ကြက္ကဒိန်မန် သွက် iOS ကေုာံ Android

ကြက္ကဒိန်မန် ကေင်ကၠောန်လဝ် သွက် Windows Gadget နူသၞာံ ၂၀၁၂ မွဲအလန် ၂၀၁၆ မွဲအလန်ဂှ် အကြာကြာဏံသ္ပဝေင် Update ဂၠိင်အာတုဲ ရံၚ်ကဵုအခေတ်လေဝ် ဒှ်အာအခေတ်ဖုၚ်ကီုတုဲ ဇၟာပ်ညးအဲဂွံရံၚ်စလောဲသွာဗွဲမဂတာပ်အခိၚ်မာန် ဇၟာပ်ဇၟာပ်ဒၞာဲဇကုမအာ ဂွံပါဗက်အာမာန် ရန်သာ်ဏံတုဲ ကၠောန်ဗဒှ်ဏာ နကဵု Android app ရ။ သွက် iOS ဂှ် ဟိုတ်နူဒှ်အခက်အခုဲကဵု App Store တုဲ ကၠောန်လဝ်နကဵုသၞောတ် PWA ဟေၚ်ရ။ သၞောတ် PWA ဝွံ သွက်ညးသုၚ်စောဲခမ်ပျူတာတံလေဝ် ပံက်နကဵု Browser မွဲမွဲတုဲ Install စုတ်ကေတ်မာန်ကီုရ။ သွက်စက် Android ပ္ဍဲကွဳစက်လေဝ် ညံၚ်ဂွံရံၚ်စှ်ေသၞောတ်ဂှ် ဖန်လဝ်ကဵုကီုတုဲ ညးတၠကွဳစက်တအ်လေဝ် သုၚ်စောဲမာန်ဗွဲမပြေပြံၚ်ကီုရောၚ်။

နွံပၟိက်သုၚ်စောဲမ္ဂး-

• သွက် Android ဂှ် ဂြဲကေတ်ပ္ဍဲ Play Store ဒၞာဲဏံ ညိ။

• သွက် iOS ဂှ် ဒှ်မံၚ်သၞောတ် PWA တုဲ နဲဂွံစုတ်ဍေံဂှ် ပံက် ဒၞာဲဏံ ပ္ဍဲ iOS Device ဇကုတုဲ သ္ပဗက်အာ အတိုၚ်ဗီုသၟဝ်ဏံညိ။

အဘိဓါန် MonDict သွက် Mac & Windows

အဘိဓါန် မန်-အၚ်္ဂလိက်-မန် ဝွံ သွက်ရံၚ်ကျေဝ် ပ္ဍဲ Online ဒၞာဲဏံ ဂှ်ကီု၊ သွက်ဂွံသုၚ်စောဲပ္ဍဲ Mobile Phone ဒၞာဲဏံ ဂှ်ကီု၊ သွက်ဂွံသုၚ်စောဲပ္ဍဲစက်ကောန်ပျူတာ Windows ဒၞာဲဏံ ဂှ်ကီု နွံကၠုၚ်မံၚ်တုဲ လၟုဟ်ဝွံ သွက်ဂွံသုၚ်စောဲပ္ဍဲစက်ကောန်ပျူတာ Windows ဂှ် ကၠောန်သ္ပ Update လဝ်ကဵုတၟိ Version 2 ရ။ အနှေန်ကၠောန်သ္ပ Update ဂှ် ကၠောန်ဏာကဵု သီုသွက်စက်ကောန်ပျူတာ Mac ကီုရ။ အဘိဓါန်ဝွံ နူဘာသာမန် ဂၠာဲဘာသာအၚ်္ဂလိက်၊ နူဘာသာအၚ်္ဂလိက် ဂၠာဲဘာသာမန် သီုၜါလ္ပာ် ဂၠာဲကေတ်မာန်ကီု၊ ဟွံသေၚ်သာ်ဂှ် မအရေဝ်နွံပ္ဍဲပွံက်အဓိပ္ပါဲတံဂှ်လေဝ် ဂၠာဲကေန်မာန်ကီုရ။ မလိက်မနွံမံၚ်ပ္ဍဲပွံက်အဓိပ္ပါဲတအ်ဂှ်လေဝ် ဍဵုတုဲဆက်ဂၠာဲအာမာန်ဏီရ။ အဘိဓါန်ဝွံ စုတ်လဝ်ကဵုသီု Keyboard ဒတုဲတုဲ ပ္ဍဲစက် Keyboard မန်ဟွံမွဲတံဂှ်လေဝ် ချိၚ်တက်ဂၠာဲကေတ်ဗွဲမပြေပြံၚ်မာန်ကီုရောၚ်။

