Pages

Subscribe:

Labels

Monday, October 31, 2011

နဲဂွံစဵုဒၞာဲကၟာတ်လဒဵုပၞော် USB နကဵု Password

ပိုဲညးမသုၚ်စောဲကောန်ပျူတာတံဗွဲမဂၠိုၚ် ဂၠိုက်ဂၠာဲကၠောန်ပ္ကောံစွံလဝ် Data နာနာတံပ္ဍဲစက်ပိုဲတုဲ သီုဟွံအာတ်အခေါၚ်ပိုဲမွဲသာ် ညးတၞဟ်တံ copy ကေတ်ဏာဂှ် ဟွံသ္ဍိုက်မၠိုက်ကဵုစိုတ်ကွေံကွေံရ။ ဟိုတ်ဂှ်ရ ညံၚ်ဂွံစဵုဒၞာဲနူပွတံဂှ်မာန်ဂှ် USB Block ဏံ ကဵုကၠုၚ်ပိုဲအရီုအဗၚ်ရ။ USB Block ဏံဝွံ ဒှ် software သွက်ဂွံစဵုဒၞာဲကၟာတ်လဒဵု Floopy, CD, USB, Network, Non-system Drive နကဵု Password တုဲ ကုညးဟွံမွဲပၟိက်ကဵုညးတၞဟ်တံ သီုဟွံအာတ်လဝ်အခေါၚ်ဇကုမွဲသာ် copy ဏာနၚ် Data နူစက်ကောန်ပျူတာဇကုတံဂှ် ဒှ်အထံက်အပၚ်ဗွဲမလောန်ရ။ Software ဝွံ Size ဍေံလေဝ်ဍောတ်တုဲ သုၚ်စောဲလေဝ်လောဲ သုၚ်စောဲလေဝ်ခိုဟ်တဴကွေံကွေံရ။

နွံပၟိက်သုၚ်စောဲမ္ဂး download ကေတ် ဒၞာဲဏံ ညိ။

ဗီုဂွံသ္ပ Install ဍေံဂှ်-

1./ နူမ download ဂွံနၚ်လဝ် usb-block-sw.exe ဂှ် ဍဵုၜါလ္တန်တုဲ သ္ပထောံ install ညိ။
2./ ကာလသ္ပ install တုဲမ္ဂး သွက်ဂွံသုၚ်စောဲမာန်ဂှ် ဒးသ္ပ register ဍေံရောၚ်။ သွက်ဂွံသ္ပ register ဂှ် နူမ download ဂွံနၚ်လဝ် lic.exe ဂှ် copy ကေတ်တုဲ အာစွံပ္ဍဲဒၞာဲ program ဂှ်နွံမံၚ် [ ဥပမာ- C:\Program Files\USB Block\ ] ဂှ်ညိ။ တုဲမ္ဂး သွက်ဂွံသ္ပ register ဂှ် ဍဵု lic.exe ဂှ်ၜါလ္တန်ညိ။



3./ ကာလဂှ်မ္ဂး ဟိုတ်နူဒှ်အာ rigesterd တုဲ ဂွံဆဵုကေတ် အတိုၚ်သၟဝ်ဝွံတုဲ သုၚ်စောဲမာန်ရ။



ဗီုဂွံသုၚ်စောဲကၠောန်သ္ပ-

1./ ဟိုတ်နူပိုဲစပံက် Program ဒှ်အလန်ကၠာအိုတ်တုဲ ဍေံကဵုစုတ် Password သွက်ဂွံစကာပ္ဍဲ program ဏံတုဲ ဒၞာဲ "Set Password" တက်စုတ် password ဗီုနွံပၟိက်တုဲ ဒၞာဲ "Confirm Password" ဂှ်လေဝ် တက်စုတ်ကဵုအတိုၚ် Set Password ဂှ်ပၠန်တုဲ ဍဵုကဵု Ok ဂှ်ညိ။



