နဲဂွံပံက် Public Folder ပ္ဍဲ Dropbox

သွက်ညးမကၠောန် Dropbox Accounts တၟိတၟိတံ လက္ကရဴဏံ ပ္ဍဲဍေံ Public Folder ဟွံပါကၠုၚ်ဂှ် ဂွံဆဵုကေတ်ဒၟံၚ်အိုတ်ရ။ ၜိုန်ဂှ်လေဝ် သွက် Share Link ဂှ် ပါကၠုၚ်မံၚ် ဏီဖိုဟ်တုဲ သွက်ဂွံပါ်ပရအ် file နာနာကုရဲဇကုတံဂှ် ၜိုန်ရပြေပြံၚ်မံၚ်ကီုလေဝ် သွက်ညးပါ်ပရအ် နဒဒှ် Hot-link တံဂှ် ဟိုတ်နူ Public Folder ဟွံမွဲရတုဲ ဟွံဂွံအခေါၚ်သက်က်ရ။ File နွံဒၟံၚ်ပ္ဍဲ Public Folder တံဂှ်ဟေၚ် ဟိုတ်နူပါ်ပရအ်ကေတ် နဒဒှ် Hot-link မာန်တုဲ ညံၚ်ဂွံဂွံ Public Folder ဂှ် ပိုဲဒးပံက်ကေတ်ဍေံရ။ ပွမပါ်ပရအ်နဒဒှ် Hot-link ဂှ် သွက်ညးချူ Blog တအ် ဒှ်အရာသုၚ်စောဲခိုဟ်မွဲတုဲ ပိုဲဗလးထောံတဲလေဝ်ဟွံမာန်အိုတ်ရဟွံသေၚ်ဟာ။

ဗီုဂွံပံက် Public Folder ဂှ်-

[၁] အာပ္ဍဲကဵု https://www.dropbox.com/ တုဲ လုပ်ထောံ Account ဇကုညိ။

[၂] သွက်ဂွံပံက် Public Folder ဂှ် ဍဵုကဵု https://www.dropbox.com/enable_public_folder ဝွံညိ။

[၃] ဍဵုကဵု Enable Public Folder ဂှ်ညိ။



[၄] ဍဵုကဵု Send email ဂှ်ညိ။



[၅] အာပ္ဍဲကဵု Email ဇကုတုဲ ဍဵုကဵု Verify Your Email ဂှ်ညိ။



[၆] ဍဵုကဵု Done ဂှ်တုဲ ကာလဂှ်မ္ဂး ဂွံဆဵုကေတ် Public Folder ပိုဲမံက်တိုန်ကၠုၚ်တၟိမွဲရ။

နဲဂွံစုတ် Password နကဵုဗီုရုပ် ပ္ဍဲ Windows 8

ပွမသုၚ်စောဲဗီုရုပ် နဒဒှ် Password ဂှ် ပ္ဍဲ Windows 8 ပါလုပ်ကၠုၚ်နဒဒှ် feature တၟေၚ်တၟိမွဲရ။ ဟိုတ်ဂှ်ရတှေ် သုၚ်စောဲဗီုရုပ်တုဲ ကၠောန်သ္ပနဒဒှ် Password ဂှ် သွက်ညးသုၚ်စောဲ Windows 8 တံဟေၚ် ကၠောန်သ္ပကေတ်မာန်ရ။ ဗီုပြၚ်ဓဇက် Gesture ဍေံပၠန်လေဝ် ဝိုၚ်ၚ်ခ္ဍံခ္ဍံကီု ပၞောန်တပ်ကီု ခ္ဍံက်ကေတ်ကီု ချူဓဇက် ကေတ်မာန်ရ။ ချူဓဇက်ကေတ်လ္တူဗီုရုပ်ဗီုဏံဂှ် ပြဟ်လေဝ်ြပဟ် ဝိုတ်ဍေံလေဝ်ဝါတ်နူ Password မလိက်ကေုာံမဂၞန်တေံဏီဏောၚ် ထေၚ်ကေတ်ရ။ ဆဂး ဗွဲကိုပ်ကၠာ စက်ပိုဲသ္ဒးစုတ်လဝ် Password မလိက်ကေုာံမဂၞန်တေံတုဲတုဲမှ သ္ဂောံစုတ်ကေတ် Password နကဵုဗီုရုပ်ဏံမာန်ရ။ မုဟိုတ်ရောတှေ် ကာလပိုဲဝိုတ်အာ ဗီုချူဓဇက်လဝ် Gesture လ္တူဗီုရုပ်ဂှ်မ္ဂး သုၚ်စောဲ Password ဓမ္မတာ မဂၞန်ကေုာံမလိက်တေံတုဲ သ္ဂောံကလေၚ်လုပ်ကေတ်စက်ပိုဲဂှ်မာန်ရောၚ်။

