Pages

Subscribe:

Labels

Sunday, December 18, 2011

သွက်ဂွံသ္ပ Uninstall ကဵု AntiVirus မွဲမွဲ

စက်ကောန်ပျူတာညးညးအဲအဲဂှ် ဟိုတ်နူဂွံဒှ်ဂီုကၠီု သွက်စဵုဒၞာဲ Virus တံတုဲ သုၚ်စောဲတဴမံၚ် AntiVirus နာနာသာ် ဗွဲမဗဗွဲကဵုပၟိက်ညးကဵုညးအိုတ်ရ။ စက်ပိုဲစုတ်လဝ် AntiVirus မွဲမွဲဂကူတုဲ လက္ကရဴ ဟိုတ်နူကဵုဆဵုကၠုၚ် AntiVirus တၞဟ်ဟ်တံခိုဟ်တုဲ မိက်ဂွံသုၚ်စောဲစမ်ရံၚ်ရ။ ကာလဂှ် ဟိုတ်နူကဵုစက်ပိုဲ AntiVirus နွံမံၚ်တုဲတုဲရဒှ်တုဲ ထပ်စုတ် AntiVirus တၞဟ်မွဲပၠန်မ္ဂး AntiVirus လ္ၚဵုတံဂှ် ဍေံဟွံဒုၚ်တဲရ။ ဂွံပ္တိတ် သ္ပ Uninstall ကဵု AntiVirus တြေံဂှ်လေဝ် ဟွံလောဲ၊ ကာလဂှ်တှေ် ဆဵုကၠုၚ်ကဵုတၚ်အခက်အခုဲရ။ ဒှ်ကၠုၚ်သာ်ဏံမ္ဂး သုၚ်စောဲ AV Uninstaller Tool မ္ဂးတှေ် ပြေပြံၚ်အာမာန်ရ။ ပ္ဍဲကဵု AV Uninstaller Tool ဏံဝွံ သွက်ဂွံသ္ပ Uninstall ကဵု AntiVirus မပ္တံကဵု Kaspersky, Notorn, AVG, Avria, Avast, BitDefender, ESET Smart ယၟုတၞဟ်တၞဟ်တံလေဝ်ပါမံၚ်ဗွဲမဂၠိုၚ်စဵုကဵု ၃၈ ဂကူတုဲ ညးမသုၚ်စောဲမံၚ်ကောန်ပျူတာတံ ထေက်ကဵုဒးဂိုၚ်စွံလဝ်ကီုရောၚ်။

သွက်ဂွံ download ဍေံဂှ် ဍဵု ဒၞာဲဏံ ညိ။

ဗီုဂွံသုၚ်စောဲဍေံဂှ်-

01./ ဗွဲကိုပ်ကၠာ ပံက် Autorun ဂှ်ညိ၊ တုဲမ္ဂး ဟိုတ်နူဍေံထ္ၜးမံၚ်နကဵုဘာသာ Russian တုဲ သွက်ဂွံဗှ်မာန်ဂှ် ပ္ဍဲသ္ကဲဂှ်လှာဲထောံ ဘာသာ English ညိ။

02./ ရုဲကေတ်ယၟု AntiVirus ဇကုမိက်ဂွံသ္ပ Uninstall ဂှ်တုဲ ဍဵုညိ။ ဆဵုကေတ် open မ္ဂး ဆက်ဍဵုအာပၠန်တုဲ ဂွံဆဵုကေတ် file သွက်ဂွံသုၚ်စောဲဍေံဂှ်ရ။

03./ ဗီုဂွံသုၚ်စောဲကၠောန်အာဍေံဂှ်လေဝ် Instructions ဍေံကဵုဍေံပါမံၚ်ပ္ဍဲဂှ်ဖအိုတ်ရ၊ ဗှ်တုဲ ဆက်ကၠောန်ကေတ်အာညိ။