2./ ဂွံဆဵုကေတ်အတိုၚ်သၟဝ်ဏံတုဲ ကပေါတ်ဇကုမိက်ဂွံကၟာတ်လဒဵုတံဂှ် ကဵုထောံစၟတ်ညိ။ [ဒၞာဲဏံ ဟိုတ်နူအဲမိက်ဂွံမာတ် ပၞော် USB သၟးတုဲ ကဵုလဝ်စၟတ် ဒၞာဲ "Block USB Devices" ဂှ်မွဲဓဝ်ရောၚ်။] တုဲဒှ်မ္ဂး Restart ကဵုစက်မွဲဝါတုဲ Program ဝွံ အတိုၚ်ပိုဲစၞောန်လဝ်ဂှ် ဍေံစကၠောန်ကမၠောန်ရ။



3./ ဟိုတ်နူကၟာတ်လဒဵုလဝ်အခေါၚ်ပၞော် USB တုဲ ကာလပိုဲထပက် Stick တုဲ ပံက်မ္ဂး ဟိုတ်နူပံက်ဟွံဂွံတုဲ ဂွံဆဵုကေတ်အတိုၚ်သၟဝ်ဝွံရ။



4./ ဟိုတ်ဂှ်ရ ကာလထပက်စုတ် Stick မွဲမွဲတုဲ ညံၚ်ဂွံပံက်ဂွံသုၚ်စောဲမာန်ဂှ် ပ္ဍဲဒၞာဲ Warning သၟဝ်ဏံ တက်စုတ် Password ဇကုတုဲ ဍဵုကဵု Authorize ဂှ်မ္ဂး Stick ဂှ် သုၚ်စောဲမာန်ရ။ [ယဝ်ရခါ Stick ဇကုရမ္ဂး ကဵုထောံစၟတ်ပ္ဍဲဒၞာဲ "Remember (Add to Authorize List) ဂှ်မ္ဂး ဟိုတ်နူစက်သမ္တီလဝ်ကဵုတုဲ လက္ကရဴ ဟွံဒးသ္ပ Authorize ဇၟာပ်ဇၟာပ်ပိုဲမထပက် Stick ဂှ်ရ။]



5./ လက္ကရဴ ဟိုတ်နူမိက်ဂွံချိၚ်ပၠေဝ်အမိၚ်မွဲမွဲတုဲ ကာလပိုဲပံက် Program ဂှ်မ္ဂး ဟိုတ်နူပရေၚ်ဂီုကၠီုတုဲ ဇၟာပ်ဇၟာပ်ပိုဲမပံက်ဂှ် ဍေံအာတ်ကၠုၚ်ဒၟံၚ် password အတိုၚ်သၟဝ်ဝွံရ။


Friday, October 28, 2011

ပ္ဍဲ Browser မွဲဓဝ် မိက်ဂွံပံက် Gmail Account ၜါပိမ္ဂး

ဗွဲဓမ္မတာမ္ဂး ပ္ဍဲ Browser [IE,Firefox,Chrome etc...]မွဲဓဝ် ပံက် Gmail ၜါပိဟွံဂွံရ၊ ဟိုတ်ဂှ်ရ သွက်ညးသုၚ်စောဲမံၚ် Gmail Account ၜါပိတံ သွက်ဂွံ Check ရံၚ် Email ဇကုမွဲအခိၚ်ဓဝ်ဂှ် ဒးပံက် Browser ၜါပိကီုရ၊ ဗွဲကြဴဏံ ညံၚ်ဟွံဂွံဒးသ္ပဗီုဂှ်ဂှ် Google ရေၚ်တၠုၚ်ပံက်ကၠုၚ်ကဵု အစဳအဇန် "Multiple sign-in" ရ။ ပၞောဝ်ကဵု Account ဇကုနွံမံၚ်ၜါပိတံဂှ် ပ္ဍဲကဵု Account ဇကုမွဲမွဲ ယဝ်ရပံက်[On]လဝ် အစဳအဇန်ဏံတုဲမ္ဂး လုပ် Account ဟလိုၚ်မာန်ရ။ [သ္ဒးပံက်ဗက်ဇၟာပ် Account ဂှ် ဟွံမွဲပၟိက်]။ ကာလဇကုလုပ် Account တၞဟ်တံမ္ဂး ဍေံပံက်ကေတ်အလဵုလဵုဍေံရ။ ဟိုတ်ဂှ်ရ ကာလပိုဲကၟာတ်အစဳအဇန်ဏံမ္ဂးတှေ်လေဝ် ဒးကၟာတ်ဗက်ဇၟာပ်ဇၟာပ် Account ပိုဲမကေၚ်ပံက်လဝ်တံဂှ်ရောၚ်။

