Keyboard တက်လိက်မန် ပ္ဍဲ iPhone သွက် iOS 5.x.x

သွက်ညးမသုၚ်စောဲမံၚ် iDevice တအ် ဟိုတ်နူကဵု font ကေုာံ Keyboard မန် ဟွံမွဲကၠုၚ်မံၚ်လံလတုဲ ပိုဲဒးသုၚ်စောဲကၠုၚ်မံၚ် keyboard zawgyi ရ၊ အခိၚ်တ္ၚဲဏံမ္ဂး font ကေုာံ keyboard မန်ပိုဲ နာဲအဲမန် ကၠောန်ပ္တိတ်ကဵုတုဲရ၊ လောန်ကၠုၚ် ၜိုတ်ပိတ္ၚဲတေံ ညးကၠေၚ်ထပ်ပၠေဝ်ပၠေတ်လဝ်ကဵုတုဲ အခိၚ်လၟုဟ်မ္ဂး ပ္ဍဲ iPad ကီု iPhone ကီု သုၚ်စောဲကေတ်မာန်ဗွဲမပြေပြံၚ်ရ။ သွက်ညးမသုၚ်စောဲမံၚ် UniMon ကီု Mon ကီု သီုၜါဗီုဂှ် ညးကၠောန်ပ္တိတ်လဝ်ကဵုတုဲ ဒးကဵုပၟိက်ဇကုဂှ် ရုဲစှ် install ကေတ်ရ။ ကာလစုတ် keyboard မ္ဂး font ဍေံလေဝ်လုပ်အာအလဵုလဵုဒတုဲရ။ ဂွံစုတ် Keyboard သွက်တက်လိက်မန်ဏံမာန်ဂှ် Phone ပိုဲဒးသ္ပလဝ် Jailbreak တုဲတုဲ ဒးဒှ်ရ။

ဗီုဂွံစုတ်ဍေံဂှ်-

1./ ပ္ဍဲ Phone ပိုဲစုတ်လဝ် Zawgyi နွံမံၚ်မ္ဂး ပ္တိတ်ထောံကၠာညိ။ တုဲမ္ဂး အာကဵု Cydia တုဲ အာကဵု Manage တုဲ ဍဵု Edit ဂှ်ညိ။

2./ ဍဵု Add ဂှ်တုဲ တက်စုတ် http://cydia.myrepospace.com/himon/ တုဲ ဍဵု Add Source ဂှ်ညိ။

3./ တုဲမ္ဂး ရုဲကေတ် UniMoniPHONEKB-iOS5.x.x[Fixed] ဗွဲမဗဗွဲကဵုဇကုသုၚ်စောဲတုဲ Install ကေတ်ညိ။

4./ စုတ်တုဲမ္ဂး ဒးသ္ပ Respring ရ။ [သ္ပ respring ဟွံလေပ်မ္ဂး install ကေတ် "ReSpring Fast" နွံမံၚ် ပ္ဍဲ Himon Repo ဂှ်တုဲ သ္ပညိ။]

5./ ကာလ Phone ပိုဲက္လေၚ်တိုန်ကၠုၚ်တုဲ အာပ္ဍဲကဵု Settings > General > Keyboard > International > Add New Keyboard တုဲ ရုဲကေတ် 5 Row ဂှ်ညိ။ အာဒၞာဲတက်လိက်တုဲ တက်ကေတ်ဗွဲမပြေပြံၚ်မာန်ရ။

Siri သွက်ညးသုၚ်စောဲ iPhone4 iOS 5.1.1 တအ်

ညးမသုၚ်စောဲမံၚ် iPhone4 တံ ညံၚ်ရဴ iPhone4s ကီု တၞဟ်နဂွံသုၚ်စောဲ Siri မာန်ဂှ် ညးမဒှ် Hacker တံကၠောန်ပ္တိတ်လဝ်ကဵုတုဲရ။ Siri ဂှ် ဟိုတ်နူကဵုအမိၚ်စကာနကဵုရမျာၚ်မာန်တုဲ ဒၞာဲဒးတက်လိက်တံအိုဿီုဂှ်လေဝ် ပ္ဍဲ keyboard ဂှ် ကောန်ရုပ် mic မံက်မံၚ်တုဲ ဍဵုရုပ် mic ဂှ်တုဲ စၞးဒးတက်ဂှ် ဟီုဗှ်ကေတ်နကဵုရမျာၚ်မာန်ရ။ တိတ်အာကြေဝ်ဝေၚ်မ္ၚးတှေ်လေဝ် ဒးကေတ်ဏာက္ဍိုၚ်ဟာ ဟွံဒးကေတ်ဟာဂှ် သၟာန်ကေတ် Siri မာန်တုဲ တၞဟ်ဟ်တအ်လေဝ်သၟာန်ကေတ်မာန်ဗွဲမစုတ်လေၚ်ဏီရ။ ဂွံစုတ် Siri ပ္ဍဲ iPhone4 ပိုဲမာန်ဂှ် Phone ပိုဲဒးသ္ပလဝ် Jailbreak ရ။

