Aero Path သွက် Windows 7 Starter

ညးမသုၚ်စောဲမံၚ် [Windows 7 Starter] ကဵု [Windows 7 Home Basic] တအ် ပ္ဍဲကဵုမုက်စက် Desktop ပိုဲ ကာလဍဵု Right-Click မ္ဂး ဒၞာဲဂွံဆိၚ်စ Personalize ဂှ်ဟွံမွဲရ။ တုဲပၠန် Aero သွက် Bar တအ်အရံၚ်ဂွံကေဝ်ဂှ်လေဝ် သုၚ်စောဲဟွံမာန်ရ။ ဟိုတ်ဂှ်ရ ကာလဆဵုကောန်ပျူတာညးတၞဟ် သုၚ်စောဲလဝ် Windows 7 တၞဟ်တၞဟ်တုဲ Bar ဒၞာဲအိုဿီုတံဂှ် အရံၚ်ကေဝ်မံၚ်ဖအိုတ်တုဲ ကာလကလေၚ်ရံၚ်ကောန်ပျူတာ ဇကုပၠန်မ္ဂး ညံၚ်ကဵုခက်အာမတ် ဒှ်စလေပ်ရ။ ကောန်ပျူတာအဲလေဝ် ဗီုလဵုဂွံသ္ပရော သ္ဒးလှာဲပ္တိုန် Windows တၟိဟာ သာ်ဏံချပ်တိုန်ရ၊ တုဲပၠန်ကောန်ပျူတာဇကုပၠန်လေဝ် Driver ဍေံ သွက် [Windows 7 Starter] ဂှ်သၟးရနွံတုဲ ကသပ်အိုတ်အာရ။ ဟိုတ်ဂှ်ရတှေ် ၜိုန်ရဇကုသုၚ်စောဲမံၚ် Windows 7 Starter ကီုလေဝ် ညံၚ်ဂွံသုၚ်စောဲ Aero သွက်အရံၚ် Bar ဂွံကေဝ်မာန်ဂှ် Install ကေတ် Aero patch တုဲ သုၚ်စောဲကေတ်မာန်ရ။

နွံပၟိက်သုၚ်စောဲ Aero patch မ္ဂး Download ကေတ် ဒၞာဲဏံ ညိ။

ဗီုဂွံစုတ်ဍေံဂှ်-

1./ နူမသ္ပ download ဂွံနၚ်လဝ်ဂှ် နွံမံၚ် ၜါ file ရ၊ ဟွံဂွံမွဲမ္ဂး စုတ်စမ်ရံၚ်မွဲဂှ်ပၠန်ညိ။ [မွဲဂှ်တြေံ မွဲဂှ်တၟိတုဲ စက်လ္ၚဵုဂှ်ကိတ်ကဵုတြေံ စက်လ္ၚဵုဂှ်ကိတ်ကဵုတၟိဂှ်ရ။]
2./ စုတ်တုဲမ္ဂး စက်သ္ပ Restart ရ။ [ဍေံဟွံပ Restart မ္ဂး သ္ပကဵုဍေံညိ။]
3./ စက်ကလေၚ်ကၠုၚ်တုဲ အာပ္ဍဲ Desktop ဍဵု Right-Click တုဲ ဂွံဆဵုကေတ် Personalize တုဲ ဆိၚ်ကေတ်အတိုၚ်ပၟိက်စိုတ်မာန်ရ။



