သုၚ်စောဲ µTorrent တုဲ သ္ပ download အိုတ်စိုအ်

µTorrent ဝွံ သွက်ဂွံသ္ပ download မပ္တံကဵု video, software, music, e-book နာနာသာ် မဗလးပ္တိုန်လဝ်နကဵု torrent တံဂှ်ရ၊ ပ္ဍဲအရာမ္ဒးသ္ပ download စ file size ဇၞော်ဇၞော်တံမ္ဂးပြေပြံၚ်ဂၠိုၚ်ရ၊ မုဟိုတ်ရောတှ်ေ file size ဇၞော်ဇၞော်လ္ၚဵုမပ္တံကဵု video တံဂှ်ဒးသ္ပ download အခိၚ်လံၜက်တ္ၚဲမာန်မံၚ်တုဲ ယဝ်ရမိက်ဂွံကၟာတ်စက်ကောန်ပျူတာမ္ဂး သီုဟွံဒးဂွိၚ်ကဵု downloading ပိုဲလီုမွဲသာ် ကၟာတ်ထောံမာန်ရ၊ တ္ၚဲယးကလေၚ်ပံက်စက်ပၠန်မ္ဂး ဍေံဆက် download အာကဵုပၠန်ရောၚ်၊ မွဲဒမြိပ်ဓဝ်လေဝ် files ဗွဲမဂၠိုၚ် သ္ပလဝ် download မာန်ရ။
ယဝ်မိက်ဂွံသုၚ်စောဲ µTorrent software မ္ဂး download ကေတ် ပ္ဍဲဒၞာဲဏံတုဲ Install စုတ် ပ္ဍဲစက်ကောန်ပျူတာပိုဲညိ။

ဗီုဂွံသ္ပ download ဂှ်-
Website သွက်ဂွံဂၠာဲ torrent တံဂှ် နွံမံၚ်ဗွဲမဂၠိုၚ်တုဲ ပ္ဍဲဒၞာဲဏံ သုၚ်စောဲ http://thepiratebay.org/ ထ္ၜးအာကဵုရောၚ်။

1./ ပံက် Website "http://thepiratebay.org/" ဂှ် ပ္ဍဲ browser မွဲမွဲညိ။



2./ သွက်ဂွံဂၠာဲ torrent နွံပၟိက်ဂှ် တက်စုတ်တုဲ ခဍံက် Enter ညိ။ (ပ္ဍဲဒၞာဲဝွံ ဟိုတ်နူမိက်ဂွံဂၠာဲ "Microsoft Office 2007" တုဲ တက်စုတ်လဝ် Microsoft Office 2007 ရောၚ်။)



3./ Result ဍေံမံက်ကၠုၚ် အတိုၚ်သၟဝ်ဏံဂွံဆဵုကေတ်တုဲ file ဒးစိုတ်ဂှ် download ကေတ်ရ။ (ရံၚ် SE တံဂှ်တုဲ ယဝ်ရုဲကေတ် file မၞိဟ်တံ download ဂၠိုၚ်ဂှ်မ္ဂး speed ဍေံပြဟ်တုဲ ပိုဲဒးမၚ်အခိၚ်ဍေံအောန်ညိရ။)



4./ ရုဲခဍံက်ကေတ် file ဇကုမိက်ဂွံ download ဂှ်တုဲ ဍေံမံက်ကၠုၚ်မ္ဂး ဍဵုကဵု "ok" ညိ။ ဆက်မံက်ကၠုၚ်ပ္ဍဲ µTorrent software ဂှ် ဆက်ဍဵုကဵု "ok" ပၠန်ညိ။





5./ ကာလဂှ် ဗီုဍေံသ္ပမံၚ် download ဂှ် ဂွံဆဵုကေတ်အတိုၚ်သၟဝ်ဏံရ။



Video, Software, Music, E-book နာနာတံလေဝ် ဂၠာဲကေတ်နဲဝွံတုဲ download ကေတ်အိုတ်ညိ။