Labels

Featured Posts

Wednesday, January 29, 2014

မလိက်မန် ကေုာံ Keyboard သွက် iOS 7+

စနူကဵု Apple ဖျေံပ္တိတ်လဝ်ကဵု iOS 7 တုဲ မလိက်မန် ကေုာံ keyboard တြေံတံဂှ် သုၚ်စောဲဟွံဂွံကၠုၚ်တုဲ ကောန်ဂကူပိုဲတံလေဝ် မၚ်စၟဳကၠုၚ်မံၚ် update ဍေံ ညံၚ်ဂွံသုၚ်စောဲမာန် သွက် iOS 7 တၟာလအ်ရ။ တ္ၚဲဏံမ္ဂး မလိက်မန် ကေုာံ Keyboard သွက် iOS 7 ဂှ် ကောဂၠုတၠဆာန်မန် ညးဆက်ကၠောန်ကၠုၚ်ကဵုဂှ် ဂွံဆဵုကေတ်ပ္ဍဲကဵုမုက် Blog ညးတေံရ။ ဆဂး ပြဟ်ဟ်ဏံ ညးကၠောန်လဝ်သွက်မလိက် "Mon" သၟးရ။ သွက်ညးသုၚ်စောဲမံၚ် မလိက် "Uni Mon" တံဂှ်လေဝ် နာဲအဲမန် ကၠောန်ပ္တိတ်လဝ်ကဵုနွံရ။ ဂွံစုတ်သုၚ်စောဲမလိက်မန်တံဏံမာန်ဂှ် iDevice ပိုဲ ဒးသ္ပလဝ် Jailbreak တုဲတုဲ ဒးဒှ်ရ။

Cydia Repo နာဲတၠဆာန်မန် -
http://cydia.myrepospace.com/Mon (မလိက် "Mon" ကေုာံ Keyboard သၟး)
Cydia Repo နာဲအဲမန် -
http://cydia.myrepospace.com/Himon (မလိက် "Uni Mon", "Mon" ကေုာံ Keyboard )

ဗီုဂွံစုတ်ဍေံဂှ်-

[1] ပ္ဍဲ Phone ပိုဲစုတ်လဝ် Zawgyi နွံမံၚ်မ္ဂး ပ္တိတ်ထောံမလိက် ကေုာံ keyboard ဍေံညိ။

[2] အာပ္ဍဲကဵု Cydia တုဲ အာကဵု Manage (Source သွက်iPad)တုဲ ဍဵု Edit ဂှ်ညိ။ ဍဵု Add ဂှ်တုဲ တက်စုတ် http://cydia.myrepospace.com/Mon တုဲ ဍဵု Add Source ဂှ်ညိ။

[3] တုဲမ္ဂး သွက်ဂွံစုတ်မလိက်ဂှ် ရုဲကေတ် "Mon iOS 7 Font" ဂှ်တုဲ Install ကေတ်ညိ။

[4] စုတ်တုဲမ္ဂး ဒးသ္ပ Respring ရ။

[5] ကာလ Phone ပိုဲက္လေၚ်တိုန်ကၠုၚ်မ္ဂး သွက်ဂွံစုတ် Keyboard ဂှ် ရုဲကေတ် "Monkeyboard iOS7 Beta" ဟွံသေၚ်မ္ဂး "Mon Keyboard for iOS 7+" ဂှ်တုဲ Install ကေတ်ညိ။

[6] စုတ်တုဲမ္ဂး သ္ပ Respring တုဲ ကာလ Phone ပိုဲက္လေၚ်ကၠုၚ်ပၠန်မ္ဂး ယဝ်စုတ်လဝ် "Monkeyboard iOS7 Beta" ဂှ်မ္ဂး မုဟွံဒးသ္ပမွဲသာ် စတက်စကာလိက်မန်မာန်ရ။ ယဝ်စုတ်လဝ် "Mon Keyboard for iOS 7+" မ္ဂး အာပ္ဍဲကဵု Settings > General > Keyboard > International > Add New Keyboard တုဲ ရုဲကေတ် Czech ဂှ်တုဲ စတက်စကာလိက်မန်မာန်ရ။