Thursday, December 15, 2011

Cursor ဇၞော်အာမ္ဂး နဲဂွံက္လေၚ်စွံဍေံဍောတ်တ်ပၠန်

ညးမသုၚ်စောဲကောန်ပျူတာမွဲတၠ ပ္ဍဲစက်ညးဟိုတ်နူ Cursor ဒၞာဲတက်လိက်တံဂှ် ဇၞော်အာတုဲ နဲလဵုဂွံက္လေၚ်ထဍောတ်ဍေံရော သၟာန်ကၠုၚ်လဝ်နွံတုဲ မ္ဒးချူဏာကဵု post ဏံရ။ [တၞုၚ်လေံ မချဳမံၚ် "ပၠိုတ်ဒှ်,ပၠိုတ်ဒှ်" ကာလပိုဲတက်လိက်ဂှ် ကော်ခဴစ Cursor ရ။] စက်ကောန်ပျူတာဂှ် ဟိုတ်နူဍေံကၠောန်ရန်လဝ် သွက်ညးအၚ်္ဂအဝဲဟွံဍိုက်ပေၚ် အၚ်္ဂအဝဲဆောတ်ယောၚ်တံကီုတုဲ ပ္ဍဲအလုံမွဲစက်ကောန်ပျူတာမွဲမဂှ် မလိက်, Cursor, Mouse Pointer တံ သွက်ညးညာတ်ဟွံကၠးတံ ဂွံဇၞော်ပ္တိုန်မာန်လေဝ် ဍေံကၠောန်လဝ်ကဵုကီုရ။ သွက်ဂွံဇၞော်ပ္တိုန်ကီု သွက်ဂွံထဍောတ်ဖျေံကီုဂှ် ဒးလုပ်ချိၚ်ပၠေဝ်ပၠေတ်ဍေံ ပ္ဍဲအပ္ဍဲ Ease of Access Center ပ္ဍဲ Control Panel တေံရ။

သွက်ဂွံက္လေၚ်ထဍောတ်ဍေံဂှ်-

1./ အာပ္ဍဲကဵု Control Panel တေံတုဲ ဍဵုကဵု Ease of Access Center ဂှ်ညိ။



2./ ဍဵုကဵု Make the computer easier to see [Optimize Visual Display] ဂှ်ညိ။



3./ စှေ်အာသၟဝ်တေံစဵုကဵုဆဵု Make things on the screen easier to see ဂှ်ညိ၊ ကာလဂှ်မ္ဂး ပ္ဍဲဒၞာဲ Set the thickness of the blinking cursor: ဂှ်ဂွံဆဵုကေတ် ဒၞာဲရုဲလၟိဟ်သတီုဍေံဂှ် ဂွံဆဵုကေတ်တုဲ ရုဲကေတ်ဂၞန် “1” ညိ၊ တုဲဒှ်ရမ္ဂး ဍဵုကဵု Apply ဂှ်တုဲ ဍဵုကဵု Ok ဂှ်ညိ။ ပြေပြံၚ်အာမာန်ရောၚ်စၟဳကေတ်ရ။


Sunday, December 11, 2011

အဘိဓါန် အၚ်္ဂလိက်-မန် ကလေၚ်ကၠုၚ်ပၠန်ယျ

အဘိဓါန် အၚ်္ဂလိက်-မန် သွက် Online ပ္တိုန်လဝ်တုဲတုဲတေံ ပ္ဍဲ Byethost [Free Hosting] နကဵု Domain မ္ဂး "www.engmon.bytehost31.com" ဂှ် ဟိုတ်နူဒှ်အာ Suspend တုဲ လအ်ဂွံဗၞတ်တ္ၚဲညိညဂှ် ဍေံအာတ်ကၠုၚ်ကဵုသ္ပ Upgrade ရ။ ဟိုတ်ဂှ်ရ အဘိဓါန်ဂှ် လၟုဟ်ဏံပြံၚ်စွံပ္တိုန်လဝ်ကဵု ပ္ဍဲ 000webhost [Free Hosting] နကဵု Domain မ္ဂး "http://www.engmon.comyr.com/" တၟိမွဲပၠန်ရ။ Website တြေံတေံဂှ် ဟိုတ်နူဇြိုၚ်လဇုဲလောန်တုဲ အလန်ဏံ ဗီုပြၚ် website လေဝ်ြပံၚ်လှာဲထောံလဝ်ရ။ အဘိဓါန်ဏံဂှ် ကာလဂၠာဲမလိက်မ္ဂး တက်စုတ်မလိက်တုဲ ဟွံဒးခဍံက် Enter ပုဟ်၊ သွက်ဍေံဂွံထ္ၜးကဵုအဓိပ္ပဲါမာန်ဂှ် တက်စုတ်မလိက်တုဲမ္ဂး ဒးမၚ်ကဵုဗၞတ်လလံညိညရ၊ Alphabet ကၠာအိုတ်မွဲမဟေၚ် ဒးမၚ်လအ်ညိတုဲ alphabet ဂှ်ပၠန်ယဝ်ခါရဆက်ဂၠာဲအာမ္ဂး ဍေံထ္ၜးကဵုဗွဲမပြဟ်ပြေဟ်မာန်ရ၊ ဇၟာပ်ပ်လှာဲ alphabet တၟိမွဲမ္ဂး ဒးမၚ်လအ်ညိရ။