နွံပၟိက်သုၚ်စောဲမ္ဂး -

• သွက် Mac ဂှ် ဂၠောၚ်ကေတ် ဒၞာဲဏံ ညိ။
• သွက် Windows ဂှ် ဂၠောၚ်ကေတ် ဒၞာဲဏံ ညိ။

------------------------------------------------------------------------

CauNon Keyboard သွက်တက်လိက်မန်/ဗၟာ ပ္ဍဲဒၞာဲနာနာ

စောနန်ကဳဗတ်ဝွံ သွက်ဂွံတောဲသုၚ်စောဲကဵု Keyman ဟွံသေၚ်မ္ဂး KeyMagic တအ်ရ။ တောဲသုၚ်စောဲကဵု Keyman မ္ဂး ပ္ဍဲဇၟာပ်ဒၞာဲ စက်ခမ်ပျူတာ Windows, Mac, Linux ကီု၊ ဖုၚ် iOS, Android ကီု ဍေံကၠောန်ကမၠောန်မာန်ရ။ တောဲသုၚ်စောဲကဵု KeyMagic မ္ဂး ပြဟ်ဟ်ဏံ ပ္ဍဲစက်ခမ်ပျူတာ Windows, Mac, Linux တအ်ဟေၚ်ကၠောန်ကမၠောန်မာန်ရ။ လဆောဝ်လဆောဝ်ပိုဲတအ် အကြာကြာတက်မံၚ်လိက်မန်ဂှ် ဒးတက်လိက်ဗၟာနွံအာမွဲၜါမမ္ဂး သ္ဒးလှာဲ Keyboard ဗၟာဂှ် စိုတ်ယှုက်အာညိနွံရ (အခိၚ်ဒးတက်စရၚ်ညးတၠဒါန်ဒှ်စဂၠိုၚ်)။ ဘဲဏံဂွံသာညိရန်တၟံတုဲ စောနန်ကဳဗတ်ဝွံ ကၠောန်လဝ်ညံၚ်ဂွံတက်သီုအက္ခရ်ဗၟာမာန်တုဲ၊ ပ္ဍဲစက်ပိုဲ / ပ္ဍဲဖုၚ်ပိုဲ ဒးစုတ်လဝ် Keyboard မွဲဓဝ် တက်သီုလိက်မန်ဂွံ လိက်ဗၟာလေဝ်ဂွံတှ်ေ သီုဍေံသောင်မတ် သီုသောၚ်စိုတ်ညိရောၚ် ထေၚ်ကေတ်တုဲ သွက်ညးနွံအလဲစိုတ်သာ်ဏံတအ် ဒးဂၞပ်ရောၚ်ထေၚ်ကေတ်ရ။

ဗီုဂွံစုတ် Keyman

• သွက်စက်ခမ်ပျူတာဂှ် အာပ္ဍဲ Keyman Website ဏံတုဲ ဗွဲမဗဗွဲကဵုစက်ဇကု (Windows, Mac, Linux) ရုဲစှ်ကေတ်တုဲ Install ညိ။
• သွက်ဖုၚ် iPhone ဂှ် အာပ္ဍဲ App Store ဏံတုဲ စုတ်ကေတ် Keyman App ညိ။
• သွက်ဖုၚ် Android ဂှ် အာပ္ဍဲ Play Store ဏံတုဲ စုတ်ကေတ် Keyman App ညိ။

ပ္ဍဲစက်ခမ်ပျူတာကီု၊ ပ္ဍဲဖုၚ်ကီု စုတ် Keyman တုဲဒှ်ရမ္ဂး သွက်ဂွံစုတ် CauNon Keyboard ဂှ် တက်ဂၠာဲကေတ်နကဵုမလိက် caunon လေဝ်ဂွံ ဟွံသေၚ်မ္ဂး အာကေတ်ပ္ဍဲ ဒၞာဲဏံ လေဝ်ဂွံရ။
(သွက်ညးနွံပၟိက် keyboard သၟးဂှ် ဂြဲကေတ် caunon.kmp ဏံမာန်ရ။)