Friday, December 27, 2013

သွက်ဂွံသ္ပ Jailbreak iOS 7.0 စိုပ် 7.0.6

ဇၟာပ်ပ်ညးမသုၚ်စောဲ iDevice တံ ဗွဲမဂၠိုၚ်တှေ် တၞဟ်နဂွံစုတ်ကၠောန်သ္ပမာန်နာနာတုဲ iDevice ပိုဲ သ္ပလဝ် Jailbreak တုဲ သုၚ်စောဲတဴမံၚ်အိုတ်ရ။ စနူကဵု iOS 7.0 ဂှ်တုဲ Jailbreak ဟွံတိတ်ကၠုၚ်လအ်ရတုဲ ညးမသုၚ်စောဲမံၚ် iDevice တံ စၟဳတဴဒၟံၚ်ညးညးအဲရ။ အဃောပူရိသာတ်တံမစၟဳဒၟံၚ်ဂှ်ဟေၚ် နူဂကောံ Evasi0n တေံပ္တိတ်နၚ်ကဵု Jailbreak Tool သွက် iOS 7+ ပၠန်ရ။ သွက်ညးသုၚ်စောဲ Windows, Mac OS x အိုဿီုဂှ် ကၠောန်ကမၠောန်မာန်တုဲ သီုဟွံမွဲကဵုပြဒ္ဒညာမွဲသာ် သ္ပကေတ် Jailbreak မာန်ရ။ လၟုဟ်မ္ဂး သ္ပပ္တံနူ iOS 7.0 တုဲ ဒဵုစိုပ် 7.0.6 ဂှ် သုၚ်စောဲ evasi0n တုဲ သ္ပကေတ် Jailbreak မာန်ရ။ မလိက်ဗၟာ ကေုာံ Keyboard သွက် iOS 7+ ဂှ် စုတ်ကေတ်နူ Repo "cydia.macforus.com" ဂှ်မာန်ရ။ ပြဟ်ဟ်ဏံ Cydia Tweak လ္ၚဵုတံလေဝ် သုၚ်စောဲဟွံပြေပြံၚ်ဏီတုဲ ချိၚ်ဆတုဲ Install သုၚ်စောဲအာအိုတ်ညိ။

နွံပၟိက်သ္ပ Jailbreak မ္ဂး Download ကေတ် evasi0n ဒၞာဲဏံ ညိ။

ကိုပ်ကၠာနူဟွံဂွံသ္ပ Jailbreak ဏီ သ္ဒးစွံသတိညိညဂှ်-

[၁] iDevice ဇကုဂ်ှ သုၚ်စောဲ iTunes ဟွံသေၚ်မ္ဂး iCloud တုဲ သ္ပထောံ Backup ညိ။
[၂] ကိုပ်ကၠာနူဟွံဂွံသ္ပ Jailbreak ဏီ Passcode ပ္ဍဲ iDevice ဇကု ပ္တိတ်ထောံလဝ်ညိ။
[၃] ဃောမသ္ပမံၚ် Jailbreak ဂှ် ပ္ဍဲကောန်ပျူတာဇကု မုလေဝ်လ္ပပံက်ဍဵုဝေၚ်ညိ။
[၄] ဃောမသ္ပမံၚ် Jailbreak ဂှ် လီုအာကဝက်ကဝုဲမ္ဂး သ္ပ Restart တုဲ ကလေၚ်စကမၠောန်တၟိပၠန်ညိ။

Thursday, November 21, 2013

ညံၚ်ဂွံဗှ်လိက်မန်/ဗၟာမာန် ပ္ဍဲ iOS 7+

ညးမသုၚ်စောဲမံၚ် iSO 7+ တံ စဵုကဵုတ္ၚဲဏံ ဟိုတ်နူသ္ပ Jailbreak ဟွံမာန်ဏီတုဲ သွက်ဂွံဗှ်လိက်မန်/ဗၟာတံဂှ် ဒှ်မံၚ်အခက်အခုဲညးညးအဲအဲရ။ ၜိုန်ဂှ်လေဝ် ညးလ္ၚဵုတံသုၚ်စောဲ မပ္တံကဵု Mogok browser တံတုဲ ဗှ်ကေတ်လိက်မန် / ဗၟာတံဂှ်မာန်ကီုရ၊ ဆဂး သွက် App တၞဟ်ဟ်အလုံမွဲ device ဂှ် ဗှ်ဟွံမာန်ရ။ Jailbreak သွက်ဍေံဂှ် စဵုကဵုတ္ၚဲဏံ ဟွံတိတ်ဏီဖိုဟ်တုဲ သွက်ပိုဲညးမသုၚ်စောဲမံၚ် iOS 7+ တံ ညံၚ်ဂွံပြေပြံၚ်ဂှ် သီုဟွံဒးသ္ပ Jailbreak မွဲသာ် ညံၚ်ဂွံဗှ်လိက်မန်/ဗၟာ အလုံမွဲဖုၚ်ပိုဲမာန်ဂှ် တၠစောန်ကွတ်ပိုဲတံ ညးကၠောန်ဗဒှ်လဝ်ကဵုတုဲရ။ သွက်လိက်မန်ဂှ် "Mon" မွဲဟေၚ်က္လိဂွံမာန်တုဲ "Uni Mon" ဂှ် ဟွံမွဲဏီရ။ သွက်လိက်ဗၟာဂှ် "Zaw-gyi" က္လိဂွံမာန်တုဲ သွက်မလိက် Unicode ဂှ် "MON3 Anonta1" လေဝ် က္လိဂွံမာန်ကီုတုဲ ဗွဲမဗဗွဲကဵုဇကုဒးဂၞပ်ဂှ် ရုဲစှ်သုၚ်စောဲမာန်ရ။