သွက်ဂွံပံက် [On] ထောံ အစဳအဇန်ဏံဂှ်-

1./ အာပ္ဍဲကဵု https://accounts.google.com/ManageAccount ဏံတုဲ လုပ်ထောံ Account ဇကုမိက်ဂွံကၠောန်ဂှ်ညိ။



2./ ပ္ဍဲဒၞာဲ Multiple sign-in ဒှ်မံၚ် "Off" ဂှ် ဂွံဆဵုကေတ်တုဲ သွက်ဂွံ "On" ဍေံဂှ် ဍဵု Edit ဂှ်ညိ။



3./ ဆဵုကေတ်အတိုၚ်သၟဝ်ဏံမ္ဂး ဍဵုကဵုဒၞာဲ "On- Use multiple..." ဂှ်တုဲ ကဵုစၟတ်သၟဝ်ဂှ် ပိဒၞာဲတုဲ ဍဵုကဵု Save ဂှ်ညိ။



4./ ဂွံဆဵုကေတ်အတိုၚ်သၟဝ်ဏံတုဲ ဍဵုကဵု "Back" ဂှ်မွဲလ္တန်ညိ။



5./ ဟိုတ်နူပိုဲပံက်လဝ် "On" တုဲဂှ်ရ ဂွံဆဵုကေတ်ဒၞာဲ Multiple sign-in ဒှ်အာ On အတိုၚ်သၟဝ်ဝွံရ။



6./ လုပ်လဝ် Account ဇကုပံက်လဝ်အစဳအဇန်ဂှ်တုဲ သွက်ဂွံလုပ် Account ဇကုတၞဟ်မွဲပၠန်ဂှ် ဍဵုလ္တူတေံတုဲ ဍဵုကဵု Switch account ဂှ်ညိ။



7./ သွက်ဂွံလုပ် Account တၞဟ်မွဲပၠန်ဂှ် ဍဵုကဵု Sign in to another account... ဂှ်ညိ။



8./ ဂွံဆဵုကေတ်အတိုၚ်သၟဝ်ဝွံတုဲ Account ဇကုမိက်ဂွံလုပ်ဂှ် ဗပေၚ်စုတ်တုဲ လုပ်မာန်ရ။



9./ ကာလလုပ်လဝ် Account ၜါပိဂှ် ဍဵုကဵု Switch account လ္တူတေံဂှ်မ္ဂး ဂွံဆဵုကေတ်ယၟု Account ဇကုလုပ်လဝ်တံဂှ် အတိုၚ်သၟဝ်ဝွံတုဲ ဇကုသုၚ်စောဲမံၚ် Account လဵု ဂွံချိုတ်ပၠိုတ်ဂှ် ရံၚ်ကေတ်ယၟု Account တံဂှ်ညိ။




Thursday, October 27, 2011

ပလံၚ်ဗ္စိုပ် SMS နကဵုဘာသာဗၟာ ပ္ဍဲ Java Mobile

ပ္ဍဲကဵု Java Mobile တံ ဟိုတ်နူဂွံစုတ်မလိက်ဗၟာ ဝါတ်ဂါတ်မံၚ်တုဲ သွက်ဂွံပလံၚ်ဗ္စိုပ် SMS နကဵုဘာသာဗၟာမာန်ဂှ် MySm app ဏံဝွံ ဒှ်အထံက်အပၚ်ကုညးမသုၚ်စောဲမံၚ် Java Phone တံရ။ Symbian phones တံလေဝ် ဟိုတ်နူဒုၚ်မံၚ်တဲကဵု Java ကီုတုဲ သုၚ်စောဲ MySm ဏံမာန်ကီုရ။ သွက်ဂွံပလံၚ်ကဵုကေတ် SMS နကဵု MySm ဏံမာန်ဂှ် ပ္ဍဲ Phone ရဲဇကုကီု ပ္ဍဲ Phone ဇကုကီု သီုညးၜါလ္ပာ် ဒးစုတ်လဝ် MySm ဏံမှ ဂွံသုၚ်စောဲဗှ်ကေတ်လိက်တံဂှ်မာန်ရောၚ်။

