Pages

Subscribe:

Labels

Saturday, December 29, 2012

Program လဵုပံက်က် မံက်တိုန်မံၚ်မွဲသၞောတ်မွဲဗီုဓဝ်မ္ဂး

အခိၚ်တ္ၚဲဏံ စပ်ကဵု Virus တုဲ ပြဒ္ဒညာက္တဵုဒှ်ဂၠိုၚ် ဂွံဆဵုကေတ်ဂှ် Icon တအ်ပြံၚ်လှာဲအာ ဟွံသေၚ်မ္ဂး Shortcut တအ်ရုပ်တၞဟ်အာ ဟွံသေၚ်မ္ဂး Application ဂွံတောဲပံက်ကဵုဍေံ ယောၚ်ယာအာ သာ်တံဏံဂွံဆဵုကေတ်ဂၠိုၚ်ရ။ ဟိုတ်နူကဵု Virus တံဂှ် လုပ်ချိၚ်ြပံၚ်ထောံအမိၚ်ပ္ဍဲ Registery တေံတုဲ Program မွဲမွဲ အခါရပိုဲပံက်မ္ဂး Program ဂှ်ဟွံတိုန်ကၠုၚ်တုဲ မံက်တိုန်ကၠုၚ်တၞဟ်ဟ်ရ၊ Program လဵုပံက်က်လေဝ် မံက်တိုန်မံၚ်မွဲဗီုမွဲသၞောတ်ဓဝ်ရ။ ဒှ်သာ်ဏံမ္ဂး သီုဟွံဒးဖျေံ Window မွဲသာ် ပလေဝ်ပလေတ်ကေတ်မာန်ရ။ ဂွံလုပ်ပလေဝ်အမိၚ် Registery ဂှ်လေဝ် သွက်ညးသုၚ်စောဲကောန်ပျူတာ ဓမ္မတာမွဲမ္ဂး ဝါတ်ဂါတ်လောန်ရ၊ ဟိုတ်ဒှ်သာ်ဂှ်ရ ညံၚ်ဂွံသ္ပကေတ်မာန်လောဲသွာညိဂးတုဲ ကၠောန်လဝ်ကဵု Program ဍောတ်တ်မွဲရ။ အယာံမာတ်ဍဵုကဵုကောန်ကၞိၜါလ္တန်ဟေၚ် ပလေဝ်ကေတ်မာန်ရ။ Program ဏံဝွံ Windows Vista ကဵု Windows 7 ဟေၚ်ဍေံပလေဝ်ကဵုမာန်ရောၚ်။

နွံပၟိက်သုၚ်စောဲမ္ဂး Download ကေတ် ဒၞာဲဏံ ညိ။

ဗီုဂွံပလေဝ်ဍေံဂှ်- နူမဂြဲဖျေံဂွံနၚ်လဝ် ErrorFixer ဂှ် သှ်ထောံတုဲ ဂွံဆဵုကေတ် ၄ file ရ။ ပ္ဍဲဂှ် ဍဵုကဵု ErrorFixer ဂှ်ၜါလ္တန်တုဲ ကာလဍေံထ္ၜးကၠုၚ် "Press any key to continue..." မ္ဂး ဍဵုကဵုဍေံ Key မွဲမွဲမညိ။ ကာလဍေံတုဲဒှ်မ္ဂး စက်ကောန်ပျူတာဂှ် Restart အာတုဲ ကာလဍေံကလေၚ်တိုန်ကၠုၚ်တၟိမ္ဂး ပြဒ္ဒညာတအ် ပြေပြံၚ်အာတုဲရဂှ် ဂွံဆဵုကေတ်ရ။