နဲဂွံစုတ်ဍေံဂှ်-

[၁] ပံက် Safari browser ပ္ဍဲ iDevice ဇကုတုဲ ယဝ်နွံပၟိက်စုတ်မလိက် "Mon" မ္ဂး တက်စုတ် https://dl.dropboxusercontent.com/u/35712641/A1MON.mobileconfig ညိ။ ယဝ်နွံပၟိက် "Zaw-gyi" မ္ဂး တက်စုတ် http://d.pr/f/M8Es+ တုဲ ယဝ်နွံပၟိက် "MON3 Anonta1" မ္ဂး တက်စုတ် http://d.pr/f/x4at+ ညိ။ (သီုပိဂကူစုတ်ဟွံဂွံတုဲ ၝဇကုနွံပၟိက်ဂှ်ဟေၚ် စုတ်မွဲညိ။)

[၂] စိုပ်အာပ္ဍဲ Setting တုဲ ဍဵုကဵု Install ဂှ်ညိ။ တုဲဒှ်မ္ဂး ပ္ဍဲ Phone ပိုဲ ဗှ်လိက်မန်/ဗၟာမာန်အာခိုဟ်ဟ်ရောၚ်။ ၜိုန်စုတ်တုဲကီုလေဝ် ယဝ်ဗှ်ဟွံဂွံဏီမ္ဂး သ္ပထောံ Reboot ကဵုဖုၚ်ပိုဲဂှ်ညိ။

  

စုတ်တုဲ ယဝ်မိက်ဂွံက္လေၚ်ဇိုတ်မ္ဂး အာပ္ဍဲ Settings > General > Profiles > Remove တုဲ ဇိုတ်ထောံမာန်ရ။
ကြဴနူစုတ်တုဲ ပ္ဍဲ Safari ယဝ်ဗှ်လိက် Zaw-gyi ဟွံဂွံဏီမ္ဂး သုၚ်စောဲစမ်ရံၚ် Zawgyi Force မ္ဂး ပြေပြံၚ်မာန်ရ။

Wednesday, September 4, 2013

Program တြေံတအ် ညံၚ်ဂွံသုၚ်စောဲမာန်ပ္ဍဲ Windows 8

Program ပိုဲမသုၚ်စောဲကၠုၚ်မံၚ်အခိၚ် Windows XP, Windows 7 တေံ ကာလစိုပ် Windows 8 ဏံ Program လ္ၚဵုတံဂှ် ဟွံနူဟွံကိတ်ညဳတုဲ သုၚ်စောဲဟွံမာန်ရ။ Program လ္ၚဵုတံဂှ် ပၟိက်ဇၞော်မံၚ်ကုပိုယ်တုဲ ဂွံဗလးထောံတဲလေဝ် ဒှ်ဟွံမာန်၊ ဟိုတ်ဂှ်ရၜိုန်ရမိက်ဂွံပြံၚ်သုၚ်စောဲ Windows 8 ကီုလေဝ် ဟွံဒှ်ပြံၚ်သုၚ်စောဲရ။ ဒှ်သာ်ဏံမ္ဂး ပၠေဝ်ထောံပ္ဍဲ Compatibility mode တုဲ Program တံဂှ် သုၚ်စောဲအာ ပ္ဍဲ Windows 8 မာန်ရ။ နဲဏံဝွံ Program အလုံအိုဿီုတံၜိုန်ရဟွံပြေပြံၚ်ကီုလေဝ် Program ဗွဲမဂၠိုၚ်တံဂှ် ပၠေဝ်ကေတ်နဲဏံတုဲ သုၚ်စောဲမာန်အာ ပ္ဍဲ Windows 8 ဂှ် ပိုဲဂွံဆဵုကေတ်ရ။ နဲဏံဝွံ ပ္ဍဲ Windows 7 တေံလေဝ် ပိုဲကေၚ်ဆဵုကၠုၚ်မံၚ်ရရတုဲ Program သၟးဟွံသေၚ် Driver တံလေဝ် ပၠေဝ်သုၚ်စောဲမာန်ကီုရ။

နဲပထမ -

[၁] ပ္ဍဲလ္တူ Installer ဇကုမိက်ဂွံပၠေဝ်ဂှ် ဍဵု Right-click တုဲ ဍဵုကဵု Properties ဂှ်ညိ။



[၂] ပ္ဍဲဂှ် ဍဵုကဵု Compatibility tab ဂှ်ညိ။ [ယဝ် tab ဏံဟွံမွဲမ္ဂး Program ဏံဝွံ သုၚ်စောဲပ္ဍဲ Windows 8 ဟွံကိတ်ညဳသက်က်ရ။]