ဗီုဂွံကၠောန်ဍေံဂှ်-

[၁] အာပ္ဍဲကဵု Windows Charms တုဲ ဍဵုကေတ် Settings ဂှ်ညိ။



[၂] ဍဵုကဵု Change PC settings ဂှ်ညိ။



[၃] အာပ္ဍဲကဵု Users ဂှ်တုဲ ဍဵုကဵု Create a picture password ဂှ်ညိ။



[၄] တက်စုတ်ကဵုဍေံ Password သုၚ်စောဲမံၚ်လၟုဟ်ဂှ်တုဲ ဍဵုကဵု OK ညိ။



[၅] သွက်ဂွံရုဲဗီုရုပ်ဂှ် ဍဵုကဵု Choose picture ဂှ်ညိ။



[၆] ရုပ်ကဵုဍေံဗီုဒးစိုတ်ဂှ်တုဲ ဍဵုကဵု Open ဂှ်ညိ။



[၇] သွက်ဂွံသ္ပဒတန်သုၚ်စောဲဗီုရုပ်ဇကုရုဲလဝ်ဂှ် ဍဵုကဵု Use this picture ဂှ်ညိ။



[၈] ချူဓဇက်ကဵုဍေံ ဗီု Gesture ဇကုကေတ်ဂှ်ပိဝါညိ၊ တုဲမ္ဂး သွက်ဂွံသ္ပ Confirm ဂှ် ကလေၚ်ချူဓဇက်ကဵုဍေံပိဝါပၠန်ညိ။



[၉] တုဲဒှ်ရမ္ဂး ဍဵုကဵုဍေံ Finish ဂှ်ညိ။

နဲဂွံကလေၚ်ပံက် Thumbnail Previews

သွက်ဂွံပံက် Thumbnail previews ဂှ် ၜိုန်ရလောဲသွာမံၚ်ကီုလေဝ် သွက်ညး ဟွံတီဒၞာဲပံက်တံဂှ် ဒှ်ဝါတ်ဂါတ်ဇၞော်ကဵုဇြဟတ်ကီုရ၊ စပ်ကဵုပရောဏံဂှ် မၞိဟ်ကေၚ် သၟာန်ကၠုၚ်မံၚ်ဂၠိုၚ်တုဲ ၜိုန်ရလောဲသွာမံၚ်ကီုလေဝ် မ္ဒးချူဏာထ္ၜးဏာကဵုပၠန်ရ။ File ဗီုရုပ်တံ ၜိုန်ရပိုဲဟွံဒးပံက်ပတိုန်ဍေံကီုလေဝ် ဂွံညာတ်ကေတ်မံၚ် ရုပ်ပ္ဍဲဗီုတံ ဍောတ်ဍောတ်ဒတုဲဂှ် ဟိုတ်နူပံက်လဝ် Thumbnail previews ရ။ နဒဒှ် Default setting မ္ဂး နူစပ္တိုန် Windows တုဲတေံ Thumbnail previews ဂှ် ဍေံပံက်လဝ်တုဲတုဲရ။ ဆဂး ဟိုတ်နူဟိုတ်မွဲမွဲတုဲ ယဝ်ရဍေံကၟာတ်အာမ္ဂး File ဗီုရုပ်တံဂှ် စၞးပိုဲဂွံညာတ်ကေတ်ရုပ်ဂှ် ပိုဲဂွံညာတ်ကေတ်မံၚ် Icon တုဲ သွက်ဂွံညာတ်ရုပ်ဍေံဂှ် ပိုဲဒးပံက်ပတိုန်ဍေံရ။ ဒှ်သာ်ဏံမ္ဂး ကာလပိုဲဒးရုဲစဗီုဟလိုၚ်တှေ် ဒးပံက်မံၚ်မွဲတၞးမွဲတၞးတုဲ အခိၚ်အိုတ်ဂၠိုၚ်ဂှ်ရ ညးညးအဲအဲတံ Thumbnail previews ဟွံမွဲဂှ် ဟွံဒးစိုတ်လးလးရ။ နဲဂွံကလေၚ်ပံက် Thumbnail previews ဂှ် နွံဒၟံၚ် ၄-နဲတုဲ ပ္ဍဲသၟဝ်ဏံလဴထ္ၜးအာကဵု ၂-နဲ မ္ဂး ရုမ်ဂပ်ဏောၚ်ထေၚ်ကေတ်ရ။