နွံပၟိက်သုၚ်စောဲ MySm ဏံမ္ဂး Download ကေတ် ဒၞာဲဏံ ညိ။

Download ကေတ်တုဲ copy စုတ်ပ္ဍဲ phone ဇကုမွဲမွဲဒၞာဲတုဲ run ထောံမ္ဂး သုၚ်စောဲမာန်ရ။
ပ္ဍဲဒၞာဲတက်လိက် ဃောတက်မံၚ်လိက်ဂှ် မၚ်ကဵုမွဲလစုတ်မ္ဂး [အခဝ်လဵု နွံမံၚ်ပ္ဍဲ Key လဵု]ဂှ် ဍေံထ္ၜးမံၚ်ကဵုတုဲ ရံၚ်တက်ကေတ်ဗွဲလောဲသွာမာန်ရ။



ပ္ဍဲ Java Phone ဟိုတ်နူ Screen Capture ဟွံသၟဟ်အစောံတုဲ ဟွံဂွံလဴထ္ၜးဏာကေုာံဗီုရုပ်ဂှ် အောန်တဴစိုတ်ဗွဲမလောန်ရ။

Wednesday, October 26, 2011

Codecademy သွက်ဂွံလ္ၚတ်ဝေၚ် Programming

သွက်ညးမမိက်လ္ၚတ်ဝေၚ် Programming ကီု၊ သွက်ညးမလ္ၚတ်မံၚ် Programming ကီုဂှ် သွက်ဂွံဗကတ်ဗကေၚ်ဝေၚ်ဂှ် ဆဵုလဝ် Website ခိုဟ်မွဲတုဲ မိက်ဂွံပါ်ပရအ်ကဵု ကောန်ဂကူပိုဲတံကီုရ။ ပြဟ်ပြဟ်ဏံဂှ် Course ဍေံနွံမံၚ် ၂ ဓဝ်ရ၊ ဆဂး လက္ကရဴဗီုဂၠိုၚ်ကၠုၚ်နွံရောၚ်စၟဳလဝ်ရ။ သွက်ဂွံဗကတ်ဗကေၚ်ဝေၚ် ပ္ဍဲ Website ဍေံမာန်ဂှ် ဟိုတ်နူဒးသ္ပ Sign In တုဲ ဒးသ္ပ Register ဟွံသေၚ်မ္ဂး လုပ်ကဵု Facebook Account လေဝ်ဂွံရ။ ခန်ဗ္တောန်ဍေံဂှ် ဆလိက်သၟးဟွံသေၚ် ချူအာစမ်အာမာန်တုဲ ဗၠေတ်ဒးလေဝ် ဍေံစၟတ်မံၚ်ကဵုကီုဂှ်ရ သွက်ညးလ္ၚတ်တံပြေပြံၚ်ဗွဲမလောန်တုဲ မိပ်လေဝ်မိပ်ကွေံကွေံရ။