[၃] ဒၞာဲ 'Run this program in compatibility mode for:' ဂှ် ကဵုထောံစၟတ်တုဲ ရုဲကဵုဍေံ Windows XP / 7 မွဲမွဲညိ။



[၄] နွံပၟိက်မ္ဂး ဒၞာဲ 'Reduced color mode' ဂှ် ကဵုထောံစၟတ်တုဲ ရုဲကဵုဍေံအရံၚ်ဗွဲမဗဗွဲညိ။



[၅] ချိၚ်တုဲဒှ်မ္ဂး ဍဵုကဵု Ok တုဲ Program ဂှ် က္လေၚ် Install စမ်ရံၚ်ညိ။ ပြေပြံၚ်အာရောၚ် ဂွံဆဵုကေတ်ရ။

နဲဒုတိယ -

[၁] ပ္ဍဲလ္တူ Installer ဇကုမိက်ဂွံပၠေဝ်ဂှ် ဍဵု Right-click တုဲ ဍဵုကဵု 'Troubleshoot compatibility' ဂှ်ညိ။
[၂] ဍဵုကဵု 'Try recommended settings' ဂှ်ညိ။



[၃] ဃောဍေံဂၠိုက်ဂၠာဲမံၚ်ဂှ် မၚ်ကဵုမွဲလစုတ်ညိ။



[၄] ဍေံဂၠာဲဂွံနၚ်မ္ဂး ဍေံထ္ၜးတိုန်ကဵုသာ်ဝွံတုဲ မိက်ဂွံစမ်ရံၚ်မ္ဂး ဍဵုကဵု 'Test the program ဂှ်ညိ။ ဟွံသေၚ်မ္ဂး ဆက်ဍဵုအာကဵု Next ညိ။



[၅] ယဝ်ဍေံချိၚ်လဝ်ကဵုဂှ် သုၚ်စောဲပြေပြံၚ်မံၚ်ရမ္ဂး ဍဵုကဵု 'Yes, save these setting for this program' ဂှ်ညိ။ Program ဂှ် သုၚ်စောဲမာန်ခိုဟ်ဟ်ရောၚ်ဂှ် ဂွံဆဵုကေတ်ရ။



Thursday, August 15, 2013

နဲဂွံပံက် Administrator Account ပ္ဍဲ Windows 8 / 7

ဓမ္မတာဏံမ္ဂး ပ္ဍဲစက်ကောန်ပျူတာပိုဲ Administrator Account ဂှ် ဟိုတ်နူဂွံဒှ် ဂီုကၠီုကဵု System File တံတုဲ ဍေံကၟာတ်လဝ်ရ။ ဆဂးဂှ် ကာလသ္ဒးသုၚ်စောဲ နွံပၟိက်ကၠုၚ်မ္ဂး User တံ ပံက်ကေတ် Administrator Account ဂှ်မာန်ရ။ ကာလဆေဝ် ပိုဲဒးစုတ် Software မနွံကဵုအန္တရာယ်ဇၞော်ဇၞော်တံကီု ကာလဒး ပၠေဝ်ပၠေတ်စစက်ယောၚ်ယာကီု ကာလမ္ဒးကၠောန်သ္ပသွာၚ် Networking တံကီု ပိုဲနွံပၟိက်သ္ဒးလုပ် နကဵု Administrator Account ရ။ ပ္ဍဲစက်ကောန်ပျူတာပိုဲ ဒှ်အာ Account ပိပန်တုဲ နွံပၟိက်ဇိုတ်ထောံတှေ်လေဝ် လုပ်ပ္ဍဲ Administrator Account ဏံတုဲ ဇိုတ်ကေတ်မာန်အိုတ်ရ။

နဲပထမ -

[၁] အာပ္ဍဲ Start menu တုဲ တက်စုတ် cmd.exe တုဲ ဆဵုဍေံမ္ဂး ဍဵု Right-Click တုဲ ဍဵု Run as administrator ဂှ်ညိ။



[၂] cmd မံက်ကၠုၚ်တုဲ သွက်ဂွံပံက်ဂှ် တက်စုတ်ကဵု net user administrator /active:yes ညိ။ (ယဝ်မိက်ဂွံကၟာတ်မ္ဂး ဒၞာဲ yes ဂှ် လှာဲစုတ် no ညိ။)



Adminstrator Account ပံက်အာဂှ် ပိုဲဂွံဆဵုကေတ်ရ။

နဲဒုတိယ -

[၁] အာပ္ဍဲ Control Panel > Administrative tools and computer management ဂှ်ညိ။



[၂] ပ္ဍဲသ္ကဲလ္ပာ်ပဲါ ဒၞာဲ Users ဂှ် ဍဵုကဵုတုဲ ပ္ဍဲလ္ပာ်ပုၚ်တေံ ဆဵုကေတ် Adminstrator ဂှ်မ္ဂး ဍဵုကဵုၜါလ္တန်ညိ။