ဗီုပြၚ် Thumbnail previews ပံက်လဝ်-



ဗီုပြၚ် Thumbnail previews ကၟာတ်လဝ်-



နဲဂွံကလေၚ်ပံက်ဍေံဂှ်-

[၁] အာပ္ဍဲကဵု Control Panel > Folder Options ဂှ်ညိ။



[၂] အာပ္ဍဲကဵု View လ္တူတေံဂှ်တုဲ ဒၞာဲ "Always show icons, never thumbnails" ဂှ်ကဵုလဝ်စၟတ်နွံမံၚ်မ္ဂး ပလှ်ထောံဍေံညိ။



မွဲနဲပၠန်ဂှ်-

[၁] အာပ္ဍဲကဵု Start တုဲ တက်စုတ် Adjust the appearance တုဲ ဆဵု "Adjust the appearance and performance of Windows" ဂှ်မ္ဂး ဍဵုပံက်ကဵုညိ။



[၂] ပ္ဍဲဒၞာဲ "Show thumbnails instead of icons" ဂှ် စၟတ်ဟွံမွဲဏီမ္ဂး ကဵုထောံစၟတ်ညိ။



ကြဴနူကလေၚ်ပံက် Thumbnail previews တုဲ ဗီုဂွံညာတ်ကေတ် ကာလဗဵု File တၞးဗီုရုပ်-

သုၚ်စောဲ BitLocker တုဲ နဲဂွံစဵုဒၞါ Drive

ညးမသုၚ်စောဲကောန်ပျူတာတံ Data ဇကုကိစ္စဇၞော်တံဂှ် ဟွံမိက်ကဵုညးတၞဟ်ဆဵုကီု ဖေက်ညးတၞဟ်ကၠတ်ကီု ဖေက်ဘဲ hacker တံကီုမ္ဂး သုၚ်စောဲ BitLocker တုဲ စဵုဒၞါထောံအန္တရာဲတံဂှ်မာန်ရ။ BitLocker ပၠန်လေဝ် သွက်ညးသုၚ်စောဲမံၚ် Windows 7 Ultimate ကဵု Enterprise , Windows 8 Pro ကဵု Enterprise တံဂှ် သီုဟွံဒးစုတ်တၞဟ်ြခာမွဲသာ် ပါလုပ်ကၠုၚ်မံၚ် ပ္ဍဲ Windows ဒတုဲရ။ BitLocker ဝွံ သွက် Drive နွံဒၟံၚ် ပ္ဍဲ Computer သၟးဟွံက External Drive မ္ၚးတံလေဝ် သ္ပ Lock မာန်ဏီရ။ BitLocker ဝွံ သုၚ်စောဲလေဝ်လောဲကွေံကွေံတုဲ Drive ပိုဲတံဂှ် သ္ပလဝ် Encryption မွဲအလန်တုဲမ္ဂး လက္ကရဴ ကာလပိုဲထပ်စုတ် Data တၟိတၟိတံမ္ဂး ဍေံသ္ပအာကဵု Encryption အလဵုလဵုရ။

နဲဂွံကၠောန်သ္ပ Lock ဍေံဂှ်-

[၁] အာပ္ဍဲကဵု Computer တုဲ လ္တူ Drive ဇကုမိက်ဂွံ Lock ဂှ် ဍဵု Right-click တုဲ ဍဵု Turn on BitLocker ဂှ်ညိ။



[၂] ပ္ဍဲလ္တူဂှ်ကဵုထောံစၟတ်တုဲ ဒၞာဲ Pasword ဂှ် တက်စုတ် Password ဇကုမိက်ဂွံစုတ်ဂှ်ညိ၊ ပ္ဍဲဒၞာဲ "Retype your password:" ဂှ်လေဝ် တက်စုတ် Password ဂှ် မွဲလ္တန်ပၠန်ညိ။ တုဲမ္ဂး ဍဵုကဵု Next ဂှ်ညိ။



