နဲဂွံစုတ် Folder Background ပ္ဍဲ Windows 7

ခေတ်ကာလသုၚ်စောဲမံၚ် Windows XP တေံ သီုဟွံဒးသုၚ်စောဲ Software မွဲသာ် ပိုဲကေၚ်စုတ်ကၠုၚ်မံၚ် Folder Background ဂှ် ချူပတိုန်လဝ် ပ္ဍဲ ဒၞာဲဏံ တုဲရ။ ကာလစိုပ် Windows 7 ဏံ အတိုၚ်ပိုဲစုတ်မံၚ်ပ္ဍဲ XP တေံဂှ် စုတ်ဟွံဂွံရ။ ဟိုတ်ဂှ်ရ ဒးဂၠာဲနဲတၟိပၠန်ရ။ နဲဏံလေဝ် သီုဟွံသုၚ်စောဲ Software မွဲသာ် စုတ်ကေတ် Folder Background ပ္ဍဲ Windows 7 မာန်ခိုဟ်ဟ်ရ။ စၞးပိုဲဒးဆဵုမံၚ် Folder Background ဗုဗုဇၟာပ်ပ်တ္ၚဲဂှ် စုတ်လဝ်ကဵု Background ကျေဝ်ကျေဝ်တုဲ ကာလပိုဲပံက်တိုန် Folder မွဲမွဲမ္ဂး ဍေံဗၜိုဟ်ကဵုကောန်မတ်ပိုဲမွဲနဲမွဲဗီုမာန်ကီုဏောၚ် ထေၚ်ကေတ်ရ။

ဗီုဂွံကၠောန်ဍေံဂှ်-

ပံက် Notepad တုဲ copy ကေတ်လိက်သၟဝ်ဏံတုဲ Save ထောံ နကဵုယၟု desktop.ini ပ္ဍဲ Folder ဇကုမိက်ဂွံစုတ် Background ဂှ်ညိ။

[AveFolder]
IconArea_Image="C:\Users\my pictures\image.jpg"
ShadowedText=1
Recursive=1

ဒၞာဲ IconArea_Image ထ္ၜးလဝ်မလိက်ဍာဲလ္တူဂှ် လှာဲစုတ် ဒၞာဲဗီုဇကုနွံဂှ်ညိ။
ဒၞာဲ ShadowedText ဂှ် မိက်စုတ်သၞိၚ်မလိက်မ္ဂး ကဵု 1 တုဲ ဟွံမိက်စုတ်မ္ဂး ချူကဵု 0 ညိ။
ဒၞာဲ Recursive ဂှ် folder ဖအိုတ်နွံမံၚ်ပ္ဍဲ folder ဇကုမကၠောန်မံၚ်ဏံ (sub folder တံ) ယဝ်မိက်ဂွံကဵုဒှ်အာ background အတိုၚ်ဏံဖအိုတ်ကီုမ္ဂး ချူကဵု 1 တုဲ ဟွံမိက်ကဵုဒှ်မ္ဂး ကဵု 0 ညိ။ ကၠောန်တုဲအိုတ်မ္ဂး Restart ကဵုစက်မွဲဝါညိ။



ယဝ်မိက်ဂွံလှာဲအရံၚ်မလိက်ပ္ဍဲတံဂှ်မ္ဂး ထပ်စုတ်ကဵု ၃ ပၞောန်ဏံပၠန်ညိ။

TextR=255
TextG=0
TextB=0

အရံၚ်တံဂှ် ဒှ်သၞောတ်အရံၚ် RGB တုဲ အရံၚ်နွံပၟိက်ဂှ်ချူကေတ်ရ၊ သၞောတ်အရံၚ် RGB ချိၚ်ဟွံဒးမ္ဂး ကျောဝ်ကေတ်ပ္ဍဲ Paint, Photoshop တံမာန်ရ။

