Pages

Subscribe:

Labels

Featured Posts

Friday, June 1, 2018

နဲဂွံစုတ်မလိက်မန် ပ္ဍဲ iOS 8, 9, 10, 11

အခိင်တ္ၚဲဏံ ပ္ဍဲ iDevice (iPhone, iPad, iPod)တအ် သီုဟွံဒးသ္ပ Jailbreak မွဲသာ် လိက်မန်ပိုဲ ချူဗှ်ကေတ်မာန်ပေၚ်ၚ်ရတုဲ ညးမသုၚ်စောဲ iDevice တအ် ဟွံစွံစအာရီုလ္တူ Jailbreak ညံၚ်ရဴအခိၚ်ကၠာတေံကွေံကွေံရ။ အခိၚ်ကိုပ်ကၠာတေံ လိက်မန်ပိုဲဂှ် ၜိုန်ရဗှ်သၟးမာန် ချူတက်ဟွံမာန်ကီုလေဝ် အခိၚ်တ္ၚဲဏံ သွက်ဂွံချူတက်မာန်ဂှ် ညးတၠကွတ် မာံသိုက်ဆာန် ကၠောန်ပ္တိတ်ကဵုကၠုၚ်မာန်ဣရ။ App လၟုဟ်ဏံဂှ် သ္ပပ္တံနူကဵု iOS 8 တုဲ စဵုကဵုစိုပ် iOS 11 ဂှ် စကာသုၚ်စောဲမာန်ပြေပြေပြံၚ်ၚ်ရ။

နွံပၟိက်သုၚ်စောဲမ္ဂး -

ကိုပ်ကၠာအိုတ် ဂြဲဖျေံကေတ် Mon Keyboard App နူ AppStore ဒၞာဲဏံ ညိ။



(ကိုပ်ကၠာနူဟွံဂွံစုတ်လိက်မန်ဏံဏီ လိက်တၞဟ်ဟ်မပ္တံကဵု Zawgyi တံစုတ်လဝ်နွံမ္ဂး အာပ္ဍဲကဵု Settings > General > Profiles & Device Management တုဲ ပတိတ်ထောံကၠာညိ။)

သွက်ဂွံစုတ်မလိက်မန် သွက်ဂွံဗှ်မာန်ဂှ် -

၁။ ပံက် Mon Keyboard App ဂှ်တုဲ သွက်ဂွံစုတ်လိက်မန်ဂှ် ဍဵုဒၞာဲ lnstall Mon Regular Font ဂှ်ညိ။ ဆက်ဍဵုကဵု Allow ဂှ်ညိ။



၂။ ဍဵုကဵု Install လ္တူဂှ်တုဲ ဖုၚ်ပိုဲဒုၚ်လဝ်ဂၞန်ပၞုက်နွံမ္ဂး ဗပေၚ်စုတ်ကဵုညိ။



၃။ ဍဵုကဵု Next တုဲ ဆက်ဍဵုကဵု Install ဂှ်ညိ။



၄။ ဆက်ဍဵုကဵု Install ပၠန်တုဲ ဍဵုကဵု Done ဂှ်မ္ဂး ကိစ္စစုတ်မလိက်မန်ဂှ် တုဲဒှ်အာရ။



သွက်ဂွံစုတ်ကောန်ဍေၚ် (Keyboard) ဂွံတက်လိက်မန်မာန်ဂှ်-

၁။ အာပ္ဍဲကဵု Settings တုဲ အာပ္ဍဲ General ဂှ်ညိ။



၂။ အာပ္ဍဲကဵုဒၞာဲ Keyboard ဂှ်တုဲ ဆက်ဍဵုကဵု ဒၞာဲ Keyboards ဂှ်ညိ။



၃။ ဍဵု Add New Keyboard... ဂှ်တုဲ ရုဲဍဵုကေတ် Mon Keyboard ဂှ်ညိ။



၄။ ဍဵုကဵု Mon ဂှ်တုဲ ပံက်ထောံ Allow Full Access တုဲ ဍဵုကဵု Allow မံက်တိုန်ဂှ်ညိ။



၅။ စုတ်လဝ်ကောန်ဍေၚ်တုဲဒှ်ရတုဲ သွက်ဂွံတက်လိက်မန်ဂှ် ဒၞာဲရုပ်ဂၠးတိဂှ် ဍဵုကဵုလအ်အ်တုဲ ရုဲကေတ် Mon ဂှ်မ္ဂး စတက်လိက်မန်မာန်ရ။



