နဲပါ်ကရေက် Partition ကဵု Hard Disk

အခိၚ်တ္ၚဲဏံမ္ဂး ညမသုၚ်စောဲမံၚ်စက်ကောန်ပျူတာတံဗွဲမဂၠိုၚ်ဂှ် ပါ်ကရေက်လဝ် Partition လ္ၚဵုၜါကရေက်, လ္ၚဵုပိကရေက် မပ္တံသာ်ဝွံ ဗွဲမဗဗွဲကဵုပၟိက်ညးကဵုညး ပါ်ကရေက်လဝ်တုဲ သုၚ်စောဲတဴအိုတ်ရ။ ပါ်ကရေက်လဝ် Partition တုဲသုၚ်စောဲဂှ် ဖဵုနွံတဴဗွဲဂမၠိုၚ်ရ၊ မုဟိုတ်ရောတှေ် ယဝ်ခါရပိုဲပါ်လဝ် Partition ၜါကရေက် C: ကဵု D: တုဲ ပ္ဍဲ C: ဂှ် ပိုဲစွံဆအယာံမာတ် system files သၟးတုဲ Data ပိုဲအိုဿီုဂှ် စွံလဝ် ပ္ဍဲ D: မ္ဂး ကာလ windows စှေ်အာလေဝ် မုဟွံဒးဂွိၚ် ကလေၚ်ပ္တိုန်ကေတ် windows တၟိၜိုဟ်ၜိုဟ်သြိုဟ်ဟ်မာန်ရ။ Data ပိုဲမကၠောန်သ္ပလဝ်အိုဿီုတံလေဝ် ဟိုတ်နူနွံမံၚ်ပ္ဍဲ D: ဖအိုတ်တုဲ မုလေဝ်ဟွံဒှ်လလေၚ်ရ။ ညးလ္ၚဵုတံဂှ် ဟိုတ်နူမိက်ဂွံသုၚ်စောဲ သီု windows 7 သီု windows XP တုဲ ကရေက်လဝ် Partition တၞဟ်ြခာတုဲ ပ္တိုန်လဝ်သီု windows7 သီု windowsXP သုၚ်စောဲမံၚ်ဂှ်ဂွံဆဵုကေတ်မံၚ်ကီုရ။

နဲပါ်ကရေက် Partition ဂှ် နဲနွံဂၠိုၚ်လောန်ရ၊ ကိုပ်ကၠာနူဟွံဂွံပ္တိုန်စုတ် Windows ဏီညံၚ်ရဴမပါ်ကရေက်ကေတ်မာန်ကီု ပ္တိုန်စုတ် Windows တုဲလေဝ် ပါ်ကရေက်ကေတ်မာန်ဏီရ။ ပ္တိုန် Windows7 တုဲ မု software ဟွံဒးသုၚ်စောဲလေဝ် ပါ်ကရေက်မာန်မံၚ်ရ ဆဂး ဗီုပိုယ်ဒးစိုတ်ကရေက်ကေတ်ဟွံမာန်ရ။ ဟိုတ်ဂှ်ရ ဗီုပၟိက်စိုတ်သွက်ဂွံရေက်ကေတ်မာန်ဂှ် သုၚ်စောဲအာ EASEUS Partition Master တုဲ ပါ်ကရေက်အာရောၚ်။ Software ဏံဝွံ Internal Hard Disk ကီု External Hard Disk ကီု ပါ်ကရေက်ကေတ် Partition မာန်တုဲ နဲဏံဝွံ နဲကၠောန်သ္ပလောဲသွာအိုတ်လေဝ် ဟီုစဂွံရ။

သွက်ဂွံသုၚ်စောဲ EASEUS Partition Master ဂှ် Download ကေတ် ဒၞာဲဏံ ညိ။

ဗီုဂွံပါ်ကရေက်ဍေံဂှ်-

1./ စပံက် program ဂှ်တုဲ ဂွံဆဵုကေတ်ဗီုပြၚ်ဍေံအတိုၚ်သၟဝ်ဝွံရ၊ Disk မွဲမမ္ဂး ဍေံမံၚ်မွဲပၞောန်တုဲ Partition ကရေက်လဝ်တံဂှ် ဍေံထ္ၜးမံၚ် မွဲအခန်မွဲအခန် ပ္ဍဲအပ္ဍဲမွဲပၞောန် Disk ဂှ်ရ။ ရံၚ်ကေတ်ဗီုထ္ၜးလဝ်သၟဝ်ဂှ်ညိ။