[၃] Properties ဍေံမံက်ကၠုၚ်တုဲ ဒၞာဲ Account is disabled ဂှ် ပၠဟ်ထောံစၟတ်ဍေံညိ။



Adminstrator Account ပံက်အာဂှ် ပိုဲဂွံဆဵုကေတ်ရ။



Wednesday, July 3, 2013

Semi-Restore သွက် iPhone/iPad/iPod touch

သွက်ညးမသုၚ်စောဲ iDevice သ္ပလဝ် Jailbreak တုဲတအ် ဟိုတ်နူစုတ်ဝေၚ် cydia tweak တံဂၠိုၚ်လောန်အာကီု ဟိုတ်နူဟိုတ်နာနာတုဲ iDevice ပိုဲယဝ်ခါရဒှ်အာ အခက်အခုဲမွဲမွဲသာ်မ္ဂး သုၚ်စောဲ Semi-Restore ဏံတုဲ ကလေၚ်သ္ပကေတ် Restore မာန်ရ။ သုၚ်စောဲ Semi-Restore တုဲ ပွမသ္ပ Resotre ဂှ် iDevice ပိုဲ ဍေံကလေၚ်ဒှ်အာအတိုၚ် iOS Firmware တၟိတေံတုဲ Data ကေုာံ Cydia tweaks တံအိုဿီုကၠေံအးအိုတ်ရ၊ ဆဂး Jailbreak ဍေံဟွံလီုအာရ။ ဟိုတ်ဂှ်ရ ၜိုန်ရသ္ပလဝ် Restore ကီုလေဝ် ဟွံသ္ဒးကလေၚ်သ္ပ Jailbreak တၟိတုဲ သွက်ညးသုၚ်စောဲ iDevice တအ် Semi-Restore ဝွံ ခိုဟ်တဴဗွဲမလောန်ဟွံမွဲပ္တောံၜတ်ရ။ Semi-Restore ဝွံ iPhone / iPad / iPod touch စကာလဝ် iOS 5 ဒဵုစိုပ် iOS 6.1.2 တံအိုဿီု ကၠောန်သ္ပ Restore မာန်ရ။ ဃောမသ္ပမံၚ် Semi-Restore ဂှ် iDevice ပိုဲ respring/reboot ဂၠိုၚ်ကဵုအလန်တုဲ အကြာမသုန်/စှ်မိနေတ်ဟေၚ် တုဲဒှ်မာန်ရ။

နွံပၟိက်သုၚ်စောဲမ္ဂး ကေတ် ဒၞာဲဏံ ညိ။
(ဗွဲမဗဗွဲကဵုစက်ကောန်ပျူတာဇကု(Windows/OS-X/Linux)တုဲ ရုဲစှ်ကေတ်ညိ။)

ဗီုပြၚ်ကၠောန်သ္ပဍေံဂှ် ဗဵုကေတ်ဣဝွံညိ။


Monday, July 1, 2013

နဲဂွံပါ်ပရအ်သုၚ်စောဲ Printer ပ္ဍဲကဵု Homegroup

ညးမကၠောန်မံၚ်ကမၠောန်ပ္ဍဲရုၚ်တံကီု ဟွံသေၚ်မ္ဂး ညးမမံၚ်ဒၟံၚ်ကဵုဂကောံကဵုကရောံတံကီု ပ္ဍဲဒၞာဲဇကုမံၚ်တန်တဴဂှ် နွံမံၚ် Priter မွဲမဓဝ်တုဲ မၞိဟ်သုၚ်စောဲမံၚ်ကောန်ပျူတာတံ ဒှ်မံၚ်ပိပန်မ္ဂး မၞိဟ်သုၚ်စောဲကောန်ပျူတာတံဂှ် ကာလမိက်ဂွံပ္တိတ်စက္ခူမ္ဂး သ္ဒးယိုက်ဏာစက်ကောန်ပျူတာဇကုဒၞာဲ Priter နွံ ဟွံသေၚ်တှေ် ယဝ်ရဒှ်ဒၟံၚ် ကောန်ပျူတာဇၞော်ဇၞော်ဂှ်မ္ဂး သ္ဒးယိုက်ကေတ်နၚ် Printer ဇရေၚ်ကောန်ပျူတာဇကုတုဲ သ္ဂောံပ္တိတ်စက္ခူညိဂှ် ဒှ်အာကမၠောန်ဇၞော်ဇၞော်မွဲသာ်ရ။ ညံၚ်ဟွံဂွံဒှ်ဗီုဏံဂှ် Printer ပိုဲနွံမွဲမဂှ် တောဲဆက်ထောံကဵုစက်ကောန်ပျူတာမွဲမတုဲ ပါ်ပရအ်သုၚ်စောဲထောံမ္ဂး မၞိဟ်သှေ်တံလေဝ် သုၚ်စောဲကေတ်မာန်တုဲ ကမၠောန်ပိုဲပြေပြံၚ်အာမာန်ရ။ ဂွံပါ်ပရအ်သုၚ်စောဲဗီုဏံမာန်ဂှ် ကောန်ပျူတာ ပိုဲတံအိုဿီုဂှ် သ္ဒးဆက်လဝ်ပ္ဍဲ Network မွဲဓဝ် နဒဒှ် Homegroup ရ။ ကောန်ပျူတာပိုဲတံအိုဿီုဂှ် ဆက်စၠောံလဝ်နကဵုဇုက်(Cable)ကဵုဒှ် နကဵုဇုက်ဟွံမွဲ(Wireless)ကဵုဒှ် ကၠောန်သ္ပကေတ်အစဳဇန်ဏံမာန်ရ။