Saturday, December 15, 2012

နဲဂွံကၟာတ် Windows Update ပ္ဍဲ Widows 7

ညးမသုၚ်စောဲမံၚ် Windows 7 ဇေတ်ဇေတ်ဟွံသေၚ်တအ် ဟိုတ်နူ Windows ဂှ် ဒှ်အာ Update တုဲ မုက်စက်ပိုဲဗ္စံက်အာတုဲ စုတ်ရုပ် background လေဝ်ဟွံဂွံ သာ်ဝွံ ဒးဆဵုမံၚ်ပြဒ္ဒညာမွဲနှမွဲနှရ။ ဂွံဒှ်အာဗီုဏံဂှ် စက်ပိုဲသုၚ်စောဲမံၚ်ဂှ် ဟိုတ်နူဆက်စၠောံ လဝ်ကဵု Internet တုဲ ဒၞာဲသ္ပ Update ကဵု Windows ဂှ်လေဝ် ဟိုတ်နူပိုဲကဵုလဝ်ဍေံအမိၚ်သ္ပကေတ်အလဵုလဵုဍေံဂှ်ရ အခိၚ် Internet connection နွံမံၚ်ဂှ် ဍေံဂြဲဖျေံလဝ် Update File တံဂှ်တုဲ ကာလပိုဲကၟာတ်စက်မ္ဂး ဍေံစ Install တိုန် Update ဂှ်ရ။ အခါရပိုဲကလေၚ်ပံက်စက်မွဲအလန်ပၠန်ဂှ် ဟိုတ်နူဍေံတီကေတ် Windows ပိုဲဇေတ်တ်ဟွံသေၚ်တုဲ Windows ပိုဲစလီုကၠုၚ်ရ။ ဟိုတ်နူဒှ်ကၠုၚ်သာ်ဏံတုဲ လ္ၚဵုဂှ် ဒးဖျေံထောံ Windows တုဲဒးကလေၚ်ပ္တိုန်ကေတ်တၟိရ။ ဒးပ္တိုန် Windows တၟိမွဲဝါဂှ် အခိၚ်လေဝ်အိုတ် မၞိဟ်လေဝ်ဍောၚ်ၜိုတ်ရ။ ဟိုတ်ဂှ်ရ ကာလဆဵုဂဗကဵု ပြဒ္ဒညာဗီုဏံမ္ဂး ညံၚ်ဟဂွံဒးပ္တိုန် Windows တၟိဂှ် သုၚ်စောဲကေတ် CW win7 Activator တုဲ သောၚ်ကၠးကေတ် ပြဒ္ဒညာဂှ်မာန်ရ။

Windows 7 ပိုဲစလီုမ္ဂး အတိုၚ်သၟဝ်ဏံ မွဲဗီု ဟွံသေၚ်မ္ဂး မွဲဗီု ဂွံဆဵုကေတ်လေပ်ရ။







ယဝ်ရပိုဲအာကျောဝ် ပ္ဍဲ System Properties တှေ်လေဝ် ဂွံဆဵုကေတ်အတိုၚ်ဗီုသၟဝ်ဏံမာန်ရ။





1./ ဆဵုသာ်ဏံမ္ဂး သွက်ဂွံကေတ် CW Win7 Activator ဂှ် ဍဵု ဒၞာဲဏံ ညိ။

2./ နူမ Download ဂွံနၚ်လဝ်ဂှ် ဍဵုဍေံၜါလ္တန်တုဲ ဍဵုကဵု Apply ဂှ်ညိ။

3./ ကာလဂှ်မ္ဂး စက်ပိုဲသ္ပ Restart တုဲ ကာလဍေံကလေၚ်တိုန်ကၠုၚ်တၟိမ္ဂး ကလေၚ်ခိုဟ်အာရောၚ်ဂှ် ဂွံဆဵုကေတ်ရ။

လက္ကရဴညံၚ်ဍေံဟဂွံဒှ်ပၠန်ဂှ် ပိုဲဒးကၟာတ်ထောံ Windows Update ပိုဲရ။ ဗီုဂွံကၟာတ်ဍေံဂှ်-

1./ အာပ္ဍဲကဵု Control Panel တုဲ ဍဵု Windows Update ဂှ်ညိ။



2./ ဍဵုကဵု Change settings ဂှ်ညိ။



3./ ရုဲကဵုဍေံ "Never Check for updates (not recommended) ဂှ်တုဲ ဍဵုကဵုဍေံ Ok ဂှ်ညိ။