2./ လ္တူ Disk ပိုဲမိက်ဂွံကရေက် Partition ဂှ် ခဍံက်တုဲ ဍဵု Resize/Move လ္တူတေံညိ။



3./ ဂွံဆဵုကေတ်အတိုၚ်သၟဝ်ဝွံတုဲ ဗၞတ်ဇကုနွံပၟိက်ပါ်ကရက်ဂှ် ဓဇက်ကေတ်ညိ။ ​ဍေံထ္ၜးမံၚ်သၟဝ် ဒၞာဲ "Partition Size:" ဂှ် ဒှ်ဗၞတ်ဗ္ၜတ် Partition နွံမံၚ်လၟုဟ်ဂှ်တုဲ ဒၞာဲ "Unallocated Space After:" ဂှ် ဒှ်ဗၞတ်ဗ္ၜတ် သွက်ဂွံကၠောန် Partition တၟိရောၚ်။ ဟိုတ်ဂှ်ရ ရံၚ်လၟိဟ် MB ဂှ်တုဲ ဗၞတ်ဗ္ၜတ်ဇကုနွံပၟိက်ဂှ် ဓဇက်ကေတ်တုဲ ဍဵု Ok ညိ။



4./ ဟိုတ်နူသ္ပလဝ် Resize တုဲ ဍေံဒှ်အာ Unallocated အတိုၚ်သၟဝ်ဏံ ဂွံဆဵုကေတ်ရ။ သွက်ဂွံကၠောန် Partition တၟိဂှ် ခဍံက်ကဵု Unallocated ဂှ်မွဲလ္တန်တုဲ ဍဵု Create လ္တူတေံညိ။



5./ ဂွံဆဵုကေတ်အတိုၚ်သၟဝ်ဝွံတုဲ ဒၞာဲ "Partition Label:" ဂှ် တၚ်ကဵုယၟုမွဲမွဲသာ်တုဲ ဍဵုကဵု Ok ညိ။ တုဲဒှ်အိုတ်မ္ဂး ဍဵုကဵု Apply ဂှ်မွဲလ္တန်ညိ။





6./ ဂွံဆဵုကေတ်အတိုၚ်သၟဝ်ဝွံတုဲ ဍဵုကဵု Yes ဂှ်မွဲလ္တန်တုဲ ဍေံစကၠောန်ကမၠောန်ရောၚ်။



ယဝ်ရပါ်ကရေက်တိတ်နူ C: မ္ဂး ဗွဲမဂၠိုၚ်တှေ် ဍေံသ္ပ Restart တုဲမှ ဍေံစပါ်ကရေက်ရောၚ်၊ သွက်ဂွံ Abort ဍေံဂှ် ဒှ်မံၚ် Any Key တုဲ ယဝ်ရဍဵုဒး Key မမိက်ကဵုမွဲမွဲမ္ဂး ဍေံလီုအာမာန်မံၚ်ဂှ်ရ မုလ္ပဍဵုမွဲသာ် မၚ်ကဵုစဵုဍေံကၠောန်ကမၠောန်တုဲညိ။