[၃] Password ဇကုကဵုလဝ်တုဲဂှ် လက္ကရဴယဝ်ရဝိုတ်အာမ္ဂး သွက်ဂွံကလေၚ်ကေတ်မာန်ဂှ် သွက်ဂွံကၠောန်စွံလဝ် Recovery key ဂှ် ဍဵုကဵု "Save the recovery key to a file" ဂှ်ညိ။



[၄] ရုဲကဵုဍေံဒၞာဲစွံတုဲ ဍဵုကဵုဍေံ Save သၟဝ်ဂှ်ညိ။



[၅] ဍေံမံက်တိုန်ကၠုၚ်အတိုၚ်သၟဝ်ဝွံတုဲ ဍဵုကဵုဍေံ "Yes" ဂှ်ညိ။



[၆] သွက်ဍေံဂွံဆက်အာဂတဂှ် ဍဵုကဵု Next ဂှ်ညိ။



[၇] ဆက်ဍဵုကဵု Start Encrypting ဂှ်ညိ။



[၈] ဃောဍေံသ္ပမံၚ် Encrypting ဂွံဆဵုကေတ်အတိုၚ်သၟဝ်ဝွံတုဲ တန်တဴကဵု ဗၞတ်ဗ္ၜတ် Drive ဇကုဇၞော်/ဍောတ်တုဲ သ္ဒးမၚ်ဍေံလအ်ညိရ။



[၉] ဍေံသ္ပ Encrypt တုဲဒှ်အာမ္ဂး Drive ပိုဲ Lock အာဂှ် ဂွံဆဵုကေတ်အတိုၚ်သၟဝ်ဝွံရ။ ယဝ်ရပိုဲပံက် Drive ဂှ်မ္ဂး ဍေံအာတ်ကၠုၚ် Password ရ။





[ပံက်လဝ် Unlock တုဲမ္ဂး လုကဴကာလပိုဲဟွံသ္ပ Shutdown / Restart စက်ကောန်ပျူတာဏီမ္ဂး Drive ဂှ် ဍေံဟွံဒှ် Lock ရ။]

နဲဂွံပြံၚ်မလိက်မန် ပ္ဍဲ Chrome ကေုာံ Firefox

ပ္ဍဲအရာပံက်ဗဵုဝေၚ် Website တံဂှ် ပိုဲသ္ဒးသုၚ်စောဲ Browser မွဲမွဲတုဲဟေၚ် ဂွံပံက်ဗဵုကေတ်မာန်ရ။ Browser တံ ၜိုန်ရနွံမံၚ်ဂၠိုၚ်ဂၠၚ်ကီုလေဝ် အခိၚ်တ္ၚဲဏံ Google Chrome ကဵု Firefox တံဟေၚ် ယၟုဇၞော်တဴဒၟံၚ်အိုတ်ရ။ Internet Explorer ဂှ် ၜိုန်ရပါကၠုၚ်မံၚ် ပ္ဍဲ Windows ဒတုဲကီုလေဝ် သုၚ်စောဲဟွံပြေပြံၚ်ညံၚ်ရဴ Safari မပါကၠုၚ်မံၚ်ပ္ဍဲ Mac တေံရ။ ဟိုတ်ဂှ်ရတှေ် ညးမသုၚ်စောဲမံၚ် Windows တံ ဗွဲမဂၠိုၚ်တှေ် သုၚ်စောဲမံၚ် Firefox ဟွံသေၚ်မ္ဂး Chrome ရ။ ပ္ဍဲ Windows 7 တေံ Chrome ဂှ် ၜိုန်ရသုၚ်စောဲခိုဟ်နူ Firefox ကီုလေဝ် ညးလ္ၚဵုတံဂှ် ဟိုတ်နူပြံၚ်စွံမလိက်မန်ဟွံလေပ်တုဲ ဟွံဒှ်သုၚ်စောဲလေဝ်နွံရ။ Firefox ပၠန်လေဝ် ပ္ဍဲ Windows 7 ညံၚ်ကဵုခက်မံၚ်ညိညိတုဲ ပံက်စမွဲမွဲသာ်မ္ဂး လဇုဲတဴကွေံကွေံရ။ ပ္ဍဲ Windows 8 မ္ဂး Firefox ဂှ် သီုဟွံခက်လဇုဲမွဲသာ် သုၚ်စောဲခိုဟ်နူ Chrome ဏီ ဒးဟီုစရ။ ပ္ဍဲ Windows 8 ဂှ် သုၚ်စောဲ Chrome တှေ် Website လ္ၚဵုတံဂှ် မလိက်မန်/ဗၟာတံ ဗှ်စဒှ်ဒၟံၚ်အခက်အခုဲရောၚ် ဂွံဆဵုလဝ်ဂၠိုၚ်ရ။ ဟိုတ်ဂှ်ရတှေ် မိက်ဂွံကဵုကသပ်မွဲဂှ် ပ္ဍဲပြဟ်ဟ်ဏံ ယဝ်ရသုၚ်စောဲမံၚ် Windows 7 မ္ဂး စကာ Chrome တုဲ ယဝ်ရသုၚ်စောဲမံၚ် Windows 8 မ္ဂး စကာ Firefox တုဲဟေၚ် ပံက်ဗဵုတဴ Website တံမ္ဂး ပြေပြံၚ်ဂၠိုၚ်ရောၚ် ထေၚ်ကေတ်ရ။ ညးတံလေဝ်သ္ပမံၚ် Update ဟဂှ်ရတှေ် လက္ကရဴမ္ဂး ဍေံပြေပြံၚ်ကၠုၚ်သီုၜါဏောၚ် စၟဳကေတ်လဝ်ရ။