နဲဂွံကၠောန်သ္ပဍေံဂှ် -

[၁] သွက်ဂွံဆက်စၠောံ Network စက်မွဲကဵုမွဲဂှ် ဗွဲကိုပ်ကၠာ အာပ္ဍဲ Control Panel တုဲ ဍဵုကဵု “Choose homegroup and sharing options” နွံဒၟံၚ်ပ္ဍဲဂကောံ Network and Internet ဂှ်ညိ။



[၂] ဍဵုကဵု Create a homegroup ဂှ်ညိ။



[၃] မူရဴမွဲပိုဲမိက်ဂွံပါ်ပရအ်ဂှ် ရုဲကဵုဍေံတုဲ ဆက်ဍဵုအာကဵု Next ဂှ်ညိ။ (အရာဇကုမပါ်ပရအ်လဝ်တံဝွံ အာမံက်မံၚ်ပ္ဍဲစက်ကောန်ပျူတာတၞဟ် မဆက်လဝ်ကဵုဇကုတအ်ဂှ်ရောၚ်။)



[၄] ဍေံပံက်ကဵု Homegroup တုဲဒှ်အာတုဲ သွက်စက်ကောန်ပျူတာတၞဟ် ဂွံတောဲဆက်ကဵုဇကုမာန်ဂှ် သ္ဒးသုၚ်စောဲ Password ဍေံကဵုလဝ်သၟဝ်ဝွံရ။ Password ဍေံကဵုလဝ်ဏံ ချူသမ္တီစွံလဝ်တုဲ ဍဵုကဵုဍေံ Finish ဂှ်ညိ။



[၅] တုဲဒှ်အိုတ်မ္ဂး Homegroup settings မံက်ကၠုၚ်အတိုၚ်သၟဝ်ဝွံတုဲ ယဝ်ရမိက်ဂွံဆိၚ်ပၠေဝ်ပၠေတ်နွံကီု က္လေၚ်ကျောဝ်ရံၚ် Password ကီု ပြံၚ်လှာဲထောံ Password တၟိတံကီုဂှ် ကၠောန်သ္ပကေတ်ဒၞာဲဏံမာန်ရ။



[၆] အာပ္ဍဲစက်ကောန်တာတၞဟ်တံဂှ်တုဲ သွက်ဂွံဆက်စၠောံကဵု Homegroup ဂှ် အာပ္ဍဲ Control Panel တုဲ ဍဵုကဵု “Choose homegroup and sharing options” နွံဒၟံၚ်ပ္ဍဲဂကောံ Network and Internet ဂှ်ညိ။

[၇] သွက်ဂွံဆက်စၠောံဂှ် ဍဵုကဵု Join now ဂှ်ညိ။



[၈] တက်စုတ်ကဵုဍေံ Password ဇကုချူစွံလဝ်နူကလၚ်ဂှ်တုဲ ဍဵုကဵု Next ဂှ်ညိ။



[၉] ဍေံဆက်စၠောံတုဲဒှ်အာဂှ် ဂွံဆဵုကေတ်အတိုၚ်သၟဝ်ဝွံတုဲ ဍဵုကဵုဍေံ Finish ဂှ်ညိ။



[၁၀] ပ္ဍဲအရာပါ်ပရအ်လဝ်ဂှ် ယဝ်ရဇကုဟွံမိက်စဵုဒၞာဲ password မ္ဂး သွက်ဂွံကၟာတ်ဍေံဂှ် အာပ္ဍဲ Control Panel တုဲ ဍဵုကဵု Network and Sharing Center ညိ။