(သွက်ညးနွံပၟိက်သုၚ်စောဲလိက်သၞောတ် Unicode တအ်လေဝ်၊ ဒၞာဲစုတ် လိက်မန်ပ္ဍဲတၚ်(၁)လ္တူတေံဂှ် ရုဲစုတ်ကေတ် " Install AnontaMon Unicode Font " ဂှ်တုဲ သွက်ဂွံတက်လိက်ဂှ် သုၚ်စောဲ ttKeyboard ညိ။)

Wednesday, June 21, 2017

အဘိဓါန် မန်-အၚ်္ဂလိက်-မန် သွက် Windows

အဘိဓါန် မန်-အၚ်္ဂလိက်-မန် ဝွံ သွက်ရံၚ်ကျေဝ် ပ္ဍဲ Online ဒၞာဲဏံ ဂှ်ကီု၊ သွက်ဂွံသုၚ်စောဲပ္ဍဲ Mobile Phone ဒၞာဲဏံ ဂှ်ကီု နွံကၠုၚ်တုဲရ။ လၟုဟ်ဏံ သွက်ဂွံသုၚ်စောဲပ္ဍဲစက်ကောန်ပျူတာ Windows ဂှ် တိတ်ကၠုၚ်မာန်ပၠန်ရ။ အဘိဓါန်ဝွံ နူဘာသာမန် ဂၠာဲဘာသာအၚ်္ဂလိက် နူဘာသာအၚ်္ဂလိက် ဂၠာဲဘာသာမန် သီုၜါလ္ပာ် ဂၠာဲကေတ်မာန်ရ။ အဘိဓါန်ဝွံ သုၚ်စောဲလဝ် အခဝ်ယူနဳကုဒ်တုဲ နူဘာသာမန် သွက်ရဂွံဂၠာဲ ဘာသာအၚ်္ဂလိက်ဂှ် ပ္ဍဲစက်ကောန်ပျူတာပိုဲ စုတ်လဝ် Keyboard ယူနဳကုဒ်ကဵုဒှ် ဟွံစုတ်လဝ်ကဵုဒှ် ပ္ဍဲ Application အဘိဓါန်ဏံ ဟိုတ်နူ Keyboard ယူနဳကုဒ်ပါကၠုၚ်မံၚ်ဒတုဲတုဲ တက်ဂၠာဲကေတ်ဗွဲမပြေပြံၚ်မာန်ရောၚ်။ Keyboard ယူနဳကုဒ်ပါကၠုၚ်မံၚ်ဒတုဲဝွံ သွက် ညးတက်ခံၚ် Layout ဗီုပြၚ် UniMon ကီု၊ ဗီုပြၚ် Mon ကီု ပါကၠုၚ်မံၚ်သီုၜါဂကူရ။ အဘိဓါန်ဏံဝွံ ဟိုတ်နူဂွံစမ်ၜတ်လဝ် နကဵု Windows 7 ကေုာံ Windows 10 ၜါဂကူဓဝ်တုဲ ယွံခါရ Windows သ္အာၚ်တံ သုၚ်စောဲဟွံပြေပြံၚ်နွံမ္ဂး ကဵုသမ္တီပ္ဍဲ Comment box သၟဝ်ဏံညိဂှ် မ္ဒးအာတ်မိက်ဏာရအဴ။

နွံပၟိက်သုၚ်စောဲမ္ဂး - ဂၠေၚ်ကေတ် ဒၞာဲဏံ ညိ။ [42.4MB]
------------------------------------------------------------------------