ဗီုရံၚ် ပ္ဍဲ Video သၟဝ်ဏံညိ။

နဲဂွံသ္ပ Backup ကဵု iTunes Library

iTunes ဟီုဂှ် သွက်ညးသုၚ်စောဲမံၚ် iDevice [iPhone, iPad, iPod] တအ် ဒှ်အဓိကဇၞော်မွဲဟီုမ္ဂး ဟွံဗၠေတ်ရ။ တုဲပၠန်သွက်ဂွံကောပ်ကာဲပြုပြေၚ် iDevice ပိုဲဂှ်လေဝ် ဒးဆက်မံၚ်ကဵု iTunes မွဲနှမွဲနှရ။ ကပေါတ်ပ္ဍဲ iTunes ကဵု ပ္ဍဲ iDevice ပိုဲဂှ် ဒးတုပ်မံၚ်ညးသ္ကအ်လၟိုန်တုဲ ဂွံပြံၚ်အာစုတ်မံၚ် စက်ကောန်ပျူတာညးတေံမွဲလ္စုတ် စက်ကောန်ပျူတာညးဏံမွဲလ္စုတ်ဂှ် ဟွံပြေပြံၚ်လးလးရ။ ညးလ္ၚဵုတံပၠန်ဂှ် ၜိုန်ရ မိက်ဂွံဖျေံမံၚ် Windows ကီုလေဝ် ဂွိၚ်ကဵုဒှ်အခက်အခုဲကဵု iTunes Library ပၠန်ရ။ ကာလစက်ကောန်ပျူတာပိုဲလီု ဒးလှာဲစက်တၟိတှေ်ရော၊ Apps မနွံမံၚ် ပ္ဍဲ iDevice ပိုဲတံဂှ် ဒးကလေၚ် စုတ်တၟိပၠန်ရဟာ သာ်ဝွံဂွိၚ်မံၚ်လေဝ် ဒှ်စလေပ်ရ။ ဟိုတ်ဂှ်ရတှေ် အခက်အခုဲတအ်ဏံအိုဿီုဂွံပြေပြံၚ်မာန်ဂှ် ပိုဲဒးဂၠာဲနဲ ဂွံသ္ပ Backup ကဵု iTunes Library ပိုဲရ။ ညံၚ်ဂွံကၠောန်သ္ပ Backup မာန်ဂှ်လေဝ် Apple စုတ်နၚ်လဝ်ကဵုအစဳဇန်ဏံပါကၠုၚ်မံၚ်ရ။ သၟဝ်ဏံဝွံ ထ္ၜးအာနဲဗီုဂွံကၠောန်သ္ပ သီုပ္ဍဲ Mac သီုပ္ဍဲ Windows မွဲဒမြိပ်ဓဝ်ရ။

ဗီုဂွံကၠောန် Backup ကဵု iTunes Library ပိုဲဂှ်-

1./ ပံက် iTunes တုဲ
Mac: အာကဵု iTunes > Preferences ဂှ်ညိ။
Windows: အာကဵု Edit > Preferences ဂှ်ညိ။

2./ ဍဵု Advanced ဂှ်ညိ။

3./ ကဵုထောံစၟတ် ဒၞာဲ "Copy files to iTunes Media folder when adding to library" ဂှ်တုဲ ဍဵုကဵု Ok ညိ။ [ကဵုထောံစၟတ်ဒၞာဲဏံဂှ် ဇၟာပ်ပ်ပိုဲမစုတ် ပ္ဍဲ iTunes မွဲမွဲသာ်ဂှ် ဍေံ Copy ဏာ file ပိုဲဂှ် ပ္ဍဲ iTunes Library မွဲက္ဆံၚ်ရ။]



4./ အာကဵု File > Library > Organize Library ဂှ်ညိ။

5./ ဒၞာဲ "Consolidate files" ဂှ် ကဵုထောံစၟတ်တုဲ ဍဵုကဵု Ok ညိ။



6./ တုဲမ္ဂး ကၟာတ်ထောံ iTunes ဂှ်ညိ။

7./ သွက်ဂွံ Copy ကေတ် iTunes Library ပိုဲဂှ် ဂၠာဲဒၞာဲဍေံတန်တဴမံၚ်ဂှ်ညိ။
Mac OS X: /Users/username/Music
Windows XP: \Documents and Settings\username\My Documents\My Music\
Windows Vista or Windows 7:\Users\username\My Music\

ယဝ်ရဂၠာဲဒၞာဲထ္ၜးလဝ်လ္တူဂှ် ဟွံဆဵုမ္ဂး အာပ္ဍဲကဵု-
Mac: iTunes > Preferences ဂှ်တုဲ
Windows: Edit > Preferences ဂှ်တုဲ ဍဵု Advanced ဂှ်ညိ။ ကာလဂှ်မ္ဂး ဂွံဆဵုကေတ် ဒၞာဲ Library ဇကုတန်တဴ အတိုၚ်ဗီုသၟဝ်ဝွံရ။