[၁၁] ဍဵုကဵု Change advanced sharing settings ဂှ်ညိ။



[၁၂] ဍဵုကဵုကောန်လဴဂၠံၚ်သၟဝ်ဂှ် မွဲဝါညိ။



[၁၃] စှေ်အာကဵုသၟဝ်တေံတုဲ ရုဲကဵုဍေံ Turn off password protected sharing ဂှ်တုဲ ဍဵုကဵု Save changes ဂှ်ညိ။



[၁၄] ယဝ်ရကျောဝ်ပ္ဍဲစက်ပိုဲမ္ဂး Printer နူစက်တေံပါ်ပရအ်လဝ်ဂှ် ဂွံဆဵုကေတ်မံၚ်တုဲ ညံၚ်ရဴ Printer ဂှ် ဆက်လဝ်ကဵုစက်ဇကုကီု သုၚ်စောဲကေတ်မာန်ရ။ ဆဂး စက်ကောန်ပျူမဆက်စၠောံလဝ်ကဵု Printer တိုက်ရိုက်ဂှ် သ္ဒးပံက်လဝ်မှ စက်ကောန်ပျူတာတၞဟ်တံ ဂွံသုၚ်စောဲကေတ် Printer ဂှ်မာန်ရ။



Monday, June 17, 2013

နဲပြံၚ်စွံမလိက်မန် သွက် Icon ပ္ဍဲ Windows 8

အခိၚ်ကာလပိုဲသုၚ်စောဲကၠုၚ်လဝ် Windows XP / 7 တေံ မလိက်ဂွံသုၚ်စောဲသွက် Icon ဂှ် ပိုဲကေၚ်ြပံၚ်ကၠုၚ်လဝ်လောဲလောဲရ။ ပိုဲမန်တံဗွဲမဂၠိုၚ်တှေ် မလိက်သွက် Icon ဂှ် တၞဟ်နဂွံကဵုယၟုဗီုမန်မာန်တုဲ ပြံၚ်စွံလဝ်မလိက်မန်သၟးရဂၠိုၚ်။ ယၟုကဠာနာနာကီု ယၟုဒွက်နာနာကီု ပိုဲတံကဵုလဝ်ဗီုမန်တုဲ ဂၠာဲစလေဝ်လေဝ် ရံၚ်ဗှ်စလေဝ်လောဲရ။ ဆဂးအခိၚ်စိုပ်ကၠုၚ် Windows 8 ဏံဂှ် ဒၞာဲဂွံပြံၚ်စွံမလိက်သွက် Icon ဂှ် ဟွံပါကၠုၚ်တုဲ ပိုဲတံဒှ်ကၠုၚ်အခက်အခုဲရဟွံသေၚ်ဟာ။ ပ္ဍဲ Windows 8 ဂှ် ဟိုတ်နူမလိက် Unicode ပါကၠုၚ်မံၚ်ဒတုဲတုဲ သွက်ညးသုၚ်စောဲမံၚ်မလိက် Unicode တအ်ဂှ်မုလေဝ်ဟွံဒးသ္ပမွဲသာ် သုၚ်စောဲ Keyboard သွက်ဂွံတက်မလိက် Unicode တုဲ ကဵုယၟု Icon တံဂှ် နကဵုဘာသာမန်လောဲလောဲရ။ ၜိုန်ဂှ်လေဝ် သွက်ညးသုၚ်စောဲမံၚ်မလိက် 'Uni Mon', 'Mon' တံဂှ် ဒှ်ကၠုၚ်အခက်အခုဲဇၞော်ဇၞော်တုဲ သွက်ညးတံလေဝ် ညံၚ်ဂွံပြေပြံၚ်အာဂှ် သ္ဒးလဴထ္ၜးဏာကဵုနဲညိညပၠန်ရ။ (ရံၚ်ကဵုအဓါန်ဂတတုဲ ဒှ်မာန်တှေ် ပကေၚ်သုၚ်စောဲဝေၚ် မလိက် Unicode ကီုဂှ် မိက်ဂွံဗတိုက်ဖ္အောဝ်ဏာညိရ။)

နဲဂွံကၠောန်ဍေံဂှ်-

[၁] ဗွဲကိုပ်ကၠာ ဂၠောၚ်ဖျေံကေတ် IconFont ဏံညိ။

[၂] ပံက် IconFont ဂှ်တုဲ ပ္ဍဲဒၞာဲ Input font name: ဂှ် စုတ်ကဵုဍေံယၟုမလိက် (Uni Mon / Mon) ပိုဲမိက်ဂွံသုၚ်စောဲဂှ်တုဲ ခဍံက် Enter ညိ။



[၃] Restart ထောံစက်ကောန်ပျူတာမွဲဝါတုဲ တၚ်ကေတ်ယၟုကဠာတံ နကဵုဘာသာမန်ခိုဟ်ဟ်မာန်ရ။



ကိစ္စသွက် Icon ဂှ် ပြံၚ်တုဲဒှ်အာတုဲ ယဝ်ရမိက်ဂွံဆက်ြပံၚ်မံၚ်ဒၞာဲတၞဟ် (Menu Font, Message Font, etc..) တံဏီမ္ဂး-