နွံပၟိက်မိက်ဂွံစမ်ဝေၚ်လ္ၚတ်ဝေၚ်ကီုမ္ဂး အာပ္ဍဲကဵု Codecademy တေံညိ။






Tuesday, October 25, 2011

သွက်ဂွံကၠောန်သ္ပ PDF or XPS ပ္ဍဲ MS Word 2007

ပ္ဍဲ Microsoft Office Word 2010 ဂှ် ဒၞာဲသွက်ဂွံဂိုၚ်စွံ file နဒဒှ် PDF ၜိုန်ရပဲါကၠုၚ်မံၚ်ဒတုဲကီုလေဝ် သွက်ညးသုၚ်စောဲ Microsoft Office Word 2007 တံ ဟိုတ်နူအစဳအဇန်ဏံဟွံပဲါကၠုၚ်တုဲ ကာလတက်လိက်တုဲ မိက်ဂွံဂိုၚ်စွံ နဒဒှ် pdf မ္ဂး ဒှ်ကၠုၚ်အခက်အခုဲရ။ ဟိုတ်ဂှ်ရ ညံၚ်ဟဂွံဒှ်အခက်အခုဲဂှ် နူ Microsoft တေံပ္တိတ်လဝ်ကဵု Add-in နွံရ၊ Add-in ဏံ ယဝ်ရ install စုတ်လဝ်ပ္ဍဲစက်ပိုဲတုဲမ္ဂး ပ္ဍဲဒၞာဲ MS Word 2007 - Save As ဍေံတေံ သွက်ဂွံဂိုၚ်စွံ PDF or XPS ဂှ် ဂွံဆဵုကေတ်တုဲ ကၠောန်သ္ပ pdf ဗွဲမလောဲသွာမာန်ရ။

ဗီုဂွံသ္ပ Install ဍေံဂှ်-

1./ ဗွဲကိုပ်ကၠာ download ကေတ် Save As PDF or XPS Add-in ဂှ် ဒၞာဲဏံ ညိ။



2./ နူမ download ဂွံနၚ်လဝ် SaveAsPDFandXPS.exe ဂှ် ဍဵုၜါလ္တန်တုဲ စ Install ညိ။



3./ ဆဵုကၠုၚ်အတိုၚ်သၟဝ်ဏံမ္ဂး ကဵုထောံစၟတ်တုဲ ဍဵု Continue ဂှ်ညိ။



4./ ဃောဍေံသ္ပမံၚ် Install ဂှ် မၚ်ကဵုမွဲလစုတ်တုဲ ကာလဍေံတုဲဒှ်အာမ္ဂး ဍဵုကဵု Ok ဂှ်ညိ။





ဟိုတ်နူပိုဲ Install လဝ် Add-in ဂှ်တုဲ ကာလပိုဲအာကဵု Save As > ဂှ်မ္ဂး ဂွံဆဵုကေတ် PDF or XPS အတိုၚ်သၟဝ်ဝွံတုဲ ကၠောန်သ္ပ PDF မာန်ဗွဲမလောဲသွာရောၚ်။