ဗီုဂွံစုတ်ဂှ်-

1./ အာပ္ဍဲကဵု Cydia တုဲ ဍဵု Manage ဂှ်တုဲ ဍဵု Sources ဂှ်တုဲမ္ဂး ဍဵု Edit ဂှ်ညိ။



2./ ဍဵု Add ဂှ်တုဲ တက်စုတ် http://ihacksrepo.com/ တုဲ ဍဵု Add Source ဂှ်ညိ။



3./ ဍေံစုတ်တုဲမ္ဂး အာပ္ဍဲကဵု Search ဂှ်တုဲ တက်စုတ် [Ac!D]Siri ဂှ်တုဲ Install ကေတ်ညိ။ ဗၞတ်ၜိုတ် 100MB ဒှ်တုဲ စွံစိုတ်ဂၠိၚ်ၚ်တုဲ ဃောဍေံသ္ပမံၚ် Install ဂှ် မၚ်ကဵုမွဲလစုတ်ညိ။ တုဲမ္ဂး Reboot ကဵု phone ဂှ်မွဲလ္တန်ညိ။



4./ Phone ပိုဲကၠေၚ်တိုန်ကၠုၚ်တၟိတုဲ အာပ္ဍဲကဵု Settings တုဲ စှေ်အာကဵု [Ac!d]Siri ဂှ်တုဲ စုတ်ကဵုဍေံ Proxy Host မွဲမွဲညိ။ ပ္ဍဲဒၞာဲဏံ wordjelly proxy ဂှ် ပြေပြံၚ်အိုတ်ထေၚ်တုဲ စုတ်လဝ်ဍေံရ။ သွက်ဂွံစုတ်ဂှ် တက်ဗပေၚ်စုတ်  https://siri.wordjelly.com:4443 ပ္ဍဲဒၞာဲ Proxy Host ဂှ်ညိ။





5./ သွက်ဂွံစုတ် Certificate ဍေံဂှ် တက်စုတ် https://wordjelly.com/cacert.pem ပ္ဍဲ Safari iPhone ပိုဲဂှ်တုဲ Install ကေတ်ညိ။



6./ တုဲမ္ဂး အာပ္ဍဲကဵု Settings > General > Siri တုဲ On ပံက်ထောံဍေံညိ။





တုဲဒှ်အိုတ်ရ....ဍဵုစမ်ရံၚ် Home button လအ်လအ်တုဲ ဟီုစမ်ရံၚ်ညိ။ ပြေပြံၚ်ရောၚ်ထေၚ်ကေတ်ရ။
 
အတိုၚ်ထ္ၜးလဝ်ဏံဝွံ သွက်ညးသုၚ်စောဲ iOS 5.1.1 ဟေၚ်ရ၊ ညးမသုၚ်စောဲမံၚ် iOS တၞဟ်တၞဟ်တအ်ဂှ် ဂၠာဲကေတ်ပ္ဍဲ Google ညိ။

iFunbox သွက်ညးသုၚ်စောဲ iDevice [iPhone, iPad, iPod]

iFunbox software ဏံဝွံ သွက်ညးသုၚ်စောဲမံၚ် iDevice [iPhone, iPad, iPod] တံ ပ္ဍဲအရာစၠောံဏာနၚ် Data အကြာစက်ကောန်ပျူတာကဵု iDevice ဂှ် ဒှ်အထံက်အပၚ်ဇၞော်ကဵုဇြဟတ်ရ။ software ရေၚ်တၠုၚ်ကေၚ်ကာဗီုဏံ နွံမံၚ်ဗွဲမဂၠိုၚ်ကီုလေဝ် iFunbox ဏံမွဲ free လေဝ်ဒှ်တုဲ သွက် Windows ကီု သွက် Mac ကီု သုၚ်စောဲမာန်ရ။ Transmission speed ဍေံလေဝ်ြပဟ်ြမက်တုဲ သွက်ဂွံဂၠာဲ file မွဲမွဲဂှ် Search ဍေံလေဝ်ပါမံၚ်တုဲ သာတုဲခိုဟ်နူ software တၞဟ်ညိ မိက်ဂွံဟီုရ။ သုၚ်စောဲ software ဏံတုဲ ပ္ဍဲအရာသ္ပ install စ .deb ပ္ဍဲ cydia လေဝ် သ္ပကေတ်မာန်ဗွဲမလောဲသွာရ။ software ဏံဝွံ .ipa လေဝ် သ္ပကေတ် install မာန်တိုက်ရိုက်တုဲ user app ပိုဲမ install စုတ်လဝ်တုဲတုဲတံဂှ်လေဝ် backup ကေတ်မာန်ဏီရ။ Music ကေုာံ Video မနွံမံၚ်ပ္ဍဲ iDevice တံဂှ်လေဝ် backup ကေတ်မာန်တုဲ iDevice ပိုဲမသုၚ်စောဲမံၚ်ဂှ် သ္ပထောံနဒဒှ် portable drive မွဲမတုဲ ကေတ်စၠောံဏာနၚ်စ Data မာန်ဏီရ။

သွက်ဂွံ Download ကေတ် iFunbox ဂှ် အာ ဒၞာဲဏံ ညိ။