7./ ကာလဍေံကၠောန်တုဲမ္ဂး ပ္ဍဲ My Computer ပိုဲတေံ Disk Drive ပဵုတိုန်တၟိမွဲရောၚ်။

ဟွံကၠးစိုတ်မ္ဂး ဗဵုကေတ် နကဵု Video ဒၞာဲဏံ ညိ။

ကြက္ကဒိန်မန် သွက်ဂွံကယျိုၚ်ကယျဝ်စုတ် ပ္ဍဲ Blog ဇကု

သွက်ညးမချူမံၚ် Website, Blog တံ သွက်ဂွံကယျိုၚ်ကယျဝ်စုတ် ကြက္ကဒိန်မန်ပ္ဍဲ Website, Blog ဇကုမာန်ဂှ် ပ္တိုန်ထ္ၜးဏာကဵု Code ဍေံပ္ဍဲဒၞာဲဏံရ။ ပ္ဍဲအခိၚ်လၟုဟ်မလိက်မန်ပိုဲ ညးချူ Website, Blog တံ ဟိုတ်နူသုၚ်စောဲဒၟံၚ် Unicode, UniMon, Mon ပိဂကူ ဂွံဆဵုကေတ်မံၚ်တုဲ သီုပိဂကူဂှ် ပ္တိုန်လဝ်ကဵုရ။ ဗွဲမဗဗွဲကဵု Website, Blog ဇကုသုၚ်စောဲလဝ်မလိက်လဵုဂှ် ရုဲကေတ် Code သၟဝ်တံဂှ်တံဂှ်တုဲ စုတ်သုၚ်စောဲအိုတ်ညိ။ သွက်ညးစုတ်ပ္ဍဲ Blog တံဂှ် အာပ္ဍဲကဵု Dashboard > Design > Add a Gadget > တုဲ ရုဲကေတ် HTML/JavaScript ဂှ်တုဲ Copy စုတ် Code သၟဝ်ထ္ၜးလဝ်အရံၚ်ဍာဲဂှ်မ္ဂး ကလိဂွံကြက္ကဒိန်မန်မာန်ရ။

သွက်မလိက် Unicode:
<script src="https://dl.dropboxusercontent.com/u/218684281/Script/UnicodeCalendar.js" type="text/javascript"></script>

သွက်မလိက် UniMon:
<script src="https://dl.dropboxusercontent.com/u/218684281/Script/uniMonCalendar.js" type="text/javascript"></script>

သွက်မလိက် Mon:
<script src="https://dl.dropboxusercontent.com/u/218684281/Script/MonCalendar.js" type="text/javascript"></script>

ဗီုပြၚ်ကြက္ကဒိန်မန်> " "

File size မဇၞော်မံၚ်ဂှ် နဲဂွံပါ်ကရေက်ထောံဍောတ်ဍောတ်

ပ္ဍဲအရာမပြၚ်ကဵုကေတ် လ္တူ Online ကီု ပ္ဍဲအရာမသ္ပ upload စမွဲမွဲဒၞာဲကီု File လ္ၚဵုတံဂှ် ဟိုတ်နူ size ဇၞော်အာနူဍေံပိုၚ်ြခာလဝ်ဂှ်တုဲ တၞဟ်နဂွံပြၚ်ကဵုကေတ်ညးသ္ကံကီု တၞဟ်နသ္ပ upload စွံမွဲမွဲဒၞာဲကီုဂှ် ဟွံသၟဟ်အစောံရ။ ဟိုတ်ဂှ်ရ ညံၚ်ဂွံကၠောန်သ္ပသၟဟ်အစောံဂှ် ပိုဲဒးပါ်ကရေက်ထောံဍေံညံၚ်ဂွံဍောတ်အာရ။ ဥပမာ- ယဝ်ခါရရဲဇကုအာတ်ကၠုၚ်ဇကု PageMake7 ဟီုစရ၊ ဇကုဂှ်လေဝ် ယဝ်ရသုၚ်စောဲသုၚ်စောဲ Gmail တုဲပြၚ်ဏောၚ်တှေ် ဟိုတ်နူ Gmail ကဵုအခေါၚ်ြပၚ်ကဵုကေတ်ညးသ္ကံ ဇၞော်အိုတ် 25MB ဓဝ်တုဲ PageMaker7 ဂှ်လေဝ် ဒှ်မံၚ် 123 MB တုဲ တၞဟ်နဂွံပြၚ်ဂှ် ဟွံသၟဟ်အစောံရ၊ ဟိုတ်ဂှ်ရ ယဝ်ရပိုဲကုတ်ထောံ ၅ ဒကုတ်တုဲ ပြၚ် ၅ အလန်မ္ဂး သၟဟ်အစောံရ။ ဟိုတ်ဂှ်ရတှေ် ပိုဲသုၚ်စောဲ WinRAR တုဲ ကုတ်ကေတ် File ဂှ်မာန်ရ။