[၁] သွက်ဂွံပံက် Registry Editor ဂှ် အာပ္ဍဲ Run တုဲ တက်စုတ် regedit တုဲ ခဍံက် Enter ညိ။



[၂] အာကဵု HKEY_CURRENT_USER\Control Panel\Desktop\WindowMetrics ညိ။



[၃] ဒၞာဲ IconFont ဂှ် ခဍံက်ၜါလ္တန်တုဲ Copy ကေတ် Binary value ဍေံဂှ်ညိ။



[၄] အာဒၞာဲ ဇကုမိက်ဂွံပြံၚ်စွံ(MenuFont)ဂှ်တုဲ ခဍံက်ၜါလ္တန်တုဲ Paste စုတ် Binary value နူကၠၚ်ဏံဂှ်ညိ။

[၅] ဇၟာပ်ပ်ပိုဲမပၠေဝ်ပၠေတ်တုဲ သွက်ဍေံဂွံဒ္ဂေတ်ဗက်ပၟိၚ်ဂှ် Restart ကဵုစက်မွဲဝါညိ။

နဲကၠောန်သ္ပဏံညံၚ်ဂွံပ္တိုန်ထ္ၜးကဵုမာန် ညးအာတ်မိက်လဝ် "အဂ္ဂညာဏ်" ဂှ် တၚ်ဏာဂုဏ်ဗွဲမလောန်ရ။

Saturday, June 8, 2013

နဲဂွံစုတ် Start button ပ္ဍဲ Windows 8

Windows 8 ဝွံ ညံၚ်ရဴ Windows တြေံတြေံတေံဟွံသေၚ် Start button ဍေံလေဝ် ဟွံပါကၠုၚ်ဂှ် ဒှ်တၟေၚ်မွဲသာ်ကီု ဟီုစဂွံရ။ Start မအောပ်ဂၠုက်မံၚ်ဂှ် ၜိုန်ရ ပါကၠုၚ်မံၚ်ကီုလေဝ် ကာလခဍံက်မ္ဂး ဗီုပြၚ်ဍေံမံက်ကၠုၚ်ဂှ်လေဝ် ဟွံတုပ်ကဵု ကၠာတေံလးလးရ။ ဟိုတ်ဂှ်ရတှေ် ညးလ္ၚဵုတံ Windows 8 ဂှ် ဟိုတ်နူ Start button ဗီုကၠာတေံဟွံပါတုဲ ဟွံမိက်သုၚ်စောဲပုဟ် ဟီုတဴမံၚ်အိုတ်ရ။ ဒှ်သာ်ဂှ်မ္ဂး ယဝ်ရဂွံ စုတ်ထောံ Start button မွဲမမ္ဂး ရံၚ်စမတ်သောၚ်အာတုဲ ညးတံသုၚ်စောဲအာ Windows 8 ကီုရောၚ် ထေၚ်ကေတ်သာ်ဏံရ။ ဟိုတ်ဂှ်ရတှေ် ဂၠာဲအာဂၠာဲကၠုၚ်တုဲ ဆဵုကေတ်နဲသွက်ဂွံစုတ် Start button မွဲရ။ Start button ဝွံ သွက် Windows 8, 7, Vista, XP (32 and 64 bit) တံစုတ်သုၚ်စောဲမာန်အိုတ်ရ။ ဗီုပြၚ် Button ဍေံလေဝ် နွံမံၚ်ၜါပိဗီုကီုတုဲ ဗီုပိုဲဒးဂၞပ်ဂှ် ရုဲစှ်သုၚ်စောဲမာန်ရ။

နွံပၟိက်သုၚ်စောဲမ္ဂး -

[1] သွက်ဂွံစုတ်ဍေံဂှ် Download ကေတ် ဒၞာဲဏံ ညိ။

[2] Website ဍေံမံက်တိုန်ကၠုၚ်တုဲ သွက်ဂွံစ Download ဂှ် ဍဵုကဵု Download ဂှ်ညိ။



[3] စုတ်တုဲဒှ်မ္ဂး ယဝ်မိက်ဂွံလှာဲဗီုပြၚ်ဍေံတှေ် ဍဵုကဵုအတိုၚ်သၟဝ်ဝွံညိ။



[4] ဆက်ဍဵုအာကဵု Options ဂှ်ညိ။



[5] ဍဵုကဵု Start button ဂှ်တုဲ ဗီုပြၚ်ဇကုဒးစိုတ် ဍေံထ္ၜးလဝ်လ္ပာ်ပုၚ်တံဂှ် ရုဲစှ်ကေတ်ညိ။