ပ္ဍဲ Google Chrome ယဝ်ဗှ်လိက်မန်ဟွံဂွံမ္ဂး နဲဂွံပြံၚ်-

[၁] ပ္ဍဲကဵုလ္တူလ္ပာ်ပုၚ်တေံ အာကဵု Customize and control Google Chorme တုဲ ရုဲစှ်ကေတ် Seetings ဂှ်ညိ။



[၂] ခရေတ်ဖျေံသၟတ်တေံတုဲ ဍဵုကဵု Show advance settings ဂှ်ညိ။



[၃] အာကဵု Customize fonts ဂှ်ညိ။



[၄] ဒၞာဲတံဝွံဗွဲမဗဗွဲကဵုမလိက်ဇကုသုၚ်စောဲတုဲ ရုဲစုတ်ကဵုဍေံညိ။



[၅] ပ္ဍဲဒၞာဲသၟတ်အိုတ် Encoding ဂှ် ရုဲစုတ်ကဵု Unicode (UTF-8) တုဲ ဍဵုကဵု Done ဂှ်ညိ။



ပ္ဍဲ Mozilla Firefox ယဝ်ဗှ်လိက်မန်ဟွံဂွံမ္ဂး နဲဂွံပြံၚ်-

[၁] ယဝ်ရ Menu Bar လ္တူဂှ်ဟွံမံက်မ္ဂး ဍဵုကဵု Alt ပ္ဍဲ Keyboard ဂှ်မွဲလ္တန်တုဲ ဍဵုကဵု Tool > Options ဂှ်ညိ။



[၂] အာပ္ဍဲကဵု Content ဂှ်တုဲ ဒၞာဲသၟဝ်ဂှ် ဗွဲမဗဗွဲကဵုလိက်ဇကုသုၚ်စောဲဂှ် ရုဲစုတ်ကဵုတုဲ ဍဵုကဵု Ok သၟဝ်ဂှ်ညိ။

မလိက်မန် ကေုာံ Keyboard သွက် iOS 6.x.x

စနူကဵု Apple ဖျေံပ္တိတ်လဝ်ကဵု iOS 6.0 တုဲ မလိက်မန် ကေုာံ keyboard နာဲအဲမန် ကၠောန်လဝ်တေံ ဟိုတ်နူဒှ်မံၚ် သွက် iOS 5.x.x တုဲ သုၚ်စောဲဟွံဂွံကၠုၚ်တုဲ ကောန်ဂကူပိုဲတံလေဝ် မၚ်စၟဳကၠုၚ်မံၚ် update သွက် iOS 6.x.x တၟာလအ်ရ။ တ္ၚဲဏံမ္ဂး မလိက်မန် ကေုာံ Keyboard သွက် iOS 6.x.x ဂှ် ကောဂၠုတၠဆာန်မန်(စိုးလၚ်းသက်) ညးဆက်ကၠောန်ကၠုၚ်ကဵုဂှ် ဂွံဆဵုကေတ်ပ္ဍဲကဵုမုက် Blog ညးတေံရ။ သွက်ညးသုၚ်စောဲမံၚ် မလိက် "Uni Mon" ကီု "Mon" ကီု သီုၜါဗီု ညးကၠောန်လဝ်ကဵုရ။ မလိက်မန် ကေုာံ Keyboard ညးပ္တိတ်လဝ်ဏံဂှ် ပ္ဍဲ iPhone, iPad, iPod သီုပိသာ် သုၚ်စောဲကေတ်မာန်တုဲ ဂွံစုတ်သုၚ်စောဲမာန်ဂှ်လေဝ် iDevice ပိုဲ ဒးသ္ပလဝ် Jailbreak တုဲတုဲ ဒးဒှ်ရ။