သွက်ဂွံ Download ကေတ် winRAR ဂှ် ဍဵု ဒၞာဲဏံ ညိ။

ဗီုဂွံ Install ဍေံဂှ်-

1./ နူမ download ဂွံနၚ်လဝ် ဗွဲမဗဗွဲကဵုစက်ဇကု x86 / x64 ဟာဂှ် ရုဲကေတ်တုဲ သ္ပ Install ညိ။
2./ တုဲမ္ဂး နူမ download ဂွံနၚ်လဝ် patch ဍေံဂှ် copy အာစွံပ္ဍဲဒၞာဲ software နွံဂှ်တုဲ run ထောံဍေံညိ။
ဍေံမံက်ကၠုၚ်အတိုၚ်သၟဝ်ဏံတုဲ ဍဵုကဵုဍေံ "Generate" ဂှ်ညိ။





3./ ဍေံမံက်ကၠုၚ်အတိုၚ်သၟဝ်ဏံတုဲ ဍဵုကဵုဍေံ "Yes" ဂှ်တုဲ စသုၚ်စောဲမာန်ရ။



4./ ဍေံမံက်ကၠုၚ်အတိုၚ်သၟဝ်ဏံမ္ဂး ဍဵုကဵုဍေံ "Save" ဂှ်ညိ။



ဗီုဂွံပါ်ကရေက် file ဂှ်-

1./ လ္တူ file / folder ဇကုမိက်ဂွံကရေက်ဂှ် ဍဵု Right-Click တုဲ ဍဵုကဵု "Add to archive..." ဂှ်ညိ။



2./ ပ္ဍဲဒၞာဲ "Split to volumes, bytes" ဂှ် တက်စုတ် ဗၞတ်ဗ္ၜတ်ၜိုတ်ဇကုမိက်ဂွံကရေက်ဂှ်ညိ။ ပ္ဍဲဒၞာဲဏံဟိုတ်နူအဲမိက်ဂွံကရေက် 25MB တုဲ အဲတက်စုတ်လဝ် "26214400" ရ။ တုဲမ္ဂး ဍဵု "ok" ဂှ်ညိ။



(ဟိုတ်နူဍေံကေတ်လၟိဟ် bytes တုဲ 25MB ဂှ် ညဳသၟဟ်မံၚ်ကဵု 26214400 bytes ရ။ ယဝ်ရတော်ပ္တိတ် byte ဟွံဒးမ္ဂး သုၚ်စောဲ google တုဲတော်ညိ။ ပ္ဍဲ Google တက်စုတ် 25 megabytes to Bytes တုဲ ခဍံက် Enter မ္ဂး 25MB နွံမူစိ Byte ရောဂှ်ဂွံဆဵုကေတ်မာန်ရ။)



3./ ဗီုဍေံကၠောန်ပါ်ကရေက်ကေုာံစန်ပကောံမံၚ် အတိုၚ်သၟဝ်ဂှ် ဂွံဆဵုကေတ်ရ။



4./ ဟိုတ်နူဍေံပါ်ကရေက်ထောံတုဲ 128MB ဂှ် ဒှ်အာ ၅ ဒကုတ် အတိုၚ်သၟဝ်ဝွံရ။ ညးမ download တေံလေဝ် file ၅ဒကုတ်ဏံ ဒးစွံလဝ် မွဲစွံမွဲဒၞာဲဓဝ်တုဲ သှ် part1 ဂှ်မ္ဂး part သှေ်တံဂှ် ဍေံသှ်အာအလဵုလဵုဍေံတုဲ ဍေံဒှ်အာမွဲ file ဓဝ် အတိုၚ်မူဟွံဂွံပါ်ကရေက်လဝ်ဏီတေံတုဲ file ဂှ် သုၚ်စောဲမာန်ရ။