[အဘိဓါန် မန်-အၚ်္ဂလိက် သွက် offline နကဵု Stardict ဂှ် နာဲဉာဏ်ရတ် သီုညးတက်မံၚ် သီုညးကၠောန်မံၚ်ဖိုဟ်ရ ခြာဟွံလအ်မ္ဂး တုဲဒှ်ရောၚ် ညးဟီုရ။ ကာလညးကၠောန်တုဲမ္ဂး ကေတ် Database ပ္ဍဲညးတေံတုဲ အဘိဓါန် မန် <=> အၚ်္ဂလိက် သွက် Online လေဝ် ဆက်ပ္တိုန်အာကဵုမာန်ပၠန်ရောၚ် စၟဳလဝ်ရ။]

ကျောဝ်ဗဵုစမ်ရံၚ် အဘိဓါန် အၚ်္ဂလိက်-မန် ဂှ် ဒၞာဲဏံ ညိ။


Monday, December 5, 2011

CD Drive ကၠေံအာမ္ဂး နဲဂွံက္လေၚ်ထမံက်ပတိုန်

နူကနေံတေံဟိုတ်နူစက်ရဲမွဲတၠ CD Drive ကၠေံအာပ္ဍဲ My Computer တုဲ သ္ပအာသ္ပကၠုၚ်မံၚ်နဲဗွဲမဂၠိုၚ်ကီုလေဝ် ဍေံဟွံဂွံတုဲ စှေ် googling ဂှ်ရ အိုတ်ကၞောတ်ဂၠာဲဂွံနဲခိုဟ်မွဲတုဲ က္လေၚ်ထမံက်ပတိုန် CD Drive ဂှ်ဂွံအာရ။ ညးမသုၚ်စောဲမံၚ်ကောန်ပျူတာတံလေဝ် စက်ဇကုယဝ်ခါရ CD Drvie ကၠေံအာတုဲ သ္ပ Update Driver ကီု, က္လေၚ်ပ္တိတ်ထောံ Driver တုဲ က္လေၚ်စုတ်တၟိကီုလေဝ် ယဝ်ခါရဟွံဂွံမ္ဂး ကၠောန်သ္ပစမ်ရံၚ်နဲဏံကီုညိ။ ကိုပ်ကၠာနူဟဂွံကၠောန်သ္ပနဲဏံဏီ ပိုဲသ္ဒးတီလဝ်ဂှ် CD Rom စက်ပိုဲခိုဟ်မံၚ်ရဟာဂှ် ဒးစၟတ်ရံၚ်ကၠာ၊ ပ္ဍဲ BIOS တေံ ယဝ်ရဍေံညာတ်မံၚ်ရမ္ဂး CD Rom ပိုဲဂှ်ခိုဟ်မံၚ်ရ ဍေံယောၚ်မံၚ်ပ္ဍဲ Windows ရဏောၚ်ဂှ် ချိုတ်ပၠိုတ်အာရ၊ ကာလဂှ်မ္ဂး ကၠောန်သ္ပစမ်ရံၚ်နဲဏံညိ ခိုဟ်အာမာန်ဏောၚ်စၟဳလဝ်ကီုရ။