8./ ကာလဆဵုမ္ဂး Copy ကေတ်တုဲ စွံထောံဒၞာဲဗၠးအန္တရာဲမွဲမွဲဒၞာဲညိ။ ကိစ္စသ္ပ Backup ဂှ်တုဲဒှ်အာရ။



ပ္တိုန် Windows တၟိတုဲ ဟွံသေၚ်မ္ဂး ဂွံစက်ကောန်ပျူတာတၟိတုဲ နဲဂွံကလေၚ်ကော်ပၠုပ်ကေတ် Library ပိုဲမဂိုၚ်စွံလဝ်ဂှ်-

1./ ကိုပ်ကၠာနူဟွံဂွံပံက် iTunes ဏီ Library ပိုဲမသ္ပလဝ် Backup ဂှ် သွက်ဂွံသုၚ်စောဲအာ ပ္ဍဲကောန်ပျူတာတၟိဏံ စွံလဝ်ဒၞာဲပိုဲနွံပၟိက်ဂှ်ညိ။

2./ ဍဵုလဝ် Option key (Mac) ဟွံသေၚ်မ္ဂး Shift key (Windows) တုဲ ပံက် iTunes ပိုဲညိ။

3./ ကာလဂှ်မ္ဂး သွက်ဂွံရုဲဒၞာဲ Library ပိုဲဂှ် iTunes သၟာန်ကၠုၚ်တုဲ ဍဵုကဵု Choose Library ဂှ်ညိ။



4./ ဂၠာဲကဵုဍေံဒၞာဲ Library ပိုဲဂှ်တုဲ iTunes ပိုဲစသုၚ်စောဲမာန်အတိုၚ်တြေံတေံ ဗွဲမပြေံပြံၚ်မာန်ရ။

Folder ကၠေံအာတံဂှ် သွက်ဂွံကလေၚ်ထ္မံက်ပတိုန်

လဆောဝ်မ္ဂး Drive ပိုဲကီု ဟွံသေၚ်မ္ဂး Stick ပိုဲကီု ဟိုတ်နူကဵုဒးအာ Virus တုဲ File တအ်ၜိုန်ရသှေ်မံၚ်ကီုလေဝ် Folder နွံမံၚ်ပ္ဍဲတအ်ဂှ် ကၠေံဗ္ဒန်အာအိုတ်ရ။ ဇေတ်တ်တေံဂှ် Folder တအ်ဂှ်အိုတ်အးအာဟွံသေၚ် အယာံမာတ်ဍေံကၠေံဗ္ဒန်အာ ညံၚ်ညာတ် ကေတ်ဟွံမာန်ဟေၚ်ရ။ ဒှ်အာဗီုဏံဂှ် ညးလ္ၚဵုတအ်ဟိုတ်နူဟွံတီတုဲ ဖျေံထောံ Format လေဝ်နွံရ။ File အရာဟွံထေက်ကဵုဒးဆောံလေၚ်တအ်ဂှ်လေဝ် ဒးဒုၚ်ဆောံကၠုၚ်နွံရ။ Virus ဂကူဏံဂှ် ပ္ဍဲဍုၚ်ဗၟာတေံ ဂွံဆဵုစဂၠိုၚ်တုဲ ပ္ဍဲ Card ​ကေန်မရာ, Card MP4, Card ဖုၚ်တအ် ဒှ်စဂၠိုၚ်ကွေံကွေံရ။ ဟိုတ်ဂှ်ရ Folder မကၠေံမံၚ်တအ်ဂှ် ညံၚ်ဂွံကလေၚ်ထ္မံက်ပတိုန်မာန်ဂှ် ပိုဲဒးစကာ DOS command ရ။ ဂွံစကာ DOS command ဂှ် သွက်မၞိဟ်တၟိတအ် ဝါတ်ဂါတ်ညိဏောၚ်ထေၚ်ကေတ်တုဲ ကၠောန်လဝ်နကဵု Program ရ။ Program ဝွံ သုၚ်စောဲလောဲသွာတုဲ တီလဝ် ဆအယာံမာတ် Drive Letter ပိုဲမကၠောန်သ္ပဂှ်မ္ဂး ရုမ်ဂပ်မံၚ်ရ။ Driver Letter ဟီုဂှ် မပ္တံကဵု C:, D:, G:, မမံက်မံၚ် ပ္ဍဲလ္အိတ်ယၟု Drive ပိုဲတံဂှ်တံဂှ်ရ။