ဟွံကၠးစိုတ်ဗီုကၠောန်သ္ပတံဂှ်မ္ဂး အာဗဵုကေတ် YouTube ဒၞာဲဏံ ညိ။

Monday, October 24, 2011

UniMon KeyMagic သွက်တက်မလိက် Unicode မန်,ဗၟာ

UniMon KeyMagic ဏံဝွံ သုၚ်စောဲတက်မလိက် Unicode မန်,ဗၟာ သီုၜါမာန်တုဲ မလိက် Unicode သွက်လိက်မန်ပိုဲအခိၚ်တ္ၚဲဏံမ္ဂး TharLon Font မွဲ ဟိုတ်နူကၠောန်ကမၠောန်ပ္ဍဲ Windows, Mac, Linux မာန်ဖ္အိုတ်ကီု ဟိုတ်နူမအက္ခဝ်ဍေံလေဝ်ကျေဝ်ကီုတုဲ သုၚ်စောဲပြေပြံၚ်အိုတ်ရောၚ် ထေၚ်ကေတ်ရ။ UniMon KeyMagic ဏံ ၜိုန်ရတက်လိက်မန်, ဗၟာ သီုၜါမာန်ကီုလေဝ် ကာလတက်လိက်မန်မ္ဂး ညံၚ်လိက်ဗၟာဟဂွံပါအာဂှ် စွံသတိတုဲ တက်အိုတ်ညိဂှ် မိက်ဂွံဗ္ကန်ဏာညိရ။ မူဟိုတ်ရောတှေ် [ၚ+ ် = ၚ်] ကဵု [င+ ် = င်] ဂှ် ရံၚ်ဓမ္မတာတှ်ေတုပ်မံၚ်ရ၊ ဆဂး code စၟတ်သမ္တီဟိုတ်နူဟွံတုပ်တုဲ အနာဂတ်ဂတဏံမ္ဂး လိက်မန်ပိုဲ ပ္ဍဲ Online ကီု ပ္ဍဲ Offline ကီု ကာလဒးဂၠာဲစအက္ခဝ်မ္ဂး ဂစိုတ် "ၚ်" ကၠုၚ်နူ "ၚ" ဟာ "င" ဟာဂှ် ပါ်စဝါတ်အာတုဲ ဂၠာဲဟဂွံဒှ်အာရောၚ်။ ဟိုတ်ဂှ်ရ ကာလတက် "ၚ်" မ္ဂး သုၚ်စောဲ [ၚ+ ် = ၚ်] ညိ။ တုပ်သာ်ဂှ်ကီုရ အက္ခဝ် "ၛ" ကဵု "ဩ" ကီုလေဝ် ကာလတက်မ္ဂး သုၚ်စောဲအက္ခဝ်မွဲမဓဝ်ဂှ်ညိ၊ လ္ပသုၚ်စောဲ [ဇ+ျ=ဇျ] ကဵု [သ+ြ=သြ] ညိ။ နကဵု Keyboard မွဲဓဝ် တၞဟ်နတက်လိက်မန်,ဗၟာသီုၜါမာန်တုဲ စုတ်နၚ်လဝ်ကဵုသီုအက္ခဝ်ဗၟာရောၚ်။ ကာလ download ကေတ်မ္ဂး TharLon Font ကီု တၞးခံက်အၚ်ကောန်ဍေၚ်သွက်ဂွံရံၚ်ကာလတက်လိက်ကီု ပါဗက်ကၠုၚ်ရောၚ်။

နွံပၟိက်သုၚ်စောဲမ္ဂး download ကေတ် ဒၞာဲဏံ ညိ။

UniMon KeyMagic ဏံဝွံ ဟိုတ်နူကၠောန်လဝ် နကဵု portable တုဲ သွက်ဂွံသ္ပ install ဍေံဂှ် ဆအယာံမာတ် copy အာစွံပ္ဍဲဒၞာဲမွဲမွဲတုဲ သုၚ်စောဲမာန်ရ။

1./ နူမသ္ပ download ဂွံနၚ်လဝ် UniMon KeyMagic ဂှ် copy ကေတ်တုဲ အာစွံ ပ္ဍဲ C:\Program Files\ တေံညိ။



2./ ပံက် Run ထောံ KeyMagic.exe ဂှ်မ္ဂး သုၚ်စောဲတက်မလိက် Unicode မာန်ရ။ ဃောတက်လိက်ဂှ် သွက်ဂွံလှာဲ keyboard UniMon / English ဂှ် ဍဵု Alt+a ညိ။





ကုညးမသုၚ်စောဲမံၚ် KeyMagic တုဲတုဲတံလေဝ် နွံပၟိက် .km2 keyboard file ဍေံသၟးမ္ဂး download ကေတ် ဒၞာဲဏံ ညိ။

သွက်ညးမခံၚ်ကေၚ်မံၚ်တဲကဵုတက်မလိက် Mon [a=အ][b=ဗ] တံဂှ် အာကေတ်ပ္ဍဲ blog ကောဂၠု soelinthet တေံညိ။

Saturday, October 22, 2011

Webpage ပိုဲဒးစိုတ်ဂှ် ဗီုဂွံ Save ကေတ်နဒဒှ် PDF

CutePDF writer ဏံဝွံ Webpage မွဲမွဲပိုဲဒးစိုတ်တံဂှ် ပိုဲဂိုၚ်စွံလဝ် နဒဒှ် PDF မာန်ရ။ Software ဏံဝွံ ကၠောန်ကမၠောန်မာန်ပ္ဍဲ Windows 98/ME/2000/XP/2003/Vista/7 (x86/x64) တံအိုဿီုတုဲ ဒုၚ်တဲကၠောန်ကမၠောန်ပ္ဍဲ Browser နာနာ မပ္တံ IE, Firefox, Chrome တံရ။ Cute PDF writer ဏံဝွံ ဟိုတ်နူကၠောန်ကမၠောန်ညံၚ်ရဴ Printer တုဲ တၞဟ်နဂွံဂိုၚ်စွံ နဒဒှ် PDF မာန်ဂှ် စက်ပိုဲ သ္ဒးစုတ်လဝ် PS2PDF Converter ညံၚ်ရဴ Ghostscript တံမွဲမွဲရောၚ်။