ပၠေဝ်ပၠေတ်ဗီု ပ္ဍဲ Online [Online Photo Editor]

Pixlr Photo Editor ဏံဝွံ ဟွံဒး Install စုတ်ပ္ဍဲစက်ပိုဲမွဲသာ် ကၠောန်သ္ပပၠေဝ်ပၠေတ်ဗီုပ္ဍဲလ္တူ Online မာန်ရ၊ Fuction ဍေံလေဝ်နွံမံၚ်စုၚ်လေၚ်ကြပ်တုပ်ကဵု PhotoShop တံရ။ သွက်ညး PhotoShop ဟွံမွဲတံ သ္ဒးကၠောန်သ္ပစညိညိရမ္ဂး ပြေပြံၚ်တဴကွေံကွေံရ၊ Application ဏံဝွံ သွက်ဍေံဂွံကၠောန်ကမၠောန်မာန်ဂှ် သ္ဒးစုတ်လဝ် Flash Player သွက် Browser ပိုဲမသုၚ်စောဲမံၚ်ဂှ်ရ။ ဗီုနူကောန်ပျူတာသၟးဟွံက ဗီုနူကဵု URL တၞဟ်တၞဟ်တံလေဝ် ကော်နၚ်ကေတ်မာန်တိုက်ရိုက်တုဲ ပၠေဝ်ပၠေတ်မာန်မံၚ်ရ။ ကာလ save စွံဗီုမ္ဂး ညံၚ်ရဴ save စွံမာန်ပ္ဍဲစက်ကောန်ပျူတာပိုဲကီု save စွံ ပ္ဍဲ Picasa, Facebook ဇကုတိုက်ရိုက်မာန်ဏီရ။ Application ဏံဝွံ သွက်ညးမသုၚ်စောဲမံၚ် Mozilla Firefox တံ ၜိုန်ရပြေပြံၚ်မံၚ်ကီုလေဝ် သွက်ညးသုၚ်စောဲမံၚ် Internet Explorer တံ ယဝ်ခါရ Save ဗီုဟွံဂွံမ္ဂး အာပ္ဍဲကဵု Internet Options တေံတုဲ add ထောံ pixlr.com နဒဒှ် trusted site ညိ။ ယဝ်ခါရ Save လဝ်ဗီုတုဲပံက်ဟွံဂွံမ္ဂး ကာလပိုဲမ save ဂှ် ဟိုတ်နူ IE ဇိုတ်ထောံ extension မပ္တံကဵု ".jpg" တံဂှ်လေပ်မံၚ်တုဲ ပံက်ဟွံကၠုၚ်ဒှ်ဂွံရ၊ ယဝ်ရဒှ်သာ်ဂှ်မ္ဂး ပ္ဍဲတၞုၚ် file ဗီုဇကုမ save ဂှ် ထပ်စုတ် ".jpg" သာ်ဝွံမ္ဂး ပံက်ဂွံအာရ။ ဗီုကၠောန်သ္ပမာန်တံဂှ် ခန်ဗ္တောန်ဍေံအာဗဵုကေတ် ဒၞာဲဏံ မာန်ရ။