နွံပၟိက်သုၚ်စောဲမ္ဂး Download ကေတ် ဒၞာဲဏံ ညိ။

ဗီုဂွံသုၚ်စောဲဍေံဂှ်-

1./ ပံက်ကဵု Program ဂှ်တုဲ သွက်ဍေံဂွံဆက်အာဂတဂှ် ဍဵုကဵု Key မွဲမွဲမညိ။

2./ ဒၞာဲ Enter your Drive Letter: ဂှ် စုတ်ကဵု Drive Letter ပိုဲညိ။ [ Drive Letter ပိုဲ ယဝ်ဒှ် G: မ္ဂး တက်စုတ်ကဵု​ဍေံ G ညိ။]



3./ ဃောဍေံမကၠောန်မံၚ်ကမၠောန်ဂှ် မၚ်ကဵုမွဲလစုတ်တုဲ ကာလတုဲဒှ်မ္ဂး ဍဵုကဵု Key မွဲမွဲတုဲ Program ဂှ်ကၟာတ်အာရ။

ဗဵုကေတ် TV ပ္ဍဲစက်ကောန်ပျူတာ

အစဳဇန်ကဏ္ဍလ္ၚဵုတံဂှ် ဟိုတ်နူဗလးထ္ၜးမံၚ်ပ္ဍဲ TV သၟးတုဲ ညးသုၚ်စောဲမံၚ် Internet တအ် သွက်ဂွံဗဵုဂှ် ဒှ်ကၠုၚ်အခက်အခုဲရ။ ပြဒ္ဒညာဏံဂှ် သုၚ်စောဲကေတ် Readon TV Movie Radio Player ဏံတုဲ ဍေံပြေပြံၚ်အာမာန်ရ။ Readon TV Movie Radio Player ဏံဝွံ TV ကေုာံ Radio မဗလးမံၚ်နူဍုၚ်ဗွဲမဂၠိုၚ်ဂၠၚ်တံ ဗဵုကေတ်မာန်ရ Channel လေဝ်ဂၠိၚ်ဂၠၚ်တဴဗွဲမလောန် ရိုဟ်လၟိဟ်ဟွံမာန်ရ။ ကပေါတ်ဒးထပ် စုတ်အပဵုလေဝ် မုဟွံမွဲပၟိက်တုဲ ဆအယာံမာတ်ကောန်ပျူတာ ကေုာံအေန်တာနာတ်နွံမ္ဂး ဗဵုကေတ် Channel တအ်ဂှ်မာန်ရ။ TV, Radio ဃောပိုဲမဗဵုကလၚ်မံၚ်ဂှ်လေဝ် ရပ်လဝ် Record မာန်ဏီရ။ Software ဏံဝွံ Free လေဝ်ဒှ်တုဲ နဒဒှ် Video Converter ကီု Audio CD Ripper ကီုသုၚ်မာန်မံၚ်ဏီတုဲ တၞဟ်တၞဟ်တအ်လေဝ် ကၠောန်သ္ပမာန်မံၚ်ဗွဲမဂၠိုၚ်ဏီရ။

မိက်ဂွံသုၚ်စောဲမ္ဂး အာပ္ဍဲ Website ဍေံ ဒၞာဲဏံ တုဲဂြဲဖျေံကေတ်ညိ။
ဂွံသုၚ်စောဲမာန်ဂှ် စက်ပိုဲ ဒးစုတ်လဝ် .Net Framework နွံရ။ ယဝ်ရစက်ကောန်ပျူတာပိုဲ .Net Framework ဟွံမွဲဏီမ္ဂး ကေတ် ဒၞာဲဏံ ညိ။