ဗီုဂွံစုတ်ဍေံဂှ်-

[1] ပ္ဍဲ Phone ပိုဲစုတ်လဝ် Zawgyi နွံမံၚ်မ္ဂး ပ္တိတ်ထောံမလိက် ကေုာံ keyboard ဍေံညိ။

[2] အာပ္ဍဲကဵု Cydia တုဲ အာကဵု Manage (Source သွက်iPad)တုဲ ဍဵု Edit ဂှ်ညိ။ ဍဵု Add ဂှ်တုဲ တက်စုတ် http://cydia.myrepospace.com/Mon တုဲ ဍဵု Add Source ဂှ်ညိ။

[3] တုဲမ္ဂး သွက်ဂွံစုတ်မလိက်ဂှ် ရုဲကေတ် "Uni-Mon-iOS43-font" ဟွံသေၚ်မ္ဂး "mon-iOS43-font" ဗွဲမဗဗွဲကဵုဇကုသုၚ်စောဲဂှ်တုဲ Install ကေတ်ညိ။

[4] စုတ်တုဲမ္ဂး ဒးသ္ပ Respring ရ။

[5] ကာလ Phone ပိုဲက္လေၚ်တိုန်ကၠုၚ်တုဲ ကၠောန်အတိုၚ်လ္တူဂှ်မွဲဝါပၠန်တုဲ သွက်ဂွံစုတ် Keyboard ဂှ် ရုဲကေတ် "UniMonMNWKeyboard for iOS 6+" ဟွံသေၚ်မ္ဂး "Mon MNWKeyboard for iOS 6+" ဂှ်တုဲ Install ကေတ်ညိ။

[6] စုတ်တုဲမ္ဂး သ္ပ Respring တုဲ ကာလ Phone ပိုဲက္လေၚ်ကၠုၚ်ပၠန်မ္ဂး အာပ္ဍဲကဵု Settings > General > Keyboard > International > Add New Keyboard တုဲ ရုဲကေတ် Czech ဂှ်ညိ။ အာဒၞာဲတက်လိက်တုဲ တက်ကေတ်ဗွဲမပြေပြံၚ်မာန်ရ။ ယဝ်ဟွံပြေပြံၚ်မ္ဂး အာပ္ဍဲ Settings > MMkeyboard တုဲ ဍဵုကဵု Clear caches & Respring ဂှ်ညိ။

