Eng-Mon Dictionary သွက် iPhone, iPod touch, iPad

ညးမသုၚ်စောဲမံၚ် iDevice (iPhone, iPod touch, iPad) တံ တၞဟ်နဂွံစုတ် မပ္တံကဵုမလိက်မန်,ဗၟာတံမာန်ဂှ် ဗွဲမဂၠိုၚ်တှ်ေ သ္ပလဝ် Jailbreak တုဲမံၚ်သၟးရ။ ဟိုတ်ဂှ်ရတှ်ေ ဗီုဂွံသ္ပ Jailbreak ဂှ် ပ္ဍဲဒၞာဲဏံဟွံထ္ၜးဏာရ။ English-Mon Dictionary ဏံဝွံလေဝ် ဟိုတ်နူသုၚ်စောဲလဝ်မလိက် UniMon တုဲ သွက်ဂွံစုတ်မလိက်မန်ဂွံဂှ် iDevice ပိုဲသ္ဒးသ္ပလဝ် Jailbreak တုဲတုဲမှ သုၚ်စောဲ Dictionary ဏံမာန်ရောၚ်။ English-Mon Dictionary ဏံဝွံ ဟိုတ်နူဒှ်မံၚ်file ဂကူ ".chm" တုဲ သွက်ဂွံဗှ်မာန်ဂှ် ပိုဲသ္ဒးသုၚ်စောဲ CHM Reader မွဲမွဲရောၚ်။ ပ္ဍဲဒၞာဲဏံသုၚ်စောဲ iChm တုဲ ထ္ၜးအာရောၚ်။ iChm ဝွံ Lite(free) version လေဝ်နွံမံၚ်ရ၊ ဆဂး Lite version ဂှ် ပ္ဍဲအရာ transfering file (မပလံၚ်ဏာနၚ် file) ဂှ် ဟိုတ်နူ ဒးပလံၚ်ဏာနၚ် နကဵု wi-fi သၟးဟေၚ်ဒုၚ်တဲတုဲ သွက်ညးသုၚ်စောဲ Desktop ကောန်ပျူတာတံ ဟွံပြေပြံၚ်ရောၚ်ထေၚ်တုဲ မ္ဒးသုၚ်စောဲဏာ Paid version ဏံရ။

iChm ဝွံ ဟိုတ်နူဒှ် Free App ဟွံသေၚ်တုဲ သွက် iDevice ပိုဲဂွံဒုၚ်တုဲဂှ် ပိုဲဒးစုတ်လဝ် AppSync နွံရောၚ်။

ဗီုဂွံစုတ် AppSync ပ္ဍဲ iDevice ပိုဲဂှ်-

1./ ပံက် Cydia တုဲ ဍဵု "Manage" ဂှ်ညိ။
2./ ဍဵု "Sources" ဂှ်ညိ။
3./ ဍဵု "Edit" လ္တူတေံတုဲ ဍဵု "Add" ဂှ်ညိ။
4./ တက်စုတ် http://cydia.appaddict.org ဂှ်တုဲ ဍဵု "Add Source" ဂှ်ညိ၊ ကာလဂှ်မ္ဂး Cydia ကဵုကၠုၚ်သတိ ပရောပရာ copyright မ္ဂး ဍဵုကဵု "Add anyway"ဟွံသေၚ်မ္ဂး "Ok" ဂှ်ညိ။
5. ဃော repo စုတ်မံၚ် သ္ပမံၚ် update ဂှ် မၚ်ကဵုမွဲလစုတ်ညိ။
6. အာပ္ဍဲကဵု Appaddict repo directory ဂှ်တုဲ ဂၠာဲကေတ် AppSync ဗွဲမဗဗွဲကဵု iOS ဇကုညိ။
7. ဍဵုကဵု "Install" လ္တူတေံဂှ်မွဲလ္တန်ညိ။
8. တုဲမ္ဂး Restart ကဵု iDevice ဂှ်မွဲဝါညိ။

-------------------------------------------------------------------------------------------------------------------
သွက်ညးသုၚ်စောဲမံၚ် iDevice သ္ပလဝ် Jailbreak တုဲတုဲ စုတ်လဝ် AppSync တုဲတုဲတံဂှ် စဗှ်နူသၟဝ်ဏံညိ!!!
{သွက်ညးဟွံမိက်သ္ပ Jailbreak တံဂှ် သုၚ်စောဲ Online Dictionary ဒၞာဲဏံ ဂှ်ညိ၊ Online Dictionary ဂှ် ပံက်ပ္ဍဲ Safari, IE, Firefox, Chrome တံမ္ဂး ဟွံဒးစုတ် font လေဝ် ဗှ်မလိက်မန်တံဂှ်မာန်မံၚ်ရ။}
-------------------------------------------------------------------------------------------------------------------