နွံပၟိက်မိက်ဂွံသုၚ်စောဲ Pixlr Photo Editor မ္ဂး ဍဵု ဒၞာဲဏံ ညိ။



သွက်ညးမိက်ဂွံကယျိုၚ်ကယျဝ်ဝေၚ်ဗီုသၟးတံဂှ် ဍဵုကေတ် Pixlr-o-matic ဒၞာဲဏံ ညိ။

File မဇိုတ်လဝ်တုဲတံဂှ် သွက်ဂွံကလေၚ်ကေတ်

ဟိုတ်နူဟိုတ်မွဲမွဲသာ်တုဲ File လ္ၚဵုတံဂှ် ပိုဲမဇိုတ်ဒးအာကီု၊ ဟွံသေၚ်မ္ဂး File လ္ၚဵုတံဂှ် ဟွံမွဲပၟိက်ရထေၚ်တုဲ ဇိုတ်ထောံလဝ်ဂှ် လက္ကရဴမိက်ဂွံကလေၚ်ဂွံပၠန်မ္ဂး သုၚ်စောဲ Software ဝွံတုဲ ကလေၚ်ကေတ်မာန်မံၚ်ရ။ Database, Video, Music, Graphics, Documents, Archives နူ Hard Drive, Removal Drive, SD Card တံ မဇိုတ်လဝ်တံဂှ် ကလေၚ်ကေတ်မာန်မံၚ်ဖအိုတ်တုဲ သွက်ညးလ္ၚဵုတံ တက်လဝ်ဗီုပ္ဍဲ Camera တုဲ သ္ပဒးအာ Format ကဵု Card တုဲ ဗီုမလီုအာတံဂှ် သုၚ်စောဲ Software ဝွံတုဲ ကလေၚ်ကေတ်မာန်မံၚ်ရ။

နွံပၟိက်သုၚ်စောဲ PC Tools File Recover ဏံမ္ဂး Download ကေတ် ဒၞာဲဏံ ညိ။
ပ္ဍဲဂှ် ပါမံၚ်သီု Keygen သီု Path ရ၊ ကာလ Install တုဲဂှ် သွက်ဍေံဂွံဒှ်အာ Registered ဂှ် သုၚ်စောဲကေတ် Keygen ဟွံသေၚ်မ္ဂး Path ဂှ်မွဲမွဲညိ။

ဗီုဂွံသုၚ်စောဲ Software ဏံဂှ်-

ယဝ်မိက်ဂွံကလေၚ်ဂၠာဲ File ဇကုမဇိုတ်ဒးလဝ်ြပဟ်ြပဟ်ဏံရမ္ဂး ပ္ဍဲဒၞာဲ "Scan type:" ဂှ် ရုဲကဵုဍေံ "Quick Scan" ညိ။ ယဝ်ရ Format ဒးလဝ်မ္ဂး ရုဲကဵုဍေံ "Deep Scan" တုဲ ဂၠာဲညိ။
ပ္ဍဲဒၞာဲ "Look in:" ဂှ် Drive ဇကုမိက်ဂွံဂၠာဲဂှ် ရုဲကဵုဍေံညိ။
ပ္ဍဲဒၞာဲ "Filter by type:" ဂှ် ရုဲကဵုဍေံ file type ဇကုမိက်ဂွံဂၠာဲ မပ္တံ .jpg .mp3 .avi တံဂှ်ညိ။
ရုဲကဵုဍေံ စၞောန်လ္တူတံဂှ်တုဲ သွက်ဂွံစဂၠာဲဂှ် ဍဵု Scan ဂှ်ညိ။

File, Folder ဟွံမိက်ကဵုညးတၞဟ်ပံက်တံဂှ် Lock ထောံ နကဵု Password

Folder Lock Software ဏံဝွံ File, Folder ဇကုဟွံမိက်ကဵုညးတၞဟ်တံပံက်ဂှ် Lock ထောံနကဵု Password မာန်ရ။ File, Folder မသ္ပလဝ် Lock တံဂှ် ဟိုတ်နူဍေံပၠေံလဝ်ဇကုတုဲ သွက်ဂွံပံက်ဂှ်လ္ပဟီုဏီ အယာံမာတ်ညာတ်လေဝ် ညာတ်ကေတ်ဟွံမာန်ရ။ ပဵုတုဲခိုဟ်ပၠန်ဂှ် Software ဝွံ ပ္ဍဲ Removal disk, External Drive မပ္တံကဵု Memory Stick, CD တံ ကူစၠောံဏာမာန်မံၚ်ဂှ်ရ File နွံမံၚ် ပ္ဍဲ Removal disk, External Drive တံ Lock ထောံမာန်မံၚ်ဖအိုတ်တုဲ ပ္ဍဲစက်တၞဟ်ဟွံစုတ်လဝ် Software ဏံကီုလေဝ် သုၚ်စောဲမာန်မံၚ်ဖအိုတ်ရ။ ဟိုတ်ဂှ်ရတှေ် သွက်ညးမဒှ်မံၚ်ဓဝိၚ်ကဵု File ဇကုပၟိက်ဇၞော်ဇၞော် ညးတၞဟ်ဆဵုဟွံဂွံတံဂှ် သုၚ်စောဲ Software ဏံမ္ဂး စွံစိုတ်ၜိုဟ်ၜိုဟ်မာန်ရ။