Sunday, September 11, 2016

အဘိဓါန် မန်-အၚ်္ဂလိက်-မန် သွက် iOS ကေုာံ Andorid

အဘိဓါန် မန်-အၚ်္ဂလိက်-မန် ဝွံ သွက်ရံၚ်ကျေဝ် ပ္ဍဲ Online ဒၞာဲဏံ ဂှ် ၜိုန်ရနွံကၠုၚ်ဗွဲမလအ်လကီုလေဝ် ဟိုတ်နူဒှ်မံၚ် Online တုဲ ဂွံကျေဝ်ကေတ် မွဲဏှမွဲဏှဂှ် ဟွံပြေပြံၚ်ကွေံရ။ အခိၚ်တ္ၚဲဏံ ဟိုတ်နူမၞိဟ်ပိုဲတအ်သုၚ်စောဲ Mobile Phone ဂၠိုၚ်တုဲ အဘိဓါန်ဂကူဏံ သွက် Mobile Phone လေဝ်နွံမ္ဂးခိုဟ်ရောၚ်စှ်ေစိုတ်တုဲ ဂစာန်ကၠောန်ကၠုၚ်လဝ်ရ။ အဘိဓါန်ဝွံ ဟိုတ်နူဒှ်အခက်အခုဲကဵုအခိၚ် အကြာကမၠောန် ယှုက်ထုဲတုဲ နူမလလောၚ်တြးလဝ်တေံ လောန်ၜက်ကၠုၚ်မွဲသၞာံတုဲမှ မတိတ်ကၠုၚ် လဇုဲလဇုဲလဇလဇရ။ အဘိဓါန်ဝွံ နူဘာသာမန် ဂၠာဲဘာသာအၚ်္ဂလိက် နူဘာသာအၚ်္ဂလိက် ဂၠာဲဘာသာမန် သီုၜါလ္ပာ် ဂၠာဲကေတ်မာန်ရ။ အဘိဓါန်ဝွံ သုၚ်စောဲလဝ်အခဝ်ယူနဳကုဒ်တုဲ နူဘာသာမန် သွက်ရဂွံဂၠာဲ ဘာသာအၚ်္ဂလိက်ဂှ် ပ္ဍဲ Mobile ပိုဲ သ္ဒးစုတ်လဝ် Keyboard ယူနဳကုဒ်မှ ပြေပြံၚ်ဂၠိုၚ်ရောၚ်။ အဘိဓါန်ဝွံ သွက် iOS ကီု သွက် Android ကီု ကၠောန်ပ္တိတ်လဝ်ကဵုသီုၜါဂကူရ။ အဘိဓါန်တံဏံဝွံ ဟိုတ်နူဂွံစမ်ၜတ်လဝ် နကဵုဖုၚ်မွဲၜါမဓဝ်တုဲ ယွံခါရပ္ဍဲဖုၚ်ဇကု သုၚ်စောဲဟွံပြေပြံၚ်မ္ဂးကဵုသမ္တီပ္ဍဲ Comment box သၟဝ်ဏံညိဂှ် မ္ဒးအာတ်မိက်ဏာရအဴ။

နွံပၟိက်သုၚ်စောဲမ္ဂး -

သွက် iOS ဂှ် ဂၠေၚ်ကေတ် ဒၞာဲဏံ ညိ။ [18.1MB]
သွက် Andorid ကေတ်ပ္ဍဲ Play Store မ္ဂး ဍဵု ဒၞာဲဏံ ညိ။ [2.44MB]
သွက် Andorid ဂၠောၚ်ကေတ်မ္ၚးမ္ဂး ဍဵု ဒၞာဲဏံ ညိ။ [27MB]