ဗီုဂွံစုတ် KeyMagic

• အာပ္ဍဲ KeyMagic Website ဏံတုဲ ဗွဲမဗဗွဲကဵုစက်ဇကု (Windows, Mac, Linux) ရုဲစှ်ကေတ်တုဲ Install ညိ။

သွက်ဂွံစုတ် Keyboard ဂှ် ကေတ် caunon.km2 ဏံတုဲ စုတ်ကေတ်မာန်ရ။

အဘိဓါန် မန်-ဗၟာ သွက် iOS & Android

အဘိဓါန် မန်-ဗၟာ သွက်ရံၚ်လ္တူ Online ဒၞာဲဏံ ဂှ် ၜိုန်ရနွံကီုလေဝ် ဟိုတ်နူဒှ်မံၚ် Online တုဲ ဂွံကျေဝ်ကေတ်မွဲဏှမွဲဏှဂှ် ဟွံပြေပြံၚ်ကွေံရောၚ်ထေၚ်ရ။ အခိၚ်တ္ၚဲဏံ ဟိုတ်နူမၞိဟ်ပိုဲတအ်သုၚ်စောဲ Mobile Phone ဂၠိုၚ်တုဲ အဘိဓါန်ဂကူဏံ သွက် Phone လေဝ်နွံမ္ဂးခိုဟ်ရောၚ်စှ်ေစိုတ်တုဲ ဂစာန်ကၠောန်ကၠုၚ်လဝ်ရ။ အဘိဓါန်ဝွံ က္လိဂွံနၚ်လိက်မူ ကေုာံ အခေါၚ် နူနာဲသက်လောန် (USA)တုဲ ညံၚ်ဂွံဒှ်အာနကဵုသၞောတ် Digital ဂှ် နာဲသိုက်ဆာန် (တံၚ်မောံ) ပြံၚ်ကၠောန်ထောံ Database နကဵုမလိက် Unicode ရ။ နူဂှ်မွဲက္ဆံၚ် အဲက္လိဂွံနၚ် အခေါၚ် ကေုာံ Database နူ နာဲသိုက်ဆာန်တုဲ မ္ဒးကၠောန်ပ္တိတ်ဏာကဵု ကောန်ဂကူပိုဲ သွက်ညးရပ်ဖုၚ် Android တံ ဂွံသုၚ်စောဲရ။ (သွက် iOS ဂှ် နာဲသိုက်ဆာန် ကၠောန်လဝ်ရောၚ်။) အဘိဓါန်ဝွံ နူဘာသာမန် ဂၠာဲဘာသာဗၟာ မာန်တုဲ နူဘာသာဗၟာလေဝ် ဂၠာဲကေတ်နကဵုမလိက်မၞုံပ္ဍဲပွံက်အဓိပ္ပါယ်တံဂှ်တုဲ ဂွံက္လေၚ်ညာတ်ကေတ် မအက္ခရ်တမ်မန်ဍေံဂှ် မာန်ရောၚ်။ အဘိဓါန်ဏံဝွံ ဟိုတ်နူဂွံစမ်ၜတ်လဝ် နကဵုဖုၚ်မွဲမဓဝ်တုဲ ယွံခါရပ္ဍဲဖုၚ်ဇကု သုၚ်စောဲဟွံပြေပြံၚ်မ္ဂးကဵုသမ္တီပ္ဍဲ Comment box သၟဝ်ဏံညိဂှ် မ္ဒးအာတ်မိက်ဏာရအဴ။

နွံပၟိက်သုၚ်စောဲမ္ဂး -
>> သွက် Andorid ဂှ် ဂၠောၚ်ကေတ် ဒၞာဲဏံ ညိ။
>> သွက် iOS ဂှ် ဂၠောၚ်ကေတ် ဒၞာဲဏံ ညိ။