English-Mon Dictionary files တံဂှ် download ကေတ် ဒၞာဲဏံ ညိ။ [ပါမံၚ်- iChm.ipa, Fallback.ttf, Eng-Mon.chm]

[iChm App ဏံဝွံ သုၚ်စောဲကိတ်ညဳမံၚ်ကဵု iPhone, iPod touch, and iPad တံတုဲ iOS 3.0 or later လေဝ် ဒးဒှ်ရောၚ်။]
သွက်ဂွံစုတ် iChm ဂှ် iDevice (iPhone, iPod touch, iPad) ပိုဲ ဆက်စၠောံထောံကဵုစက်ကောန်ပျူတာပိုဲ နကဵုဇုက် USB တုဲမ္ဂး-

1./ နူမ download ဂွံနၚ်လဝ် iChm1.3.5.ipa ဂှ် ဍဵုကဵုၜါလ္တန်ညိ။
     [ကာလဂှ်မ္ဂး iTunes ပံက်တိုန်ကၠုၚ်အလဵုလဵုဍေံရ။]
2./ ဍဵုကဵု iDevice ပိုဲပ္ဍဲသ္ကဲလ္ပာ်ပဲါဂှ်မွဲလ္တန်ညိ။



3./ ဍဵုကဵု "Apps" လ္တူတေံမွဲလ္တန်တုဲ ပ္ဍဲ iChm ဂှ် ကဵုထောံစၟတ်(tick) တုဲ ဍဵုကဵု "Apply" သၟဝ်တေံညိ။



4./ ဃောဍေံသ္ပမံၚ် Install ဂှ် မၚ်ကဵုမွဲလစုတ်ညိ။



5./ သွက်ဂွံစုတ် Eng-Mon.chm ဂှ် စှ်ေအာကဵု File Sharing သၟဝ်တေံတုဲ ဍဵု iChm ဂှ်မွဲလ္တန်တုဲ ဍဵု "Add" ဂှ်ညိ။



6./ ဂၠာဲကဵု Eng-Mon.chm ပိုဲ download လဝ်ဂှ်တုဲ ဍဵုကဵု "Open" ဂှ်ညိ။





ကိစ္စစုတ် English-Mon Dictionary ဂှ် အာစိုပ်ဒတုဲရ၊ ဆဂး သွက်ဂွံဗှ်မာန်ဂှ် ပိုဲဒးစုတ်မလိက်မန်ရ။

သွက်ဂွံစုတ် မလိက်မန် ပ္ဍဲ iPhone ပိုဲဂှ် သုၚ်စောဲ iPhoneBrowser ညိ။ Download ကေတ် iPhoneBrowser ဒၞာဲဏံ တုဲ install စုတ်ပ္ဍဲကောန်ပျူတာပိုဲညိ။

သွက်ဂွံစုတ်မလိက်မန်ဂှ် iDevice ပိုဲ ဆက်စၠောံထောံကဵုစက်ကောန်ပျူတာပိုဲ နကဵုဇုက် USB တုဲ ပံက် iPhoneBrowser ဂှ်တုဲမ္ဂး-

1./ ဍဵုကဵု "Goto Location" လ္တူတေံတုဲ အာကဵု Fonts ဂှ်ညိ။



2./ ဍဵုကဵု ကဠာ "Cache" ပ္ဍဲလ္ပာ်ပဲါဂှ်ညိ။



3./ နူမ download ဂွံနၚ်လဝ် Fallback.ttf ဂှ် ဓဇက်စုတ် ပ္ဍဲကဠာ Cache ဏံညိ၊ ကိစ္စစုတ်မလိက်မန်ဂှ် တုဲဒှ်အာရ။



4./ ကၟာတ်ထောံ iPhoneBrowser ဂှ်တုဲ Restrart / Respring ကဵု iDevice ဂှ်မွဲဝါညိ။

ကိစ္စကၠောန်သ္ပစုတ် English-Mon Dictionary ဂှ် အာစိုပ်ဒတုဲရ၊ သုၚ်စောဲပ္ဍဲ iDevice ပိုဲမာန်ရ။

 

 



ဟိုတ်နူဂွံစမ်လဝ် iPhone4 iOS 4.3.3 မွဲမဓဝ်တုဲ iDevice တၞဟ်တၞဟ်တံ ဟွံပြေပြံၚ်နွံမ္ဂး ကဵုနၚ် Comment သၟဝ်တေံညိ။