နဲဂွံကၠောန်သ္ပသွက် [Windows 7 or Windows Vista] ဂှ်-

1./ အာကဵု Start > All Programs > Accessories >Run ဂှ်တုဲ တက်စုတ် regedit တုဲ ဍဵု Ok ညိ။
2./ အခါဂှ် Registry မံက်တိုန်ကၠုၚ်တုဲ အာကဵု HKEY_LOCAL_MACHINE\SYSTEM\CurrentControlSet\Control\Class\{4D36E965-E325-11CE-BFC1-08002BE10318} ဂှ်ညိ။
3./ ကာလဂှ် ပ္ဍဲကဵုလ္ပာ်တဲပုၚ်တေံ ဍဵု UpperFilters ဂှ်ညိ။
[သတိ! ကာလဆဵု UpperFilters.bak ဂှ်မ္ဂး လ္ပဍဵုဍေံညိ ဟွံဆေၚ်ကဵုဍေံပုဟ်။ UpperFilters သၟးဂှ်ဟေၚ် ပိုဲဒးဍဵုရ။ ယဝ်ရဟွံဆဵု UpperFilters မ္ဂး ဆဵု LowerFilters တှေ်လေဝ် ဍဵု LowerFilters ဂှ်ညိ။ UpperFilters ဟွံမွဲမ္ဂး LowerFilters ဒးနွံမွဲမွဲရောၚ်။]
4./ UpperFilters ကဵုဒှ် LowerFilters ကဵုဒှ်ဍဵုတုဲ အာပ္ဍဲကဵု Edit လ္တူတေံတုဲ ဍဵု Delete ဂှ်ညိ။
5./ ကာလဍေံသၟာန်ကၠုၚ်ကဵုသ္ပ confirm ဂှ်မ္ဂး ဍဵုကဵု Yes ဂှ်ညိ။
6./ တိတ်ထောံနူ Registry တုဲ Restart ထောံကောန်ပျူတာဂှ်မွဲဝါညိ၊ ခိုဟ်အာမာန်ရောၚ်။

နဲဂွံကၠောန်သ္ပသွက် [Windows XP] ဂှ်-

1./ အာကဵု Start >Run ဂှ်တုဲ တက်စုတ် regedit တုဲ ဍဵု Ok ညိ။
2./ အခါဂှ် Registry မံက်တိုန်ကၠုၚ်တုဲ အာကဵု HKEY_LOCAL_MACHINE\SYSTEM\CurrentControlSet\Control\Class\{4D36E965-E325-11CE-BFC1-08002BE10318} ဂှ်ညိ။
3./ ကာလဂှ် ပ္ဍဲကဵုလ္ပာ်တဲပုၚ်တေံ ဍဵု UpperFilters ဂှ်ညိ။
[သတိ! ကာလဆဵု UpperFilters.bak ဂှ်မ္ဂး လ္ပဍဵုဍေံညိ ဟွံဆေၚ်ကဵုဍေံပုဟ်။ UpperFilters သၟးဂှ်ဟေၚ် ပိုဲဒးဍဵုရ။ ယဝ်ရဟွံဆဵု UpperFilters မ္ဂး ဆဵု LowerFilters တှေ်လေဝ် ဍဵု LowerFilters ဂှ်ညိ။ UpperFilters ဟွံမွဲမ္ဂး LowerFilters ဒးနွံမွဲမွဲရောၚ်။]
4./ UpperFilters ကဵုဒှ် LowerFilters ကဵုဒှ်ဍဵုတုဲ အာပ္ဍဲကဵု Edit လ္တူတေံတုဲ ဍဵု Delete ဂှ်ညိ။
5./ ကာလဍေံသၟာန်ကၠုၚ်ကဵုသ္ပ confirm ဂှ်မ္ဂး ဍဵုကဵု Yes ဂှ်ညိ။
6./ တိတ်ထောံနူ Registry တုဲ Restart ထောံကောန်ပျူတာဂှ်မွဲဝါညိ၊ ခိုဟ်အာမာန်ရောၚ်။