နဲဂွံစုတ်မလိက်မန် ပ္ဍဲ iOS 8, 9, 10, 11

အခိင်တ္ၚဲဏံ ပ္ဍဲ iDevice (iPhone, iPad, iPod)တအ် သီုဟွံဒးသ္ပ Jailbreak မွဲသာ် လိက်မန်ပိုဲ ချူဗှ်ကေတ်မာန်ပေၚ်ၚ်ရတုဲ ညးမသုၚ်စောဲ iDevice တအ် ဟွံစွံစအာရီုလ္တူ Jailbreak ညံၚ်ရဴအခိၚ်ကၠာတေံကွေံကွေံရ။ အခိၚ်ကိုပ်ကၠာတေံ လိက်မန်ပိုဲဂှ် ၜိုန်ရဗှ်သၟးမာန် ချူတက်ဟွံမာန်ကီုလေဝ် အခိၚ်တ္ၚဲဏံ သွက်ဂွံချူတက်မာန်ဂှ် ညးတၠကွတ် မာံသိုက်ဆာန် ကၠောန်ပ္တိတ်ကဵုကၠုၚ်မာန်ဣရ။ App လၟုဟ်ဏံဂှ် သ္ပပ္တံနူကဵု iOS 8 တုဲ စဵုကဵုစိုပ် iOS 11 ဂှ် စကာသုၚ်စောဲမာန်ပြေပြေပြံၚ်ၚ်ရ။

နွံပၟိက်သုၚ်စောဲမ္ဂး -

ကိုပ်ကၠာအိုတ် ဂြဲဖျေံကေတ် Mon Keyboard App နူ AppStore ဒၞာဲဏံ ညိ။



(ကိုပ်ကၠာနူဟွံဂွံစုတ်လိက်မန်ဏံဏီ လိက်တၞဟ်ဟ်မပ္တံကဵု Zawgyi တံစုတ်လဝ်နွံမ္ဂး အာပ္ဍဲကဵု Settings > General > Profiles & Device Management တုဲ ပတိတ်ထောံကၠာညိ။)

သွက်ဂွံစုတ်မလိက်မန် သွက်ဂွံဗှ်မာန်ဂှ် -

၁။ ပံက် Mon Keyboard App ဂှ်တုဲ သွက်ဂွံစုတ်လိက်မန်ဂှ် ဍဵုဒၞာဲ lnstall Mon Regular Font ဂှ်ညိ။ ဆက်ဍဵုကဵု Allow ဂှ်ညိ။



၂။ ဍဵုကဵု Install လ္တူဂှ်တုဲ ဖုၚ်ပိုဲဒုၚ်လဝ်ဂၞန်ပၞုက်နွံမ္ဂး ဗပေၚ်စုတ်ကဵုညိ။



၃။ ဍဵုကဵု Next တုဲ ဆက်ဍဵုကဵု Install ဂှ်ညိ။



၄။ ဆက်ဍဵုကဵု Install ပၠန်တုဲ ဍဵုကဵု Done ဂှ်မ္ဂး ကိစ္စစုတ်မလိက်မန်ဂှ် တုဲဒှ်အာရ။



သွက်ဂွံစုတ်ကောန်ဍေၚ် (Keyboard) ဂွံတက်လိက်မန်မာန်ဂှ်-

၁။ အာပ္ဍဲကဵု Settings တုဲ အာပ္ဍဲ General ဂှ်ညိ။



၂။ အာပ္ဍဲကဵုဒၞာဲ Keyboard ဂှ်တုဲ ဆက်ဍဵုကဵု ဒၞာဲ Keyboards ဂှ်ညိ။



၃။ ဍဵု Add New Keyboard... ဂှ်တုဲ ရုဲဍဵုကေတ် Mon Keyboard ဂှ်ညိ။



၄။ ဍဵုကဵု Mon ဂှ်တုဲ ပံက်ထောံ Allow Full Access တုဲ ဍဵုကဵု Allow မံက်တိုန်ဂှ်ညိ။



၅။ စုတ်လဝ်ကောန်ဍေၚ်တုဲဒှ်ရတုဲ သွက်ဂွံတက်လိက်မန်ဂှ် ဒၞာဲရုပ်ဂၠးတိဂှ် ဍဵုကဵုလအ်အ်တုဲ ရုဲကေတ် Mon ဂှ်မ္ဂး စတက်လိက်မန်မာန်ရ။



(သွက်ညးနွံပၟိက်သုၚ်စောဲလိက်သၞောတ် Unicode တအ်လေဝ်၊ ဒၞာဲစုတ် လိက်မန်ပ္ဍဲတၚ်(၁)လ္တူတေံဂှ် ရုဲစုတ်ကေတ် " Install AnontaMon Unicode Font " ဂှ်တုဲ သွက်ဂွံတက်လိက်ဂှ် သုၚ်စောဲ ttKeyboard ညိ။)