Monday, July 4, 2016

နဲဂွံပ္တိုန်စွံ Video/Photo (HD) ပ္ဍဲ Facebook

ဗီုပိုဲတံမပ္တိုန်ဏာလ္တူ Facebook တံဂှ် ဟိုတ်နူဂွံပြဟ်ပြေံသာဍာကီု ဟိုတ်နူဒၞာဲစွံ Storage ဂွံအိုတ်သက်သာကီုတုဲ အခိၚ်ပိုဲမပ္တိုန်မွဲမွဲဂှ် နကဵု Facebook အလဵုလဵုဍေံ ဍေံထဍောတ်ဖျေံထောံ ဍာ်ဒကေဝ် ကေုာံ size ဍေံ နူပကတိဗီုရုပ်မနွံမံၚ်ပ္ဍဲတဲပိုဲတံဂှ်ရ။ ဟိုတ်နူဟိုတ်သာ်ဏံတုဲ ဗီုနွံလ္တူ Facebook တံဂှ် အခိၚ်ကာလပိုဲဇၞော်ပ္တိုန်တုဲဗဵုကီု အခိၚ်ပိုဲဒးက္လေၚ်သုၚ်စောဲစ ပ္ဍဲအရာ printing မွဲက္ဆံၚ်ပၠန်တံဂှ် ဍေံဟွံက္လးလးလးရ။ ဗီုပိုဲတံမပ္တိန်ဏာဓမ္မတာတံဂှ် Facebook သ္ပထောံ Resize ကေုာံ Format တုဲ ဍာ်ဒကေဝ်ဍေံစှေ်အာရ။ အခိၚ်သ္ပ Resize ကေုာံ Format ဂှ် ညံၚ်ဍာ်ဒကေဝ်ဟွံဂွံယအ်စှေ်အာဂှ် ဗီုရုပ်ပိုဲတံဂှ် ဒးက္လေၚ်ပဠေဝ်ထောံကဵုအတိုၚ် Facebook ကဵုလဝ်တၚ်စၞောန်ဂှ်ညိ။ Regular photos: 720px, 960px, 2048px (width), Cover photos: 851px by 315px ဒှ်တုဲ File size ဍေံလေဝ်လ္ပကဵုဇၞော်နူ 100KB တုဲ Save ကဵုဂကူ JPEG နကဵု sRGB colour profile ညိ။ မိက်ဂွံဂွံဍာ်ဒကေဝ်ခိုဟ်နူဂှ် File size လေဝ်ဇၞော်နူဂှ်ပၠန်မ္ဂး နကဵုသၞောတ် HD ပိုဲပ္တိုန်ကေတ်မာန်ရ။ ပ္တိုန်နကဵုသၞောတ် HD ဂှ် က္လိဂွံ ဍာ်ဒကေဝ်အတိုၚ်မူလဗီုရုပ်နွံပ္ဍဲတဲပိုဲဂှ် ဟွံသေၚ်ကီုလေဝ် ယဝ်သ္ဒးၜတ်ကၞာတ်ကဵု ဗီုရုပ်ပ္တိုန်လဝ်ဓမ္မတာတံမ္ဂး ဒှ်ဍာ်ဒကေဝ်ခိုဟ်တိုန်ဂၠိုၚ်ၚ်ကဵုဆရောၚ်ဂှ် ဂွံဆဵုကေတ်ရ။ ဟိုတ်ဂှ်ရတှေ် ဗီုပိုဲပ္တိုန်ဏာမွဲမွဲတံဂှ် ညံၚ်ညးတၞဟ်တံ ဂွံဗဵုညာတ်ကေတ်ကၠးကၠးဖ္ဍးဖ္ဍးမာန် ဂစာန်ပ္တိုန်ရံၚ် နကဵုသၞောတ် HD အိုတ်စိုအ်။

ပ္ဍဲဒၞာဲဏံထ္ၜးဏာကဵု ဗီုဂွံပ္တိုန်နူ Computer, iOS Device, Android Device သီုပိဂကူရ။

သွက်ညးသုၚ်စောဲ Computer:

၁။ ဍဵုဒၞာဲ Photo Album ဂှ်ညိ။



၂။ ရုဲစုတ်ဗီုမိက်ဂွံပ္တိုန်တံဂှ်တုဲ ဍဵု Open ညိ။



၃။ ကဵုထောံစၟတ် ဒၞာဲ High Quality ဂှ်တုဲ ပ္တိုန်မာန်ရ။


--------------------------------------------------

သွက်ညးသုၚ်စောဲ iOS Device:

