နွံပၟိက်သွက်ဂွံဂြဲဖျေံ Video, Audio, Image နာနာမ္ဂး

သွက်ညးမဒးဆဵုမံၚ်အခက်အခုဲကဵုအရာမသ္ပ Download သွက် Video ကဵု Audio တံဂှ် သုၚ်စောဲ Video DownloadHelper တုဲ သ္ပကေတ်ၜိုဟ်ဟ်သြိုဟ်ဟ်မာန်ရ။ Video DownloadHelper ဝွံ ဒှ်မံၚ် Firefox Add-on တုဲ ပိုဲသ္ဒးစကာတောဲကဵု Firefox Browser ရ။ Video DownloadHelper ဏံဝွံ ကာလပိုဲဗဵု Video ပ္ဍဲကဵု Web ကီု ကာလပိုဲကလၚ်ဒွက်ကီုဂှ် ဒၞာဲသွက်ဂွံသ္ပ download ဍေံမံက်တိုန်ကၠုၚ်အလဵုလဵုရ။ Video DownloadHelper ဏံဝွံ ဍေံကဵုအခေါၚ် download သၟးဟွံက သွက်ဂွံသ္ပ Convert လေဝ်ဍေံပါကၠုၚ်မံၚ်တုဲ အနှေန် dwonload ဂှ် သီုသ္ပထောံ Convert မွဲအလန်ဓဝ်မာန်တုဲ ဒးကဵုဂၞပ်ညးမသုၚ်စောဲတံရ။ Video DownloadHelper ဝွံ ဍေံမံက်ကဵုပ္ဍဲအရာ Video, Audio, Image ပိသာ်ဏံတုဲ အရာပိုဲဒးစိုတ်ဂှ် သ္ပကေတ် download မာန်ရ။ ဟီုမံၚ်တှေ်လအ်အာ ဗွဲမပြဟ်ဟေၚ် သုၚ်စောဲစမ်ထောံညိ။

ဗီုဂွံစုတ်ဍေံဂှ်-

1./ ပံက်ကေတ် Firefox တုဲ အာပ္ဍဲကဵု Tools > Add-ons ဂှ်ညိ။



2./ ပ္ဍဲကဵု Search box လ္တူတေံ တက်စုတ် Video DownloadHelper တုဲဂၠာဲကေတ်ညိ။



3./ သွက်ဂွံစုတ်ဂှ် ဍဵုကေတ် Install ဂှ်တုဲ ဍေံစုတ်မံၚ်ဂှ် မၚ်ကဵုမွဲလစုတ်ညိ။



4./ ဍေံစုတ်တုဲမ္ဂး သွက်ဂွံသ္ပ Restart ကဵု Friefox ဂှ် ဍဵုကဵု Restart now ဂှ်ညိ။



5./ ကာလပိုဲဗဵု Video မ္ဂး ဒၞာဲဂွံသ္ပ download ဍေံ မံက်မံၚ်ပ္ဍဲလ္တူဂှ်တုဲ သ္ပကေတ်လောဲလောဲ သွာသွာမာန်ရ။