ဟွံကၠးစိုတ်မ္ဂး အာဗဵုကေတ်ရုပ်ဒမျိုၚ် ဒၞာဲဏံ ညိ။

ယဝ်ကၠောန်ဟွံဂွံမ္ဂး သုၚ်စောဲ Software ဏံ တုဲ ကၠောန်ညိ၊ ပဵုတုဲလောဲသွာညိရောၚ်။

ဂၠံက်ကေတ် Data နူ Drive ဇကုစိုပ်ဒၟံၚ်က္ဆံၚ်ဒးသ္ပ Format

USB stick ပိုဲမသုၚ်စောဲမံၚ်အရိုဟ်ဟ်တ္ၚဲတံ ပ္ဍဲဂှ် ညံၚ်ရဴ Data ဓမ္မတာတံနွံကီု လဆောဝ်မ္ဂး Data ကိစ္စဇၞော်ဇၞော်တံလေဝ် နွံမာန်ရ။ အခိၚ်ကာလ Data ကိစ္စဇၞော်နွံမံၚ်ပ္ဍဲဂှ် USB stick ပိုဲ ဟိုတ်နူ Virus ဟာ ဟိုတ်နူဟိုတ်မွဲမွဲသာ်တုဲ ကာလပိုဲထပက်စုတ်ကဵုကောန်ပျူတာမ္ဂး ဍေံစကာကဵုသ္ပ Format ရ။ ဟွံသ္ပ Format မ္ဂး ဆက်အာဂတဟွံဂွံ ကဆံၚ်ဏံ ညးလ္ၚဵုတံ ကေၚ်ဆဵုဂဗကၠုၚ်နွံရ။ သ္ပထောံ Format တုဲ ကလေၚ်ဂၠာဲကေတ်ကဵု Recovery Software ပၠန်လေဝ် ဂွံကလေၚ်ဂွံ Data ဇကုဖအိုတ်ပၠန်ဂှ် ဟွံချိုတ်ပၠိုတ်။ ဟိုတ်နူဟိုတ်တံဏံတုဲ Data ပၟိက်ကိစ္စဇၞော်တံ ပိုဲတံကေၚ်ဆောံလေၚ်ကၠုၚ်လဝ်နွံရ။ ဟိုတ်ဂှ်ရ ဂတနူဏံ ညံၚ်ဟွံဂွံဒှ်ဗီုဏံဂှ် သုၚ်စောဲ Partition Find and Mount Software တုဲ အခိၚ် USB Stick ပိုဲ စိုပ်မံၚ်ကဆံၚ်သ္ဒးသ္ပ Format လေဝ် Data နွံမံၚ်ပ္ဍဲတံဂှ် ပိုဲဂၠံက်ကေတ်တုဲမှ သ္ပ Format ညိ။ ကာလဂၠံက်တှေ်လေဝ် Data ကိစ္စဇၞော်တံဂှ်ဟေၚ် ဂၠံက်ကေတ်ညိ၊ မုဟိုတ်ရောဟီုတှေ် Free version ဏံ ဟိုတ်နူဍေံကဵုလဝ်အခေါၚ် 512 KBytes per second တုဲ ဍေံစၠောံလဇုဲညိဏောၚ်၊ အခိၚ်နွံမၚ်မာန်မံၚ်ရတှေ် မုဟွံဒှ်ဟလဵု။ ပိုဲမိက်ဂွံဂွံ အသိၚ်ဍေံစၠောံပြဟ်ဟ်တှေ်လေဝ် သ္ဒးရာန်ကေတ်ရ။

နွံပၟိက်သုၚ်စောဲမ္ဂး Download ကေတ် ဒၞာဲဏံ ညိ။

ဗီုဂွံသုၚ်စောဲဍေံဂှ်-

[၁] USB Stick ဇကုမယောၚ်ယာမံၚ်ဂှ် ထပက်စုတ်တုဲ ပံက် Find and Mount ပိုဲမသ္ပလဝ် Install ဂှ်ညိ။
[၂] Storage Device ၜိုတ်နွံမံၚ်ပ္ဍဲစက်ဂှ် ဍေံထ္ၜးမံၚ်ဖအိုတ်တုဲ ဣလဵုဒှ် Stick ဇကုရောဂှ် ရုဲကေတ်ညိ၊ ဗွဲမဂၠိုၚ်ဍေံမံက်နကဵုယၟု <unknown device> ရ။



[၃] လ္တူ Stick ဂှ် ဍဵု Rigth-Click တုဲ ဍဵု Scan ဂှ်ညိ။ မုလ္ပပြံၚ်တုဲ ဆက်ဍဵုကဵု Scan ဂှ်ညိ။
[၄] ဍေံ Scan ဆဵုမ္ဂး နကဵု Partition 1 သာ်ဝွံမံက်တိုန်ရ၊ ဆဵုမ္ဂး လ္တူ Partition 1 ဂှ် ဍဵု Right-Click တုဲ ဍဵုကဵု Mount As ဂှ်ညိ။ Drive Letter ဂှ်လေဝ် ၝဒးစိုတ်ဂှ် ရုဲစုတ်မွဲမွဲတုဲ ဍဵု Ok ဂှ်ညိ။