ဗီုဂွံသ္ပ Install ဍေံဂှ်-

1./ အာပ္ဍဲကဵု Website ဍေံ ဒၞာဲဏံ တုဲ download ကေတ် CutePDF writer ကေုာံ Converter တံညိ။ ဟွံသေၚ်မ္ဂး download ကေတ် ဒၞာဲဏံ ညိ။



2./ နူ download ဂွံနၚ်လဝ်ဂှ် သ္ပ install စုတ် Converter ဂှ်ကၠာတုဲမ္ဂး ဆက်သ္ပ install စုတ် CuteWriter ဂှ်ညိ။



ဗီုဂွံသုၚ်စောဲဂှ်-

1./ Webpage ပိုဲမိက်ဂွံဂိုၚ်စွံဂှ် ပံက်လဝ်ညိ။
2./ အာပ္ဍဲကဵု File လ္တူတေံတုဲ ဍဵု Print ဂှ်ညိ။



3./ ရုဲကဵုဍေံ CutePDF Writer ဂှ်တုဲ ဍဵု Ok ညိ။



4./ ရုဲဒၞာဲဇကုစွံ, ကဵုယၟုတုဲ ဍဵု Save ဂှ်ညိ။






Tuesday, October 18, 2011

အဘိဓါန် အၚ်္ဂလိက်-မန် သွက် Linux OS

English-Mon Dictionary ဏံဝွံ ဟိုတ်နူချူလဝ်ကဵုမအက္ခရ် UniMon တုဲ သွက်ဂွံဗှ်လိက်တံဂှ်မာန်ဂှ် စက်ပိုဲဒးစုတ်လဝ် UniMon Font ရောၚ်။ English-Mon Dictionary ဏံဝွံ ဟိုတ်နူဒှ်မံၚ် file ဂကူ ".chm" တုဲ သွက်ဂွံဗှ်မာန်ဂှ် ပိုဲသ္ဒးတောဲသုၚ်စောဲအာကဵု Chm Reader မွဲမွဲရောၚ်။ Chmsee ဝွံ ဟိုတ်နူရံၚ်သောၚ်ထေၚ်ကဵုစိုတ်တုဲ သုၚ်စောဲဏာပ္ဍဲဒၞာဲဏံရ၊ Chmsee ဂှ် ဂၠာဲကေတ် ပ္ဍဲ Ubuntu Softwere Center တုဲ သ္ပကေတ် Install ညိ။

ဗီုဂွံသ္ပ Install သွက် Chmsee ဂှ်-

1./ ပံက် Ubuntu Software Center ဂှ်တုဲ ပ္ဍဲဒၞာဲ Search ဂှ် တက်စုတ် "chm" တုဲဂၠာဲမ္ဂး ဂွံဆဵုကေတ် Chm Reader ပိဂကူ အတိုၚ်သၟဝ်ဝွံရ။



2./ သွက်ဂွံသ္ပ Install ဂှ် ဍဵု Install ဂှ်ညိ။



3./ ဗီုဃောသ္ပမံၚ် Install ဂှ် ဂွံဆဵုကေတ်အတိုၚ်သၟဝ်ဝွံရ။



4./ ကာလသ္ပ Install တုဲဒှ်မ္ဂး ဂွံဆဵုကေတ်အတိုၚ်သၟဝ်ဏံရ။



English-Mon Dictionary သွက် Linux ကေုာံ UniMon Font ဂှ် download ကေတ် ဒၞာဲဏံ ညိ။

1./ နူမ download ဂွံနၚ်လဝ် UniMon ဂှ် ပံက်တုဲ သ္ပထောံ Install ညိ။



2./ English-Mon Dictionary ဂှ် စွံလဝ်ဒၞာဲနွံပၟိက်တုဲ ပံက်သုၚ်စောဲမာန်ရ။