TeamViewer QS (သွက်ကောပ်ကာဲဖုၚ်နူဌာန်ဇမ္ၚောဲ)

TeamViewer သွက်ဂွံကောပ်ကာဲခမ်ပျူတာမၞိဟ်ဇကု နွံမံၚ်ဌာန်သ္ၚောဲ ကေုာံ နဲဂွံသုၚ်စောဲဍေံဂှ် ကေၚ်ချူလဝ်ပ္ဍဲ ဒၞာဲဏံ နွံရ။ TeamViewer ဝွံ ဆၜိုတ် ကောပ်ကာဲခမ်ပျူတာသၟးဟွံက အခိၚ်လၟုဟ်မ္ဂး သွက်ဂွံကောပ်ကာဲဖုၚ်မာန်ဂှ် TeamViewer QuickSupport တိတ်ကၠုၚ်ပၠန်ရ။ TeamViewer QS ဝွံ ပ္ဍဲစက်ဖုၚ် iOS ကေုာံ Android သီုၜါဂကူ ၜိုန်သုၚ်စောဲမာန်ကီုလေဝ် သွက်ဖုၚ် Android ဂှ် တၚ်နေၚ်ဍေံဂၠိုၚ်စုၚ်နူဖုၚ် iOS ညိရ။ ဗီုလဵုဒှ်ဒှ်ရ ကာလဖုၚ်ပိုဲယောၚ်ယာစညိညမ္ဂး သုၚ်စောဲ TeamViewer QS ဝွံတုဲ အာတ်ကေတ်အရီုဗၚ်နူသ္ကံရဲပိုဲနွံဌာန်သ္ၚောဲတံ သွက်ဂွံပၠေဝ်ဖုၚ်ဇကုမာန်ရ။ သွက်ဂွံသုၚ်စောဲမာန်ဂှ် ပ္ဍဲစက်ဖုၚ်ဇကု Download စုတ် TeamViewer QS တုဲ ဆၜိုတ်သ္ဒးလဴထ္ၜး ID ပ္ဍဲစက်ဖုၚ်ဇကု ကဵုမၞိဟ်ဇကုနွံမံၚ်ဌာန်သ္ၚောဲဂှ်တုဲ ကာလမၞိဟ်ဇကုတေံဆက်စၠောံမ္ဂး အယာံမာတ်ဇကု ကဵုအခေါၚ်ဒုၚ်တုဲဟေၚ် ကိစ္စစိုပ်ဒတုဲမာန်ရ။

• TeamViewer QS သွက်ဖုၚ် iOS (Apple App Store)
• TeamViewer QS သွက်ဖုၚ် Android (Google Play Store)

အဘိဓါန် အၚ်္ဂလိက်-မန် [AieMonDaYa]

အဘိဓါန် အၚ်္ဂလိက်-မန် AieMonDaYa ဝွံ ဒှ်အဘိဓါန်တၟိမွဲတုဲ သုၚ်စောဲပြေပြံၚ် ဂၠိုၚ်နူအဘိဓါန် အၚ်္ဂလိက်-မန်တြေံတြေံ မကေၚ်တိတ်လဝ်တံဂှ်တုဲ စပ်ကဵုကိစ္စသ္ပ Install ဍေံလေဝ် အခက်အခုဲဟွံမွဲမွဲသာ်ရ။ အဘိဓါန်ဝွံ ၜိုန်ရတိတ်ကၠုၚ်လဝ် အခိၚ်လံလကီုလေဝ် သွက်ညးဟွံဆဵုဏီတံ ညံၚ်ဂွံသုၚ်စောဲအာမာန် လဝ်စိုတ်သာ်ဏံတုဲ မ္ဒးထပ်ပါ်ပရအ်ဏာရ။ အဘိဓါန်ဝွံ ဝေါဟာလေဝ်စုၚ်လေၚ်တုဲ ဗီုပြၚ်ဍေံလေဝ် ရံၚ်သောၚ်ဗှ်လောဲကွေံကွေံရ။ အဘိဓါန်ဝွံ အနာဂတ် ဂတဏံလေဝ် ညံၚ်က္ဆံၚ်ဂွံသၠုၚ်တိုန်မာန် ညးတအ်ဂစာန်ပ္တိတ်မံၚ်ဖိုဟ်ရောၚ် သာ်ဝွံ ညးတံထမံက်ထ္ၜးလဝ် ပ္ဍဲမုက် Facebook ညးတံရ။ အဘိဓါန်ဝွံ ညးတံကၠောန်လဝ်ကဵုမလိက်တၞဟ်ြခာတုဲ ကာလ Download ဖျေံမ္ဂး ဂွံနၚ်သီု Font ဍေံတုဲ သွက်ဂွံဗှ်ကေတ်မလိက်မန်ပ္ဍဲဍေံမာန်ဂှ် စုတ်ထောံကဵု Font ဍေံဂှ်ကီုညိ။ ဗီုလဵုဟီုဟီုရ ၜိုတ်အဘိဓါန်မန်ပိုဲ ကေၚ်တိတ်ကၠုၚ်ဟလိုၚ်ဂှ် အဘိဓါန်ဏံဝွံ ဒှ်အဘိဓါန်က္ဆံၚ်စိုပ်မွဲတုဲ ပိုဲတံသ္ဒးသုၚ်စောဲ စမ်ရံၚ်ထေက်ရောၚ်ဂှ် မိက်ဂွံဗ္တိုန်ဖ္အောဝ်ဏာရ။

နွံပၟိက်သုၚ်စောဲရံၚ်မ္ဂး ကေတ် ဒၞာဲဏံ ညိ။