[၅] တုဲမ္ဂး ပ္ဍဲ My Computer တေံ ဍေံမံက်ကဵု နဒဒှ် Drive မွဲပဵုတိုန်ကၠုၚ်ဂှ် ဂွံဆဵုကေတ်တုဲ Data ဇကုနွံပၟိက်ဂှ် ချာဲစၠောံကေတ်မာန်ရ။
[6] တုဲဒှ်အိုတ်မ္ဂး လ္တူ Partition 1 ဂှ် ဍဵု Rigth-Click တုဲ ဍဵုကဵု Unmount ဂှ်တုဲ ၜေါတ်ပ္တိတ် Stick ဂှ်မာန်ရ။ Stick ဂှ်ကလေၚ်ထပက်စုတ်တုဲ သ္ပထောံ Format မိပ်ပ်ညိ။

ဟွံကၠးစိုတ်မ္ဂး ဗဵုကေတ်ရုပ်ဒမျိုၚ် ဒၞာဲဏံ ညိ။

Microsoft Security Essentials သွက်စဵုဒၞာဲ Virus

စက်ကောန်ပျူတာပိုဲမသုၚ်စောဲဒၟံၚ်အရိုဟ်ဟ်တ္ၚဲတံ သွက်ဂွံဒှ်ဂီုကၠီုကဵုအန္တရာဲစၟ Virus ဂးတုဲ ဒးသုၚ်စောဲဒၟံၚ် Software ဒစဵုဒစးကဵု Virus နာနာသာ်တံရ။ ပၞောဝ်ဂှ် ဒးရာန်ကေတ်လေဝ်နွံ သုၚ်စောဲမးမးဟွံဒးကဵုၚုဟ်လေဝ်နွံတုဲ ဗွဲမဗွဲကဵုဇကုဂှ် ရုဲကေတ်တုဲသုၚ်စောဲမံၚ်အိုတ်ရ။ တုဲပၠန် လ္ၚဵုဂှ် မုလေဝ်ဟွံစဵုဒၞာဲတုဲ သုၚ်စောဲမံၚ်လေဝ်နွံရ။ မုလေဝ်ဟွံစဵုဒၞာဲတုဲ သုၚ်စောဲတဴမံၚ်ဂှ် ဟွံခိုဟ်သက်က်ရ။ ကဵုၚုဟ်ရာန်ကေတ်တုဲ သုၚ်စောဲဂှ် ပဵုတုဲခိုဟ်ရ၊ ညံၚ်ရဴ Kaspersky တံမွဲသၞာံမှ ၜိုတ် ၁၅၀၀၀ ဒကေဝ်ရတှေ် ၚုဟ်ဟွံဂၠိုၚ်ပုဟ် ဟီုစဂွံရ။ ဆဂး Antivirus free တံဂှ်လေဝ် ဟွံပရေံပုဟ်၊ Antivirus ဟွံဒးကဵုၚုဟ်တံဂှ်လေဝ် နွံမံၚ်ဗွဲမဂၠိုၚ်ဂၠၚ်တုဲ ၝလဵုခိုဟ်ရောယဝ်ရုဲဟွံဒးမ္ဂး သုၚ်စောဲစမ်ရံၚ် Microsoft Security Essential ညိ။ ဍေံဂှ် အကြာ 10 MB ဓဝ်ရတုဲ စက်လေဝ်ဟွံဇြိုၚ်မွဲသာ်ရ။ ဍေံဂှ်ဟိုတ်နူတိတ်ကၠုၚ်နူကဵု Microsoft ဒှ်တုဲ န်ရဍောတ်သွတ်ကီုလေဝ်ဂှ် ဍေံမၚ်မွဲသွက်ဂီုကၠီုစၟ Virus ဟွံပရေံပုဟ်ဂှ် မိက်ဂွံထပ်ဟီုဏာညိပၠန်ရ။ ဒှ်မာန်တှေ် စက်ကောန်ပျူတာပိုဲ စုတ် Antivirus မွဲမွဲဟေၚ်တုဲ သုၚ်စောဲအိုတ်ညိ။

နွံပၟိက်သုၚ်စောဲ Microsoft Security Essential မ္ဂး ဂြဲကေတ် ဒၞာဲဏံ ညိ။

ရုဲကဵု Windows Version ဇကု x32 ဟာ x64 ဟာတုဲ ဍဵုကဵု Download ဂှ်ညိ။