Saturday, December 8, 2012

စုတ် Video File ရုပ်ချဳချဳ နဒဒှ် Wallpaper

သွက်ညးမသုၚ်စောဲမံၚ် Windows 7 တအ် ဓမ္မတာဍေံမ္ဂး သွက်ဂွံစုတ်သ္ပ Wallpaper (Background မုက်စက်) ဂှ် ဍေံကဵုလဝ်အခေါၚ်ကဵု ဗီုရုပ်သၟးရ။ ဗီုရုပ်ဂှ် ဟိုတ်နူကဵုဒေံါညိၚ်မံၚ်တုဲ လအ်ကၠုၚ်မ္ဂးဇအိုန်ဇရတိုန်ဒှ်စလေပ်ရ၊ ကာလဂှ်မ္ဂး စုတ်ရုပ် ချဳချဳဂွံမ္ဂးခိုဟ်ဏောၚ် သာ်ဝွံချပ်တိုန်ရ။ တုဲပၠန်သွက်ဂွံစုတ် ရုပ်ချဳချဳ Video File ဂှ်လေဝ်ဍေံဟွံကဵုလဝ်အခေါၚ်တုဲ ဝိုၚ်ယှုက်ရ။ ဟိုတ်ဂှ်ရတှေ် ညံၚ်ဂွံစုတ် Video File နဒဒှ် Wallpaper မာန်ဂှ် Install စုတ်ထောံ Dreamscene တုဲမ္ဂး ဍေံကဵုအခေါၚ်စုတ် Video File ရ။ Video File ပၠန်လေဝ် ဒှ်ဂကူ MPEG ကဵု WMV ဟေၚ်​ဍေံကဵုအခေါၚ်ရ။ ဟိုတ်ဂှ်ရ Video ပိုဲ ယဝ်ရဒှ်မံၚ် File type တၞဟ်ဟ်မ္ဂး သုၚ်စောဲ Converter မွဲမွဲတုဲ ပြံၚ်ကေတ်ညိ။ သွက်ဂွံပြံၚ်ဂှ် သုၚ်စောဲ Format Factory မာန်ရ၊ ဗီုဂွံသုၚ်စောဲ Format Factory ဂှ် ချူလဝ် ဒၞာဲဏံ တုဲမံၚ်ရ။ ကာလပိုဲ Install စုတ် Dreamscene တုဲမ္ဂး ပ္ဍဲလ္တူ Video ဂကူ MPEG ကဵု WMV တအ်ဂှ် ပိုဲဍဵု Right Click တုဲ ဍဵု Set as desktop background ဂှ်မ္ဂး စုတ်ကေတ်ဍေံမာန်ရ။

နွံပၟိက်သုၚ်စောဲမ္ဂး Download ကေတ် Dreamscene ဒၞာဲဏံ ညိ။

ဗီုဂွံစုတ် ကဵု ဗီုဂွံသုၚ်စောဲဂှ်လေဝ် လောဲသွာမံၚ်ရ။ ဟွံကၠးစိုတ်မ္ဂး ဗီုကေတ်ပ္ဍဲ ဗွဳဒီယဝ် သၟဝ်ဂှ်ညိ။