နွံပၟိက်သုၚ်စောဲမ္ဂး Download ကေတ် ဒၞာဲဏံ ညိ။

ဗီုဂွံသ္ပ Install ဍေံဂှ်-

1./ နူမသ္ပ download ဂွံနၚ်လဝ် folderlock7-en.exe ဂှ် ဍဵုၜါလ္တန်တုဲ စပ္တံသ္ပ install ရ။
2./ ကာလစိုပ်ဒၞာဲအတိုၚ်သၟဝ်ဏံမ္ဂး ဒၞာဲ "Enter Master Password:" ဂှ် တက်စုတ် password ဗီုဇကုမိက်ဂွံသုၚ်စောဲဂှ်တုဲ ဒၞာဲ "Confirm Master Password:" ဂှ်လေဝ် တက်စုတ် password ဂှ်ပၠန်ညိ။ [password ဝွံဟေၚ် ပိုဲဒးသုၚ်စောဲအာ ပ္ဍဲကိစ္စသ္ပ Lock တံဂှ်ရောၚ်။] စုတ်တုဲဒှ်မ္ဂး ဆက်ဍဵုအာကဵု "Next" ဂှ်မွဲလ္တန်ညိ။



3./ ဆက်ဍဵုအာမံၚ်တုဲ ကာလသ္ပ install စိုပ်လ္အိတ်မ္ဂး ဂွံဆဵုကေတ်အတိုၚ်သၟဝ်ဝွံတုဲ ဍဵုကဵု Finish ဂှ်ညိ။



4./ ကိုပ်ကၠာနူဟွံဂွံဆက်ကၠောန်အာဂတဏီ သွက်ဂွံစုတ် Key ဍေံမာန်ကီု Key ပိုဲမစုတ်လဝ်ဂှ်လေဝ် ကာလ Internet စၟဳစၟတ်မ္ဂး ညံၚ်ဍေံဟွံတီဂှ် ပိုဲဒးပၠေဝ် host file ပ္ဍဲစက်ပိုဲရ။ ဂွံပၠေဝ် host file ဂှ် အာပ္ဍဲကဵု C:\Windows\System32\drivers\etc\ တုဲ ဂွံဆဵုကေတ် host မ္ဂး သွက်ဂွံပံက် host ဂှ် ဒးသုၚ်စောဲ Notepad ရ။ အာပ္ဍဲကဵု Start > All Programs > Accessories > Notepad ဂှ်တုဲ ပံက်လဝ် Notepad ဂှ်ညိ၊ တုဲမ္ဂး host ပိုဲမဆဵုလဝ်နူကလၚ်ဏံဂှ် ဓဇက်စုတ်ပ္ဍဲ Notepad တုဲ ပ္ဍဲသၟဝ်အိုတ်တေံ ထပ်စုတ်မလိက်ၜါပၞောန်အတိုၚ်သၟဝ်ဏံတုဲ Save ထောံဍေံညိ။
127.0.0.1 www.password-protect-folders.net
127.0.0.1 www.newsoftwares.net



5./ တုဲဒှ်မ္ဂး သ္ပကဵု Reboot ဟွံသေၚ်မ္ဂး Restart မွဲဝါညိ။
6./ စက်ကလေၚ်တိုန်ကၠုၚ်တၟိတုဲ ပံက် Folder Lock ဂှ်ညိ၊ ဟိုတ်နူဒှ်အလန်ကၠာအိုတ်တုဲ ဍေံအာတ်ကၠုၚ် Key မ္ဂး ဍဵုကဵု "Enter Key" ဂှ်ညိ။



