keyboard သွက်ဂွံတက်လိက်မန် ပ္ဍဲဖုၚ် Android

သွက်ညးမသုၚ်စောဲမံၚ် Android Device တအ် ဟိုတ်နူကဵု font ကေုာံ Keyboard မန် ဟွံမွဲကၠုၚ်မံၚ်လံလတုဲ ပိုဲဒးသုၚ်စောဲကၠုၚ်မံၚ် keyboard Zawgyi ရ၊ အခိၚ်တ္ၚဲဏံမ္ဂး font ကေုာံ keyboard မန်ပိုဲ နာဲအဲမန် ကၠောန်ပ္တိတ်ကဵုတုဲရ။ သွက်ညးမသုၚ်စောဲမံၚ် UniMon ကီု Mon ကီုညံၚ်ဂွံပြေပြံၚ်ဂှ် ညးကၠောန်လဝ်ကဵုသီုၜါဂကူရ။ ကိစ္စစုတ်ဍေံဂှ် ဖုၚ်လ္ၚဵုတံဂှ် စုတ် font ဂှ်တုဲ ဍေံအာမံက်မံၚ်ပ္ဍဲ Setting > Display ဂှ်မ္ဂး ဖုၚ်တအ်ဏံဂှ် သီုဟွံသ္ဒးသ္ပ Root မွဲသာ်စုတ်ကေတ်မာန်ရ။ ဖုၚ်လ္ၚဵုတံဂှ် ဟိုတ်နူ font ဂှ် ဟွံမံက် ပ္ဍဲ Setting > Display ဂှ်တုဲ သွက်ဂွံလှာဲ font ဂွံဂှ် မသ္ဒးသုၚ်စောဲ Font Changer ဂှ်ရ နွံပၟိက်သ္ဒးသ္ပ Root ရ။ [ Font Changer ဂှ် ဂၠာဲကေတ်ပ္ဍဲ Android Market ညိ]

နွံပၟိက်သုၚ်စောဲမ္ဂး-

သွက်ညးသုၚ်စောဲ UniMon တံဂှ် Download ကေတ် ဒၞာဲဏံ ညိ။

သွက်ညးသုၚ်စောဲ Mon တံဂှ် Download ကေတ် ဒၞာဲဏံ ညိ။

ဗီုဂွံစုတ်ဍေံဂှ်-

1./ စုတ် UniMon Font.apk ဟွံသေၚ်မ္ဂး Mon Font.apk ဂှ်တုဲ အာပ္ဍဲကဵု Setting > Display တုဲ ရုဲကေတ် UniMon ဟွံသေၚ်မ္ဂး Mon ညိ။ (ဟွံသေၚ်မ္ဂး) သုၚ်စောဲ Font Changer တုဲ စုတ်ကေတ် UniMon / Mon font ညိ။ [သ္ဒးသ္ပလဝ် root ရ]
2./ စုတ်ကေတ် UniMon KB.apk / Mon KB.apk ဂှ်ညိ။
3./ အာပ္ဍဲကဵု Setting > Language & Keyboard ဂှ်တုဲ ဒၞာဲ HiMon keyboard ဂှ် ကဵုထောံစၟတ်ညိ။တုဲမ္ဂးအာဒၞာဲတက်လိက်မွဲမွဲဒၞာဲတုဲ ဍဵုလအ်လအ်မ္ဂး သွက်ဂွံလှာဲ keyboard ဍေံမံက်ကၠုၚ်တုဲ ရုဲကေတ် HiMon တုဲ တက်ကေတ်လိက်မန်မာန်ရ။

သုၚ်စောဲ Android Apps ပ္ဍဲစက်ကောန်ပျူတာစိုအ်

ပ္ဍဲအခိၚ်တ္ၚဲဏံ Android Phone လေဝ် စကၠုၚ်အခေတ်ကွေံကွေံတုဲ ပ္ဍဲကဵုမၞိဟ်ရပ်ဖုၚ် ၁၀ တှေ် ၜိုတ်မၞိဟ် ၆ ဂှ် ဒှ်မံၚ်ဖုၚ် Android ဏောၚ်ဟီုစဂွံရ။ ဟိုတ်နူဂှ်တုဲ Apps နာနာ မပ္တံကဵု Game တံလေဝ် မံက်တိတ်ကၠုၚ်မံၚ်ဗွဲမဂၠိုၚ်ဂၠၚ်လောန်ရ။ သွက်ညးမရပ်မံၚ်ဖုၚ် Android တံ အခိၚ်ဇကုရပ်ကောန်ပျူတာလေဝ် လဆောဝ်မ္ဂး မိက်ဂွံသုၚ်စောဲတိုန် programs ညံၚ်ရဴနွံမံၚ်ပ္ဍဲဖုၚ်ဇကုဂှ်ကီု၊ သွက်ညးဖုၚ် Android ဟွံမွဲတံလေဝ် မိက်ဂွံသုၚ်စောဲ Android Apps ကီုမ္ဂး BlueStacks ဏံရီုဗၚ်ကဵုမာန်ရ။ BlueStacks ဏံဝွံ Free လေဝ်ဒှ်တုဲ သုၚ်စောဲမာန် သီုပ္ဍဲ Windows, Mac သီုၜါမာန်ရ။

မိက်ဂွံသုၚ်စောဲမ္ဂး Download ကေတ် ဒၞာဲဏံ ညိ။

အခိၚ် Install ဍေံမ္ဂး ဟိုတ်နူဍေံ install နူ internet တုဲ ဒးမၚ်ဍေံလအ်ညိရ။

ကြက္ကဒိန်မန် သွက် Windows 7 / Vista [Updated]

Mon Calendar Gadget ဝွံ သွက်ဂွံရံၚ်ကြက္ကဒိန်စၟတ်တ္ၚဲဍုၚ်ပိုဲမန်ရ၊ ကြက္ကဒိန်ဝွံ က္လေၚ်ကၠောန်လဝ်ကဵုတၟိ နကဵု .gadget တုဲ ကိစ္စ Install စုတ်ဍေံဂှ်လေဝ် လောဲသွာကၠုၚ်ရ။ အလန်ဏံမ္ဂး ကၠောန်လဝ်ကဵုသွက်ညးမသုၚ်စောဲမံၚ်မလိက် Unicode, UniMon, Mon သီုပိဂကူတုဲ ဒးကဵုစိုတ်ဇကုဂှ် ရုဲစုတ်ကေတ်ညိ။ ကြက္ကဒိန်ဏံဝွံ ဟိုတ်နူဒှ် Offline တုဲ ဟွံဒးကေတ် Internet လေဝ်သုၚ်စောဲမာန်ရ။

နွံပၟိက်ကဵုကြက္ကဒိန်ဏံမ္ဂး-

သွက်ညးသုၚ်စောဲမလိက် Unicode တံဂှ် ကေတ် ဒၞာဲဏံ ညိ။

သွက်ညးသုၚ်စောဲမလိက် UniMon တံဂှ် ကေတ် ဒၞာဲဏံ ညိ။

သွက်ညးသုၚ်စောဲမလိက် Mon တံဂှ် ကေတ် ဒၞာဲဏံ ညိ။