ဟွံကၠးစိုတ်မ္ဂး ဗဵုကေတ်ရုပ်ဂမျိုၚ်သၟဝ်ဏံညိ

နဲဂွံပ္တိုန် Windows7 ပ္ဍဲစက်ကောန်ပျူတာ Mac

ညးမသုၚ်စောဲမံၚ် Mac ကောန်ပျူတာတံလေဝ် ညံၚ်ဂွံသုၚ်စောဲ Windows ပ္ဍဲစက်ဇကုမာန်ကီုဂှ် နူကဵု Apple တေံပ္တိတ်လဝ်ကဵု Tool မွဲမၞုံယၟု Boot Camp ရဟွံသေၚ်ဟာ။ လ္ၚဵုတံဂှ် ဟွံသုၚ်စောဲ Boot Camp တုဲ သုၚ်စောဲ Software တၞဟ်ဟ်မွဲ ညံၚ်ရဴ Parallels, VMWare Fusion တံတုဲ Run မံၚ် Windows ပ္ဍဲစက် Mac ဇကုဂှ်လေဝ်နွံရ။ ဆဂး သုၚ်စောဲ Parallels, VMWare Fusion တံဂှ် ပ္ဍဲမွဲအခိၚ်ဓဝ် ဍေံသ္ဒးကၠောန်ကမၠောန် သီု OS ၜါရ၊ မုဟိုတ်ရောတှေ် ပ္ဍဲ OS Mac ဂှ်ဟေၚ် ပိုဲသ္ဒးပ္တိုန် VMWare Fusion ဂှ်တုဲ ပ္ဍဲလ္တူဍေံဂှ်ဟေၚ် ပိုဲသ္ဒးစကာ Windows OS ဂှ်တှေ် ဍေံဇြိုၚ်လဇုဲညိဏောၚ် ဟီုစဂွံရ။ သုၚ်စောဲ Boot Camp ဂှ်တှေ် အခိၚ်ပိုဲစပံက်ကောန်ပျူတာတေံ OS လဵုပိုဲသုၚ်စောဲရောဂှ် ရုဲကေတ်မာန်တုဲ OS ပိုဲသုၚ်စောဲဂှ်ဟေၚ် ဍေံတိုန်ကၠုၚ်တုဲ ဍေံကၠောန်ကမၠောန်သာညိဏောၚ်။ ဟိုတ်ဂှ်ရတှေ် သုၚ်စောဲ Boot Camp တုဲ ဗီုဂွံပ္တိုန် Windows7 ဂှ် ဆက်လဴအာကဵုရောၚ်။

ဗီုဂွံကၠောန်သ္ပဍေံဂှ်-

[၁] ကိုပ်ကၠာနူဟွံဂွံကၠောန်သ္ပမွဲသာ်ဏီ သွက်ဂွံကျောဝ်ရံၚ် Software Update သွက်စက်ဇကုဂှ် ဍဵုပ္ဍဲ Apple menu တုဲ ဍဵုကဵု Software Update ဂှ်ညိ။ ဟွံသေၚ်မ္ဂး အာပ္ဍဲကဵု Apple's Boot Camp support page တေံတုဲ ကျောဝ်စမ်ရံၚ် Update သွက် model စက်ဇကုတုဲ နွံပၟိက်မ္ဂး Download ကေတ်ထောံညိ။



[၂] Update တုဲဒှ်အိုတ်မ္ဂး သ္ပထောံ Restart စက်ဂှ်မွဲဝါညိ။ ကာလစက်ဂှ် ကလေၚ်တိုန်ကၠုၚ်မ္ဂး Check စမ်ရံၚ် Update မွဲဝါပၠန်ညိ။ Update သွက်စက်ဇကုဟွံမွဲရမှ ဆက်ကၠောန်အာဂတဂှ်မ္ဂး ပြေပြံၚ်ခိုဟ်ရ။

[၃] မိက်ဂွံဗ္ကန်မွဲပၠန်ဂှ် ကမၠောန်မ္ဒးကၠောန်အာဂတဏံဂှ် ဟိုတ်နူစပ်မံၚ်ကဵုပြုပြေၚ်ဗၞတ်ဗ္ၜတ် Hard Drive တုဲ တၚ်နေၚ်ကိစ္စဇၞော်ဇၞော်တံနွံမ္ဂး ချာဲစၠောံစွံလဝ် ဒၞာဲတၞဟ်ဟ်ညိ။ အကြာတရဴကမၠောန်ဏံ ဟိုတ်နူဟိုတ်မွဲမွဲတုဲ ယဝ်လီုအာကဝက်တရဴမ္ဂး တၚ်နေၚ်ကိစ္စဇၞော်ပိုဲတံ ဟွံဒှ်လလေၚ်ရ။

[၄] ပ္ဍဲစက်ကောန်ပျူတာပိုဲ ပံက်လဝ် Application တံနွံမ္ဂး ကၟာတ်ထောံဖအိုတ်ညိ။ တုဲမ္ဂး အာပ္ဍဲကဵု Applications > Utilities တုဲ ဍဵုကဵု Boot Camp Assistant ဂှ်ညိ။

[၅] Boot Camp Assistant မံက်တိုန်ကၠုၚ်တုဲ ဆက်ဍဵုအာကဵု Continue ဂှ်ညိ။



[၆] ယဝ်ရမံက်တိုန်ကၠုၚ်မ္ဂး ရုဲစှ်ကေတ် Download the Windows support software for this Mac ဂှ်ညိ။ Software ဏံဟေၚ် ဒှ်သွက်ဍေံဂွံဂၠာဲကဵု Driver သွက် Window ပိုဲပ္တိုန်ဂှ်ရ။ Software ဏံဝွံ ဍေံ Download တုဲမ္ဂး ချာဲပ္တိတ်ကေတ်လဝ် နကဵု Flash Drive ဟွံသေၚ်မ္ဂး CD ညိ။ တုဲဒှ်မ္ဂး သွက်ဂွံဆက်အာဂတဂှ် ဍဵုကဵု Continue ဂှ်ညိ။

[၇] သွက်ဍေံဂွံစုတ် Windows ဂှ် ပါ်ကရေက်ကဵုဍေံ Partition ၜိုတ်ထေက်ကြိုက် လ္တူနူ 16GB ညိ။ တုဲဒှ်မ္ဂး ဍဵုကဵုဍေံ Partition ဂှ်ညိ။ ဍေံစစဳရေၚ်ဒၟံၚ် Partition တုဲ ဒးမၚ်အခိၚ်လံညိ ဒှ်မာန်ရ။



[၈] တၞးဓါတ် DVD Windows7 ပိုဲဂှ် စုတ်ပ္ဍဲစက်ပိုဲတုဲ ဍဵုကဵု Start Installation ဂှ်ညိ။ စက်ပိုဲ Restart အာတုဲ ဍေံကလေၚ်တိုန်မ္ဂး ဍေံစစုတ်ပ္တိုန်အာ Windows7 ဂှ်ရ။ ကၠောန်အာအတိုၚ်လၟေၚ်ၚ် ညံၚ်ရဴပိုဲပ္တိုန်မံၚ် Windows ပ္ဍဲ PC တေံကီုရ။



[၉] စိုပ်ဒၞာဲရုဲစှ် Partition ဂှ်မ္ဂး စွံသတိတုဲ ရုဲစှ်ကေတ် Partition မၞုံကဵုယၟု bootcamp တၞုၚ်ဂှ်တုဲ Format ထောံဍေံ နကဵုသၞောတ် NTFS ညိ။



[၁၀] ကာလပ္တိုန် Windows7 ဂှ်တုဲမ္ဂး သွက်ဂွံပ္တိတ်တၞးဓါတ် DVD Windows7 ဂှ် ယဝ်ရကောန်ဍေၚ်ပ္တိတ် DVD ဂှ်ဟွံကၠောန်ကမၠောန်မ္ဂး အာပ္ဍဲ Computer > DVD RAM ဍဵု Right-Click တုဲ ဍဵုကေတ် Eject ဂှ်ညိ။

[၁၁] တုဲမ္ဂး သွက်ဂွံစုတ် Driver စက်ပိုဲဂှ် Flash Driver ဟွံသေၚ်မ္ဂး CD ပိုဲမချာဲကေတ်လဝ် နူပြဟ်ဟ်(လၟေၚ်-၆)တေံဂှ် စုတ်ပ္ဍဲစက်ပိုဲညိ။ ပံက်ဍေံတုဲ ဍဵုကဵု Setup နွံမံၚ်ပ္ဍဲ Boot Camp folder ဂှ်ညိ။ ကာလဂှ်မ္ဂး ဍေံစစုတ်ဒၟံၚ် Driver နာနာတုဲ အကြာကြာဂှ် ဍေံမံက်တိုန်မွဲမွဲသာ်မ္ဂး ဍဵုကဵု Continue Anyway ဂှ်ညိ၊ ဆလအ်လေဝ် လ္ပဍဵု Cancel ညိ။ ဍေံစုတ်တုဲအိုတ်မ္ဂး Restart ထောံစက်ကောန်ပျူတာပိုဲညိ။ ကိစ္စစုတ်ပ္တိုန် Windows7 ပ္ဍဲ Mac ဂှ် တုဲဒှ်အိုတ်ရ။ [Windows 8 လေဝ် သုၚ်စောဲနဲဏံတုဲ စုတ်ပ္တိုန်ကေတ်မာန်ကီုရ။]

ကာလပိုဲပံက်စက် သွက်ဂွံရုဲ OS လဵုပိုဲသုၚ်စောဲ-
ဍဵုလဝ် Option key တုဲဟေၚ် စပံက်စက်ကောန်ပျူတာဂှ်ညိ။ ကာလဂှ်မ္ဂး တၞးသွက်ဂွံရုဲ OS ဍေံမံက်တ္ိုန်ကၠုၚ်တုဲ Windows ဟာ OS X ဟာဂှ် ဇကုမိက်ဂွံသုၚ်စောဲဂှ် ဍဵုကဵုဍေံ Double-Click ညိ။