီုသေၚ်ၚ်တှေ် Image file ဂှ် ၜိုန်ရဍေံစိုပ် အာပ္ဍဲစက်ကောန်ပျူတာပိုဲကီုလေဝ် သီုဟွံ ယောၚ်ယာအာမွဲသာ် ဍေံဒှ်မံၚ်အတိုၚ်မူ မကၠုၚ်နူကဝးတေံရောၚ်။ ဟိုတ်ဂှ်ရတှေ် Image file မွဲမွဲပိုဲဂွံကလေၚ်သုၚ်စောဲမာန်ဂှ် ပိုဲဒးချူပ္တိတ်ကဝး ဟွံသေၚ်မ္ဂး သ္ဒးသုၚ်စောဲ Clone Drive မွဲမွဲသာ်တုဲဟေၚ် ပိုဲသုၚ်စောဲကေတ်မာန်ရ။

နွံပၟိက်သုၚ်စောဲ ISO Recorder မ္ဂး စက်ဇကု 32-bit ဟာ 64-bit ဟာဂှ် ရုဲစှ်တုဲ Download ကေတ် ဒၞာဲဏံ ညိ။

ဗီုဂွံသုၚ်စောဲဍေံဂှ်-

[၁] နူမ Download ဂွံနၚ်လဝ်ဂှ် Install စုတ်ထောံညိ။
[၂] လ္တူ Folder မွဲမွဲ ဟွံသေၚ်မ္ဂး Drive မွဲမွဲ ပိုဲမိက်ဂွံကၠောန်ထောံ ISO ဂှ် ဍဵု Rigth-Click တုဲ ဍဵုကဵု Create ISO image file (လ္တူ CD Drive မ္ဂး - Create image from CD/DVD) ဂှ်ညိ။
[၃] ပ္ဍဲတၞးမံက်ကၠုၚ်ဂှ် ဍဵုကဵု Next တုဲ ဍေံစပ္တံကၠောန်မံၚ်ယျဂှ် ဂွံဆဵုကေတ်တုဲ မၚ်ကဵုမွဲလစုတ်မ္ဂး ပိုဲကလိဂွံ ISO file မွဲရောၚ်။

Siri သွက်ညးသုၚ်စောဲ iPhone4 iOS 6.1 တအ်

ညးမသုၚ်စောဲမံၚ် iPhone4 တံ ညံၚ်ရဴ iPhone4s ကီု တၞဟ်နဂွံသုၚ်စောဲ Siri မာန်ဂှ် ညးမဒှ် Hacker တံကၠောန်ပ္တိတ်လဝ်ကဵုတုဲရ။ Siri ဂှ် ဟိုတ်နူကဵုအမိၚ် စကာနကဵုရမျာၚ်မာန်တုဲ ဒၞာဲဒးတက်လိက်တံအိုဿီုဂှ်လေဝ် ပ္ဍဲ keyboard ဂှ် ကောန်ရုပ် mic မံက်မံၚ်တုဲ ဍဵုရုပ် mic ဂှ်တုဲ စၞးဒးတက်ဂှ် ဟီုဗှ်ကေတ် နကဵုရမျာၚ်မာန်ရ။ တိတ်အာကြေဝ်ဝေၚ်မ္ၚးတှေ်လေဝ် ဒးကေတ်ဏာက္ဍိုၚ်ဟာ ဟွံဒးကေတ်ဟာဂှ် သၟာန်ကေတ် Siri မာန်တုဲ တၞဟ်ဟ်တအ်လေဝ် သၟာန်ကေတ်မာန်ဗွဲမစုတ်လေၚ်ဏီရ။ ဂွံစုတ် Siri ပ္ဍဲ iPhone4 ပိုဲမာန်ဂှ် Phone ပိုဲဒးသ္ပလဝ် Jailbreak ရ။

ဗီုဂွံစုတ်ဂှ်-

1./ အာပ္ဍဲကဵု Cydia တုဲ ဍဵု Manage ဂှ်တုဲ ဍဵု Sources ဂှ်တုဲမ္ဂး ဍဵု Edit ဂှ်ညိ။



2./ ဍဵု Add ဂှ်တုဲ တက်စုတ် http://BassamKassem.myrepospace.com/ တုဲ ဍဵု Add Source ဂှ်ညိ။



3./ ဍေံစုတ်တုဲမ္ဂး အာပ္ဍဲကဵု Search ဂှ်တုဲ တက်စုတ် [Ac!D]Siri-iOS 6.1 ဂှ်တုဲ Install ကေတ်ညိ။ ဗၞတ်ၜိုတ် 100MB ဒှ်တုဲ စွံစိုတ်ဂၠိၚ်ၚ်တုဲ ဃောဍေံသ္ပမံၚ် Install ဂှ် မၚ်ကဵုမွဲလစုတ်ညိ။ တုဲမ္ဂး Reboot ကဵု phone ဂှ်မွဲလ္တန်ညိ။



4./ Phone ပိုဲကၠေၚ်တိုန်ကၠုၚ်တၟိတုဲ အာပ္ဍဲကဵု Settings တုဲ စှေ်အာကဵု [Ac!D] Settings ဂှ်တုဲ စုတ်ကဵုဍေံ Proxy Host မွဲမွဲညိ။ ပ္ဍဲဒၞာဲဏံ wordjelly proxy ဂှ် ပြေပြံၚ်အိုတ်ထေၚ်တုဲ စုတ်လဝ်ဍေံရ။ သွက်ဂွံစုတ်ဂှ် တက်ဗပေၚ်စုတ်  https://siri.wordjelly.com:4443 ပ္ဍဲဒၞာဲ Proxy Host ဂှ်တုဲ ဒၞာဲ Siri Enabled သၟဝ်ဂှ်လေဝ် On လဝ်ကဵုကီုညိ။





5./ သွက်ဂွံစုတ် MacOrg Certificate ဂှ် တက်စုတ် http://www.siriserver.macorg.net/wp-content/uploads/certificate/ca.pem ပ္ဍဲ Safari iPhone ပိုဲဂှ်တုဲ Install ကေတ်ညိ။



6./ တုဲမ္ဂး အာပ္ဍဲကဵု Settings > General > Siri တုဲ On ပံက်ထောံဍေံညိ။





တုဲဒှ်အိုတ်ရ....ဍဵုစမ်ရံၚ် Home button လအ်လအ်တုဲ ဟီုစမ်ရံၚ်ညိ။ ပြေပြံၚ်ရောၚ်ထေၚ်ကေတ်ရ။
 
အတိုၚ်ထ္ၜးလဝ်ဏံဝွံ သွက်ညးသုၚ်စောဲ iOS 6.1 ဟေၚ်ရ၊ ညးမသုၚ်စောဲမံၚ် iOS တၞဟ်တၞဟ်တအ်ဂှ် ဂၠာဲကေတ်ပ္ဍဲ Google ညိ။

သွက်ဂွံသ္ပ Jailbreak iOS 6.0 စိုပ် 6.1.2

ဇၟာပ်ပ်ညးမသုၚ်စောဲ iDevice တံ ဗွဲမဂၠိုၚ်တှေ် တၞဟ်နဂွံစုတ်ကၠောန်သ္ပမာန်နာနာတုဲ iDevice ပိုဲ သ္ပလဝ် Jailbreak တုဲ သုၚ်စောဲတဴမံၚ်အိုတ်ရ။ စနူကဵု iOS 6.0 ဂှ်တုဲ Untethered ဟွံတိတ်ကၠုၚ်ဂှ်လအ်ကွေံကွေံရ။ ဟိုတ်ဂှ်ရ Tethred Jailbreak မကၠောန်ကမၠောန် ပ္ဍဲ iPhone4 သၟးဂှ် ၜိုန်ရဟွံပြေပြံၚ်ကီုလေဝ် ပိုဲသ္ဒးသုၚ်စောဲ ကၠုၚ်လဝ်ရ။ ညးမသုၚ်စောဲ iPhone4s, iPhone5 တံဂှ် ၚုၚ်မၚ်ကၠုၚ်မံၚ် တၟာလအ်ရဟွံသေၚ်ဟာ။ Untethered Jailbreak သွက် iDevice အိုဿီု မစကာမံၚ် iOS 6.0, 6.0.1, 6.0.2, 6.1 ဂှ် ပ္ဍဲစၟတ်တ္ၚဲ (Feb 03 2013) ဂှ် ပ္တိတ်ကဵုမာန်ဏောၚ် ၜိုန်ရညးတံ လလောၚ်တြးလဝ်ကီုလေဝ် ဟွံဒှ်တိတ်တုဲ နူဗတံဏံ (Feb 05 2013) ဂှ် ညးတံပ္တိတ်ကၠုၚ်ကဵုမာန်တုဲရ။ သွက်ညးသုၚ်စောဲ Windows, Mac OS x, Linux အိုဿီုဂှ် ကၠောန်ကမၠောန်မာန်တုဲ သီုဟွံမွဲကဵုပြဒ္ဒညာမွဲသာ် သ္ပကေတ် Jailbreak မာန်ရ။ လၟုဟ်မ္ဂး သ္ပပ္တံနူ iOS 6.0 တုဲ ဒဵုစိုပ် 6.1.2 ဂှ် သုၚ်စောဲ evasi0n တုဲ သ္ပကေတ် Jailbreak မာန်ရ။