၁။ ဍဵုဒၞာဲ More သၟဝ်ဂှ်ညိ။



၂။ ဍဵုဒၞာဲ Settings ဂှ်ညိ။



၃။ ဍဵုဒၞာဲ Account Settings ဂှ်ညိ။



၄။ ဍဵုဒၞာဲ Videos and Photos ဂှ်ညိ။



၅။ ပံက်ထောံ Upload HD ၜါဒၞာဲဂှ်ညိ။


--------------------------------------------------

သွက်ညးသုၚ်စောဲ Android Device:

၁။ ဍဵုဒၞာဲလေံပိတၞုၚ်ဂှ်ညိ။



၂။ ဍဵုဒၞာဲ App Settings ဂှ်ညိ။



၃။ ဒၞာဲ Upload HD Photos ဂှ် ပံက်ထောံညိ။




Thursday, June 30, 2016

နဲဂွံစုတ် .NET Framework 3.5 ပ္ဍဲ Windows 10

Windows 10 ဂှ် .NET Framework 4.5 ပါလုပ်ကၠုၚ်မံၚ်တုဲတုဲရ။ ဆဂး Software လ္ၚဵုတံဂှ် ဟိုတ်နူကဵုချူလဝ်သွက် Windows Vista ကေုာံ Windows 7 အခိၚ်ကၠာတေံတံဂှ် ဂွံသုၚ်စောဲမာန် ဍေံအာတ်မိက်မံၚ် .NET Framework 3.5 ဂှ် ပိုဲတံဂွံဆဵုကေတ်မံၚ်မွဲနှမွဲနှရ။ အခိၚ်ကာလပိုဲပံက် ဟွံသေၚ်မ္ဂး အခိၚ်ကာလပိုဲပၠောပ် Software ဂကူတံဂှ်မ္ဂး စက်ကောန်ပျူတာပိုဲ ဍေံစကာကဵု သ္ပ Download သွက် .NET Framework 3.5 နူအေန်တာနာတ်ရ။ ဒးဂြဲကေတ်နူအေန်တာနာတ်ဂှ် အခိၚ်အိုတ်ဗွဲမဂၠိုၚ်ဂၠၚ်မာန်တုဲ ခရိတ်အေန်တာနိတ်လေဝ် အိုတ်ညိညမာန်ရ။ ပ္ဍဲ Windows 10 installation media (DVD) ဂှ် ဟိုတ်နူ .NET Framework 3.5 ပါကၠုၚ်မံၚ်ရတုဲ ယဝ်ရပိုဲ Install ကေတ် Offline မ္ဂး အရာအိုဿီုဂှ် သာတုဲပြေပြံၚ်မာန်ရောၚ်။

နဲဂွံသ္ပ Install ဍေံဂှ်-

၁။ ပ္ဍဲစက်ပိုဲ တန်တဴကဵုအရာပိုဲသုၚ်စောဲတုဲ စုတ်ဖျေံ Windows 10 installation media (DVD/ISO/Flash Drive) မွဲမွဲညိ။

၂။ ပံက် 'This PC' တုဲ ကျောဝ်ကေတ် Drive Letter (မပ္တံ C:/D:/E:) ဒၞာဲ Windows 10 installation media နွံဂှ်တုဲ သမ္တီလဝ်ညိ။



၃။ ပံက် Command Prompt နကဵုအခေါၚ် Administrator တုဲ တက်စုတ်အတိုၚ်လိက်ကဵုလဝ်သၟဝ်ဏံညိ။
(ဒၞာဲ Drive Letter [D:] ဂှ် လှာဲစုတ်ကဵု Drive Letter ဒၞာဲ Windows 10 installation media နွံပ္ဍဲစက်ဇကု ဗွဲမဗဗွဲညိ။)
Dism /online /enable-feature /featurename:NetFX3 /All /Source:D:\sources\sxs /LimitAccess





၄။ သ္ပထောံ Restart တုဲ ပ္ဍဲစက်ပိုဲ .NET Framework 3.5 လုပ်အာတုဲဒှ်ဗွဲမ္ဒးရးရောၚ်။