7./ တက်စုတ်ကဵုဍေံအတိုၚ်သၟဝ်ဏံတုဲ ဍဵုကဵုဍေံ "Submit" ဂှ်ညိ။
Serial Number: F7-20110917-9-172951
Registration Key: 526EFEF086E09600449E667EA2DAE8E2E6D642BC



8./ ဟိုတ်နူဍေံဒှ်အာ Registered ဂှ်ရ ဂွံဆဵုကေတ်အတိုၚ်သၟဝ်ဝွံတုဲ ဍဵုကဵု "OK" တုဲ Software ဝွံ စသုၚ်စောဲမာန်ရ။

စဵုဒၞာအခေါၚ် Virus မလုပ်တန်တဴ ပ္ဍဲ Drive, Stick, Card

GGreat USB AntiBody ဏံဝွံ ဒှ် software စဵုဒၞာကဵုအန္တရာယ် Virus မလုပ်မံၚ်တန်တဴပ္ဍဲ Pen drive, Memory card, Digi-Camera, Mobile phone, External drive တံအိုဿီုရ။ Virus တံ သွက်ဂွံစကၠောန်ကမၠောန်မာန်ဂှ် ညးချူဗဒှ် Virus တံ ဗွဲမဂၠိုၚ်မ္ဂး ဟိုတ်နူဖ္အောဝ်လဝ်နကဵု file မ္ဂး Autorun.inf တုဲ file ဏံယဝ်ရနွံမံၚ်ပ္ဍဲ Drive ပိုယ်တုဲတုဲရမ္ဂး Virus အခေါၚ်ဂွံလုပ်ဂွံဂှ် ဍေံဝါတ်ဂါတ်ကၠုၚ်ရ။ ဟိုတ်ဂှ်ရ သွက်ဂွံစုတ်လဝ် Autorun.inf ပ္ဍဲ Drive ပိုဲဒတုဲဂှ် GGreat USB AntiBody ဝွံ ရီုဗၚ်ကဵုပိုယ်ရ။ Software ဏံဟွံမွဲလေဝ် စကာ DOS command တုဲ စုတ်ကေတ် Autorun.inf ဏံမာန်မံၚ်ကီုလေဝ် ဒးကၠောန်သ္ပဍေံဝါတ်ဂါတ်ညိရ၊ ဟိုတ်ဂှ်ရ သုၚ်စောဲ Software ဏံတုဲကၠောန်မ္ဂး ကၠောန်ကေတ်မာန် ဗွဲမလောဲသွာရ။

နွံပၟိက်ကၠောန်မ္ဂး download ကေတ် GGreat USB AntiBody ဂှ် ဒၞာဲဏံ ညိ။

Install စုတ်လဝ်ပ္ဍဲစက်ပိုဲတုဲ သွက်ဂွံကၠောန်သ္ပဂှ်-

1./ ထပက်လဝ် Drive / Stick ပိုဲမိက်ဂွံကၠောန်ဂှ် ပ္ဍဲစက်ပိုဲတုဲ ပံက် GGreat USB AntiBody ဂှ်ညိ၊ တုဲမ္ဂး အာကဵု Suspicious လ္တူဂှ်တုဲ ဒၞာဲ Device ဂှ် ရုဲကဵု Drive ပိုဲမိက်ဂွံကၠောန်ဂှ်ညိ၊ ပ္ဍဲ Drive ပိုဲမကၠောန်ဂှ် Autorun.inf နွံမံၚ်တုဲတုဲ သွက်ဂွံဇိုတ်ထောံမာန်ဂှ် ဍဵုကဵု Suspicious files in Autorun.inf / Suspicious file in root directory တံဂှ်တုဲ ဆဵုမ္ဂး Select ထောံတုဲ ဍဵုကဵု Delete ဂှ်ညိ။



2./ သွက်ဂွံစုတ် Autorun.inf ပ္ဍဲ Drive ပိုဲဂှ် အာပ္ဍဲကဵု Install USB AntiBody လ္တူဂှ်တုဲ ဒၞာဲ "Install for Autorun.inf file protecting" ဂှ်ကဵုထောံစၟတ်တုဲ ဍဵုကဵု Install ဂှ်ညိ။