နွံပၟိက်သ္ပ Jailbreak မ္ဂး Download ကေတ် evasi0n ဒၞာဲဏံ ညိ။

ကိုပ်ကၠာနူဟွံဂွံသ္ပ Jailbreak ဏီ သ္ဒးစွံသတိညိညဂှ်-

[၁] iDevice ဇကုဂ်ှ သုၚ်စောဲ iTunes ဟွံသေၚ်မ္ဂး iCloud တုဲ သ္ပထောံ Backup ညိ။
[၂] ကိုပ်ကၠာနူဟွံဂွံသ္ပ Jailbreak ဏီ Passcode ပ္ဍဲ iDevice ဇကု ပ္တိတ်ထောံလဝ်ညိ။
[၃] ဃောမသ္ပမံၚ် Jailbreak ဂှ် ပ္ဍဲကောန်ပျူတာဇကု မုလေဝ်လ္ပပံက်ဍဵုဝေၚ်ညိ။
[၄] ဃောမသ္ပမံၚ် Jailbreak ဂှ် လီုအာကဝက်ကဝုဲမ္ဂး သ္ပ Restart တုဲ ကလေၚ်စကမၠောန်တၟိပၠန်ညိ။

ဟွံဒးသုၚ်စောဲ Software မွဲသာ် နဲပါ်ကရေက် Partition

သုၚ်စောဲကေတ် Software မွဲမွဲသာ်တုဲ နဲပါ်ကရေက် Partition ဂှ် ပ္ဍဲ ဒၞာဲဏံ ကေၚ်ချူလဝ်တုဲရ။ ကရေက် Partition ဟီုဂှ် Hard Disk နွံမံၚ်ပ္ဍဲစက်ပိုဲဂှ် ပိုဲကရေက်ထောံ ၜါပိကရေက် မပ္တံကဵု C: D: E: သာ်ဝွံတံရ။ အခိၚ်ကာလဂၠာဲ Software ဒှ်အခက်အခုဲမ္ဂး ၜိုန်ရ Software ဟွံမွဲလေဝ် ညံၚ်ဂွံကရေက်မာန်ဂှ် ပိုဲဒးတီလ္ၚတ်လဝ်ထေက်ကီုရ။ သုၚ်စောဲ Software တုဲကရေက်ဂှ် ပ္ဍဲဇၟာပ် Windows ကၠောန်သ္ပကေတ်မာန်တုဲ လောဲလေဝ်လောဲသွာညိဟီုစဂွံရ။ ဟွံဒးသုၚ်စောဲ Software မွဲသာ် ပါ်ကရေက် Partition ဂှ် သွက်ညးသုၚ်စောဲ Windows Vista / 7 / 8 တံ ကၠောန်သ္ပကေတ်မာန်တုဲ ကၠောန်ဍေံဝါတ်ညိ ဒးဟီုစရ။

နဲဂွံကၠောန်ဍေံဂှ်-

[၁] ပ္ဍဲ Desktop လ္တူ Computer (My Computer) ဂှ် ဍဵု Right-Click တုဲ ဍဵုကဵု Manage ဂှ်ညိ။ ဟွံသေၚ်မ္ဂး အာပ္ဍဲ Control Panel > System and Security > Administrative Tools > Computer Management လေဝ်ဂွံရ။



[၂] ပ္ဍဲကဵုသ္ကဲလ္ပာ်ပဲါဂှ် ဍဵုကဵု Disk Management ပ္ဍဲသၟဝ် Storage ဂှ်ညိ။



[၃] ဂွံဆဵုကေတ် Disk ပ္ဍဲစက်ဇကုဂှ်တုဲ လ္တူ Disk ဇကုမိက်ဂွံကရေက်ပ္တိတ်ဂှ် ဍဵုကဵု Right-Click တုဲ ဍဵုကဵု Shrink Volume ဂှ်ညိ။

[၄] ဍေံကဵုအခေါၚ်ကရေက်ပ္တိတ်မ္ဂး ဍေံထ္ၜးတိုန် ဗၞတ်ဗ္ၜတ်မရေက်ကေတ်မာန်တုဲ ၜိုတ်ဇကုမိက်ဂွံကရေက်ပ္တိတ်ဂှ် တက်စုတ်ကဵုဍေံ နကဵုသၞောတ် MB ညိ၊ [1GB=1024MB]။ တုဲဒှ်မ္ဂး ဍဵုကဵု Shrink သၟဝ်ဂှ်ညိ။



[၅] ဍေံကရေက်ပ္တိတ်ကဵုတုဲ ဂွံဆဵုကေတ်ဗီုပြၚ်နဒဒှ်ၜါကရေက်ရ။ လ္တူကရေက်ပဵုတိုန်ကၠုၚ်တၟိဂှ် ဍဵု Right-Click တုဲ ဍဵုကဵု New Simple Volume ဂှ်ညိ။ ဆက်ဍဵုအာကဵု Next အတိုၚ်လၟေၚ်ၚ်တုဲ ကာလစိုပ်ကၞောတ်တေံမ္ဂး ဍေံသ္ပ Format တုဲ Partition ပိုဲမရေက်ပ္တိတ်လဝ်တၟိဂှ် စသုၚ်စောဲမာန်ရ။ ပ္ဍဲ My Computer ပိုဲတေံလေဝ် Drive ပဵုတိုန်ကၠုၚ်တၟိမွဲဂှ် ပိုဲဂွံဆဵုကေတ်ရ။