Sunday, December 2, 2012

သၞောတ်လလောၚ်တြးခေတ်တၟိ သုၚ်စောဲ QR Code

ပ္ဍဲခေတ်မတဴတက်ဒၟံၚ်ဟွံသ္ကုတ်ခြာဏံ နဲပညာမဆေၚ်စပ်ကဵု IT တအ် ဟိုတ်နူမံက်ကၠုၚ်မံၚ်တၟိမွဲဗီုတုဲမွဲဗီုဂှ်ရ လၟုဟ်စပ်ကဵုလလောၚ်တြးမွဲမွဲသာ်ဂှ်လေဝ် သုၚ်စောဲကၠုၚ် QR Code ဂှ် အခိၚ်တ္ၚဲဏံ ဂွံဆဵုကေတ်ဒၟံၚ်ပေၚ်ဍာန်ပေၚ်ဂၠံၚ်ရ။ ပ္ဍဲလိက်ပရိုၚ်, ဂျာနေဝ်တအ်ကီုလေဝ် လလောၚ်တြးလ္ၚဵုတံဂှ် ထ္ၜးလဝ်ဍန်န်တုဲ မိက်ဂွံတီဗွဲတြးမ္ဂး ဍေံကဵုလဝ် QR Code ဆေၚ်စပ်ကဵုပရိုၚ်ဍေံတံဂှ်တံဂှ်ရ။ QR Code ပေၚ်ၚ်ဗွဲတြးဍေံဂှ် Quick Response Code မဒှ်ရ။ QR Code ဏဝွံ စခၞံဗဒှ်လဝ် ပ္ဍဲဍုၚ်ဂျပါန် နူကဵု Denso မကၠောန်ပ္တိန်မံၚ်ကပေါတ်ကဵု Toyota ပ္ဍဲအရာမစၟဳစၟတ်ကပေါတ်စက်ကာတအ်ဂှ် အခိၚ်ဂွံအိုတ်သာညိဂးတုဲ ပ္ဍဲသက္ကရာဇ်ခရေတ် 1994 ဂှ် ခၞံဗဒှ်စကာကၠုၚ်လဝ်ရ။ QR Code ဝွံ ယဝ်ဒးပ္တောံၜတ်ကဵု UPC barcode တံမ္ဂး ဟိုတ်နူဍေံဂိုၚ်စွံတၚ်နေၚ်မာန်ဂၠိုၚ်တုဲ မၞိဟ်စကာဂၠိုၚ်ကၠုၚ် စဵုကဵုအခိၚ်တ္ၚဲဏံရ။ ပ္ဍဲကဵုစၟတ်တဲလုပ်ရုၚ်ရုပ်ဒမျိုၚ် စၟတ်တဲနာနာတအ်ကီု ပ္ဍဲကဵု ID ကောန်ကမၠောန် ပ္ဍဲရုၚ်ကမၠောန်မွဲမွဲကီု စကာသုၚ်စောဲဒၟံၚ်အိုတ်ရ။ ဟိုတ်ဂှ်ရတှေ် ကာလပိုဲဆဵု ဗီုထၞဟ်လမ္စံက်ပန်ကၠၚ်မွဲမ္ဂး ဣဏံဂှ် ဒှ် QR Code ရောၚ် အခိၚ်တ္ၚဲဏံ မၞိဟ်ဗွဲမဂၠိုၚ်တံ တီတဴအိုတ်ရ။ သွက်ဂွံဗှ်ဍေံမာန်ဂှ်လေဝ် ညံၚ်ရဴစက်ဗှ် Barcode မသုၚ်စောဲမံၚ်ပ္ဍဲဖျာတံဂှ်လေဝ်နွံ၊ တုဲပၠန် Smart phone ဂကူကြပ်ဖအိုတ်တံဂှ်လေဝ် ဗှ်ကေတ် QR code မာန်မံၚ်ဖအိုတ်ရ။

ဗီုဂွံသုၚ်စောဲဍေံဂှ်- အခိၚ်တ္ၚဲဏံမ္ဂး မၞိဟ်သုၚ်စောဲဖုၚ်ခိုဟ်ဟ်ဂၠိုၚ်မံၚ်ရတုဲ QR Code Reader မဆေၚ်စပ်ကဵုဖုၚ်ဇကုဂှ် ဂၠာဲစမ်ရံၚ်ညိ။ ဆဵုမ္ဂး Install စုတ် ပ္ဍဲဖုၚ်ဇကုတုဲ ကာလဆဵု QR Code မွဲမွဲဒၞာဲမ္ဂး ပံက် QR Code Reader App ပ္ဍဲဖုၚ်ဇကုဂှ်တုဲ စၞောန်ပတဝ်လဝ်ကဵု Camera ဖုၚ်ဂှ်မ္ဂး ဍေံဗှ်ကေတ် Code ဂှ်တုဲ ဖုၚ်ဇကုလေဝ် ဟိုတ်နူအေန်တာနာတ် နွံမံၚ်ရတုဲ မဆေၚ်စပ်ကဵုတၚ်နေၚ် ပ္ဍဲ Code တအ်ဂှ် ဍေံထ္ၜးတိုန်ဂှ် ပိုဲဂွံဆဵုကေတ်ရ။

နွံပၟိက် Downlaod မ္ဂး-

သွက်ကောန်ပျူတာ Windows, Mac, Linux
သွက်ဖုၚ် iOS, Android, Blackberry, Symbain

သွက်ညးမိက်ဂွံကၠောန် QR Code တအ်ဂှ်လေဝ် အာပ္ဍဲ Website ဏံ တုဲ ကၠောန်ကေတ်မာန်ရ။

ဗီုပြၚ် QR Code: